呢個hompy將會不定期更新, 想知道我近況既朋友仔,

請移玉步去 http://hk.myblog.yahoo.com/cathyli113/ 啦

今日係我轉做sales既第二日

今年已經係第二次轉position

人工又再一次調整

雖然轉做sales可以搵多d錢

但相對既壓力真係唔少

不過今日終於開左單, 好開心~

我好似成個月冇打過牌喇~~

所以今日一定要係永龍會搶錢!!

可借最後只係打個和, 下次一定要努力D!!!!

尋晚訓訓下個胃勁唔舒服, 二點幾忍唔住起身嘔...

我嘔完, 點知輪到李肥仔嘔, 我同佢輸流係咁嘔.....

前後嘔左三次, 真係勁辛苦, 究竟我同佢食錯d咩呢?!!

醫生話我腸胃炎, 應該食錯野喎 (鬼唔知咩!?)

四喜一早就入黎陪我睇醫生, 抵鍚*.*

睇完醫生就出灣仔美食博覽, 由於有免費飛, 就算病, 都要去!!!

雖然看似精神奕奕, 但入到去, 行左半個鐘就頂唔順, 頭暈暈咁~~

結果只係買左冰皮月餅就打道回府~~

p.s. 順路去sogo買左支dior唇彩, 多謝四喜!!

11.08.2007

一早起身→facial→洗牙→接四喜放工→出碼頭搭四點半船去澳門。

今次船程真係幾辛苦, 因為大浪, 令到隻船好拋, 所以我又暈, 又頭痛, 又想嘔~~
落船後, 因為已經遲左唔少, 所以直接去酒樓食飯。
有好多親戚都係第二次見面, 感覺都仲係好陌生, 真係需要時間適應。
呢餐賀壽誕, 餸菜都係大路野, 冇咩特別驚喜, 但係都食到好飽~
食完飯已經十一點幾, 所以就直接返四喜女麻女麻屋企,
同d細路打左陣孖寶賽車就訓lu....搞左成日, 其實都幾攰~~

12.08.2007

訓醒起身都成十一點, 其他人都已經全部出晒去, 完全冇人叫我地起身=_=
結果要我同四喜自己出去搵野食, 冰冰提議我地試下<壇香山咖啡店>,
佢話d咖啡同奶茶好出名, 加上都幾近女麻女麻屋企, 所以就決定試一試。
<凍機茶>真係好香好滑, 而肉醬意粉味道都唔錯, 下次可以再黎。
食飽飽就返上去坐一陣, 打陣機, 點幾先出萊斯check in,
安頓好, confirm好晒影婚紗相既時間, 就打的去米蘭試衫。
由於米蘭隔離有間<義順>, 既然咁近, 又點可以唔食我至愛既燉蛋?!
入到去, 燉蛋賣晒 Orz.....最後叫左第二最愛薑汁撞奶, 豬扒多士。

尋日媽媽過埋黎幫我手, 所以今朝就一齊去義順食早餐,

去到又冇燉蛋食, 激死!!!!

約好2點到米蘭揀相, 佢地安排左一張梳化&電腦台比我地, emily話多數會揀幾個鐘,

所以一定要坐得舒服喎

一開file, 見到有三百五十幾張相, 真係影左咁多咩?????

一路睇, 真係一路笑, 有d pose好奇怪, 有d就好生硬, 有d又好肥!!!!

但係都有一半以上既相幾ok, 睇完第一輪, 再揀就比較困難, 要狠心d....

其實揀相過程比我想像中順利, 以為自己會要好多相, 又以為會左搖右擺唔知要邊張好...

可能因為四喜監察住我, 所以我都揀得幾決斷, 尤其係大小油畫, 一睇相就決定到!!

最後要左80張相(加15張), 決定埋大細油畫, banner, 2個水晶台架, 簽名布, 2r相....

差唔多6點先搞掂, 結果又用左4個鐘, 真係唔覺揀左咁耐。

總括今次既經驗係又開心, 又難忘, 又攰....

最滿意既造型 - 影星星公園既時候, 我覺得幾襯個環境, 挑皮活潑d。

最滿意既禮服 - 白色平腳婚紗, 好鍾意入面既珍珠, 清清地, 唔太俗。紅色晚裝就咁睇真係勁紅,
但係影出黎既效果就最sharp, 都唔錯唔錯。大拖尾婚紗開頭麻麻地鍾意, 只係為左揀而揀, 因為
個個都話要揀一件大拖尾影相喎, 最後影出黎既效果又幾好喎, 依家我越睇越鍾意。原本最鍾意藍
色aline晚裝, 因為現場著得我最瘦, 但係影出黎既相反而最肥, 所以都令我幾失望...

最滿意既小道具 - 孖寶草菇頭, 其實都幾搞笑, 佢跟本唔應該出現係婚紗相, 但出黎既效果都幾好,
幾意外。 其實仲帶左波板糖同汽球, 波板糖用左係藍色晚裝果批相度, 由於呢批相勁肥, 所以冇咩
點揀, 好似"size"左d糖咁。汽球既效果都唔錯, 我地買錯左細汽球, 真係吹到氣斷都吹唔大, 原本打
算放棄唔用, 點知幫手換衫既青姐勁好氣, 一口吹一個, 真係勁!!! 佢仲幫我串起埋d波波, 真係唔該
晒。影相果時為左營造輕氣球既效果, 阿jack每次都要叫一、二、三起!!! 咁我地就揮起串波波, 諗
返起都幾搞笑同白痴, 哈哈~~

最滿意既工作人員 - 阿jack, 佢真係幾識取景, 睇角度, 影得我幾靚

最滿意既景點 - 星星公園, 主教山, 萊斯酒店打成平手, 個個都鍾意, 嘻嘻~~

7 點幾已經醒左, 唔知係咪因為緊張得滯, 訓唔著。

既然醒左, 就起身再點多次有冇帶齊拍攝用品,

點完, 又執完, 見有時間剩就浸個熱水浴先,

米蘭個浴缸真係超正, 又大又深, 仲可以一邊浸, 一邊睇電視

嘆完奶茶, 食飽飽就出發去米蘭...一到達就準備化妝, 換衫, 配首飾...

首先換火紅晚裝影內景, 之後就換埋藍色aline再影內景,

原來擺pose一d都唔容易, 又要彎腰, 又要挺胸收腹, 又要笑得甜蜜...真係好高難度!!!

影完內景, 其實我都有少少攰, 所以order左豬扒包做午餐。

第一站外景係<星星公園>, 我換左一件大拖尾, 阿wing幫我係個頭度加左d小白花,

呢個造型係我最滿意既, 感覺活潑少少。

去到就影下噴水池, 葡式屋仔, 花圃, 樹木....

之前一直擔心天氣唔好, 會落雨, 但係當我地開始拍攝既時候,

竟然出左少少太陽, 真係幾開心...覺得個天好似幫緊我咁

出太陽, 換黎既壞處就係熱到爆, 我著low cut都好d,

但係四喜恤衫+背心+西裝 = 熱到溶, 見到佢熱到冇晒mood個樣, 真係唔知點好。

雖然我上身唔熱, 但係大拖尾婚紗=下身密不透風, 真係熱到我大脾出汗

呢個景點, 我覺得最靚係葡式屋仔, 個環境真係好靚。

第二站外景係<主教山>, 原本諗住影旅遊塔, 因為可以玩水, 影黃昏景,

可惜大部份時間都天陰陰, 一定唔會有黃昏景, 所以就改左好多人極力推薦既主教山。

一上到山, 勁大風, 又清涼, 個view仲好開揚添, 即刻覺得自己冇揀錯

呢個景點, 比頭先舒服好多, 起碼唔會熱到唔想郁, 所以我覺得自己影得feel d 同自然d。

影完就返米蘭休息下, 換衫加轉造型, 呢個造型我都幾滿意, 有朵銀白色大花花, 感覺高貴左, 哈哈~~

跟住就去最後一個景點<萊斯酒店>, 之前係生活易, 見到好多網友都力讚呢間酒店,

我又上網search過酒店環境, 就咁睇相已經好鍾意, 加上佢呢排又做緊promote,

所以原本打算先book酒店, check in後先決定影唔影呢度。

一入酒店大堂, 已經立即決定呢度係景點之一, 因為條水晶長樓梯實在太太太靚!!

之前已經同萊斯confirm好時間, 大約6點比我地拍攝, 所以我地就6點幾去到。

由大堂開始影, 噴水池, 房間, 再影埋天台, 機乎所以地方都比我地影晒,

隨行幫手既姐姐都覺得環境好靚, 佢都忍唔住叫攝影助手幫佢影幾張, 真係好開心 。

由11點半開始, 7點幾係米蘭走, 足足搞左8個鐘, 真係好攰好攰, 但應該值得既, 嘿嘿~~

係<壇香山>食完好味既午餐, 同d細路打左一陣機,

就準時二點到達米蘭試衫, 一開始真係茫無頭緒, 究竟邊款衫先岩我?

邊款衫先好睇? 結果只係用左二個幾鐘就試完, 總共試左廿幾件婚紗or晚裝。

試衫過程比我想像中快 & 滿意.....

但係我覺得幫我試衫既阿姐都幾堅持己見, 佢認為我著得靚既,

就極力push我去揀, 雖然佢地都算幾pro, 但係我始終覺得,

冇理由揀一件自己唔鍾意既衫麻, 一世人一次, 一定要自己鍾意先得 !!

最後揀左一件大拖尾婚紗, 一件直身婚紗, 一件火紅色晚裝, 一件藍色A line款~~

真係好心急 & 緊張, 究竟聽日會點呢??