呢兩個星期開始進行溫書大計，跟住個ｔｉｍｅｔａｂｌｅ去做，

有ｄ做到，有ｄ做唔到，希望慢慢可以依足晒去做。

呢一年要集中火藥溫書，練琴，同埋讀英文，為左既都係入大學。

好想快ｄ撇開ｉｖｅ呢個稱號，同埋好想過大學生既生活，仲有兩年咋，捱埋去。

「稻 香」      詞：周杰倫    曲：周杰倫

   對這個世界如果你有太多的抱怨
       跌倒了就不敢繼續往前走
       為什麼人要這麼的脆弱 墮落
       請你打開電視看看
       多少人為生命在努力勇敢的走下去
       我們是不是該知足
       珍惜一切 就算沒有擁有

       還記得你說家是唯一的城堡 隨著稻香河流繼續奔跑
       微微笑 小時候的夢我知道
       不要哭讓螢火蟲帶著你逃跑 鄉間的歌謠永遠的依靠
       回家吧 回到最初的美好

       不要這麼容易就想放棄 就像我說的
       追不到的夢想 換個夢不就得了
       為自己的人生鮮艷上色 先把愛塗上喜歡的顏色
       笑一個吧 功成名就不是目的
       讓自己快樂快樂這才叫做意義
       童年的紙飛機 現在終於飛回我手裡
       所謂的那快樂 赤腳在田裡追蜻蜓追到累了
       偷摘水果被蜜蜂給叮到怕了 誰在偷笑呢
       我靠著稻草人吹著風唱著歌睡著了
       哦 哦 午後吉它在蟲鳴中更清脆
       哦 哦 陽光灑在路上就不怕心碎
       珍惜一切 就算沒有擁有

       還記得你說家是唯一的城堡 隨著稻香河流繼續奔跑
       微微笑 小時候的夢我知道
       不要哭讓螢火蟲帶著你逃跑 鄉間的歌謠永遠的依靠
       回家吧 回到最初的美好 

今朝９點幾起左身，因為約左啊罡去深圳買書。到左深圳已經１１點半，我地隨即去搭深圳地鐵到少年宮站的那個號稱世界最大的深圳書城。

行左１個幾鐘，我買左幾本ＩＥＬＴＳ既書，啊罡就買左ｄ乜乜管理書。

之後搭返地鐵去羅湖站食野，搵左『玉桂圓』個入口好耐，最後竟然係後門入，真係攪笑。但間野真係幾好食，只係貴左少少，都唔知佢點計數，又話有六折，之後計左出黎成一百蚊左右，不過算喇，兩條油，講又唔夠講，打又唔夠打。

跟住去左羅湖商業城行下，全部左係賣女人野，得好少男人野買。過關之前，啊罡買左ｄ『律子』同大閘蟹。

４點幾，返左教會練琴，跟住打乒乓波，７點先返屋企食飯，食完飯好眼訓，又不敵睡魔，訓到１２點起身，啊媽煮左個麵俾我食。今晚既溫書大計完成唔到，希望聽日開始要堅持做。

 近來不斷深入鑽研魔術的周杰倫，已經預言了自己的新專輯將與魔術有關，即將在10月9日推出個人第九張專輯「魔杰座」！本是摩羯座的周杰倫，以音符和創意，變出星空中的新星座「魔杰座」，這個令星座專家摸不透的神祕星座，形狀有時是撲克牌上的騎士，有時又變成鬼牌上的小丑，變換不同的形體和曲風，在新專輯的預購海報設計上就以撲克牌的設計概念，呈現出魔術師與小丑的頂尖對決！

連續幾晚的通宵，玩得十分開心，但帶來代價的是身體不舒服，頭痛，暈，想嘔，眼訓，冇精神，肚餓．．．等等。

星期五晚，一班提摩太男仔去了癲馬屋企，差唔多１０點多先齊人，傾計傾到３點左右，跟住就開始玩橋牌，有ｄ就訓左教，一玩就玩到６點，跟住大家就返左屋企ｌｕ。

訓唔夠５個鐘就要起身，因為要上門訓，真係慘。但感覺唔係好累，上堂個陣冇打盹。

完左團契，我地去左食飯，然之後就去左美孚打波。好熱好熱，最討厭就係一身大汗的感覺，想即刻沖涼。跟住，成班男仔，就上左黎我新屋玩ｒｉｓｋ，過程大家都好激動，一玩就玩到５點鐘，真係西利，大家都唔記得前一晚已經通左宵。

星期日已經打算唔返崇拜，但因為牧師有野吩咐，所以１１點要返到去，又係訓唔夠５個鐘要起身。下午留係度聽Ｆ．Ａ．Ｔ門徒訓練，超爆悶。好想走，但最後堅持下去。聽左兩粒鐘，一ｄ都唔吸引，我就唔會參加了。

今日係中秋節正日，我地各人返左屋企做節之後，就再約出黎一齊去美孚公園賞月和玩燈籠。好開心，能夠一齊開開心心過中秋節。之後就去左癲馬屋企，又要打攪晒了。又再通宵，勁勁勁勁勁啊。直到９點半，大家先走，跟住一齊食ｍ記早餐。

星期一成日拎左黎訓教，冇做到野，由１１：００訓到２０：００，跟住先起身食飯，起左身，個頭勁爆痛，捱左３晚通宵，就是要這樣承受痛苦。

今年係第２年在ｉｖｅ讀書，而今年既課程係最辛苦既一年，因為下年就係ｌａｓｔ　ｙｅａｒ，要出去公司實習，冇今年咁多野讀。

最近係咁在網上見到好多師兄話要ｄｉｓｔｉｎ要先有得ｉｎｔｅｒｖｉｅｗ，攪到我好驚，因為我上年既分都只係得ｃｒｅｄｉｔ，如果今年拎唔到ｄｉｓｔｉｎ，咁就大檸鑊喇。

今年對大家黎講都好重要，因為有ｄ團友考ａｌｅｖｅｌ，希望大家一齊俾心機，向自己既目標努力。

－－－－－－－－－－－－－－－－－－－－－－－－－－－－－－－－－－－－

唔經唔覺，提摩太已經到了五週年，五年既時間話長唔長，話短唔短。在提摩太這五年，見到團契有好多唔同既轉變，由之前只有不夠十人的聚會，變成一個大家庭。．．．．．．．待續。（要睇電視）

今日１０點鐘返到學校，聽兩個鐘簡介，介紹下今年有ｄ咩教目讀同埋分班情況。

點知講左唔夠一個鐘就完左！！！！！完左，知道自己去左邊班，好彩分得都唔係好差，只不過舊年有ｄ同學去左第二班度，即係打散左。

成兩個幾月冇返去校園，感覺冇特別既新鮮，腦海只係想著，今年既課程比舊年艱辛，要好好努力。

－－－－－－－－－－－－－－－－－－－－－－－－－－－－－－－－－－－－－－－－－－

新學年又黎喇，大家準備好未呢？大家既目標又係咩呢？

轉換左新環境既團友，要慢慢適應哦。

不經不覺之間，暑假只餘下最後的幾天，大家收拾好心情返學未呢？在這個暑假入面，大家過得充實嗎？玩得開心嗎？有沒有做到你在暑假之前所定的目標呢？例如要在暑假溫書，找工作做等等。

總結我整個暑假，是沒有達到我預期的目標，本來打算在這個暑假做兩個月工作，儲一點錢，還有學英文和練琴，可惜最後只完成了部份。

不過我在這個暑假過得很開心，一班提摩太團的團友差不多每天的聚在一起，有講有笑有玩，時間就很快的過去。

在暑假最後，才有份工作做，就是在教會做幹事，起初有點怕自己擔當不起，但最後都頂硬上。做了兩個星期，已經上手了，而且牧師和陳姑娘都很好人，不明白可直接請教他們。雖然人工不多，但可以在教會事奉神，卻是多麼的好。今次做幹事所得的薪金，我將會用在學鋼琴上，因為我本身是學古典鋼琴的（教會資助），但想快點兒能夠彈奏詩歌，打算自己出錢學詩歌伴奏，所以今次的薪金可以幫助我捱幾個月的學費（＄２５０一堂，一個月上兩堂）。

－－－－－－－－－－－－－－－－－－－－－－－－－－－－－－－－－－－－－－

前兩天（星期二），同牧師、師母、仙去左機場睇戲，睇地心探險記３Ｄ版，感覺好新鮮，好真實，好似置身套戲入面，值得一試，當中好似迪士尼咁，有水、煙霧、泡泡噴出來，如果張椅子會動就完美了。