哎唷...哎唷....好可愛呀, 因乜解究可以可愛成咁架????

(請大家唔好見怪, 原諒一個恨bb既媽咪)

今日淇淇第一日返升低班全日班, 做媽咪既我, 始終都好擔心, 唔知佢一切適唔適應得到, 新班主任對d小朋友點呢(因為見佢唔係一個笑容燦爛既老師), 個女第一日響學校食飯唔知食唔食得多呢? 個女響學校訓晏覺又唔知訓唔訓得著呢? 一大堆問題成晚響個腦裡面轉,  所以一直都訓得唔好

今朝我七點半就起床, 見囡囡佢訓得重好甜, 唔想吵醒佢啦, 自己去刷牙洗面先, 搞掂晒自己之後, 先叫醒囡囡, 佢都幾乖豬, 叫左兩聲, 佢就願起床啦, 冇懶床....好快沖左樽milk比佢飲, 飲完佢就起床換校服啦,...

今日去左沙田搵淇淇既姨仔佢地一家三口去踩單車, 雖然踩左一個下晝, 好累好熱好辛苦, 但係都好開心呀....不過對d衰蚊黎講, "佢"地就重開心死啦...咬左淇淇隻腳仔好多啖呀我睇見心痛死我啦

今日星期日, 約好左打令同雲去睇阿路既BB女, 噢....初生三個星期既BB女真係好可愛呀, 好濃BB味....我聞左幾下, 嘩...D 母性返晒黎, 真係流晒口水架我! 打令都係, 佢同索餅見到個B女都唔捨得放手, 我地三個C9都"發B寒"一個抱完又傳另一個....失禮晒, 希望路路唔好見怪

返而我地D仔仔女女對個BB一D興趣都冇, 掛住玩修修D玩具, 淇淇就掛住同隻dog dog玩, 見佢不知幾like隻狗狗, 摸唔停....服左佢, 對bb淇淇真係一dddddd興趣都冇,...

今日我地一家三口參加左石澳一天遊, 做左幾年懵婆既我, 連石澳地點都未搞清楚就參加左喇! 一心諗住石澳會響西貢入面, 點知, 唔係喎

今日天朗氣清, 真係一個"筆沙沙"既好日子, 我地朝早好早就起床(早到好似返工咁早), 9:00a.m.就上左旅遊巴出發啦...好緊張呀(有種好熟悉既感覺, 好似我讀書果陣學校旅行咁)

一小時車程, 真係好遠呀, 頭有d暈, 不過見到咁靚既海灘, 人都醒神晒啦! 渣渣臨落去霸個靚位先, 真係好幼啵...d沙...hehe...

淇淇好開心, 佢好鐘意"筆沙沙"架, 我地重租左把太陽傘, 一心諗住響傘下面就實冇死啦, 點知都係難逃一"黑"...叮..."黑"左

淇淇今次重肯落水玩, 雖然係洗腳既方式, 係咁二濕下腳仔, 但都好驚我感動啦, 因為佢唔知點解, 出世都而家都未肯游過水呀...唉....

三個"黑"人就響傘下面不經不覺玩左5粒鐘啦! 噢...時間過得真快, 三個人帶住不同既心情(淇爸: 唔捨得沙灘d三點色靚女/淇媽: 唔捨得沙灘d泳褲型男/淇淇: 唔捨得d沙沙, 全部都要忍痛 say goodbye lu....

回程, 好累, 一上車車, 個個都訓晒覺豬喇

今日好開心, 對我黎講真係一個好大好大既日子!

前日知道淇淇得到獎學金之後開心左一段時間

原來除左獎學金之外, 今日係淇淇生平第一次上台表演, 第一次接受獎項, 我真係好滿足呀

今日係星期六, 我同老公都請左假,去參加淇淇學校舉行既頒獎禮, 今朝一早要先送左淇淇返學校交左比胡老師, 而我地十點幾先自行去文娛中心入場

入場時, 好多人呀, 有d擔心個女唔知到時表演會唔會驚慌呢

開場後, 校長校董致詞完就好快輪到頒獎時間喇, 終於到幼兒班頒獎既時間, 淇淇得到"學業成績優異獎"同埋獎學金兩個獎, 我見淇淇出黎果陣, 原來可以咁震定架, 突然間我就眼濕濕喇, 我真係有感個女大左好多...好感動唷

頒完獎好快又到表演時間, 淇淇班表演跳舞[開心常歡笑]...真係跳得幾好架, 個個小朋友都跳得好落力, 我真係好想多謝老師佢呢一年黎既教導

我好開心, 好快樂, 尋日小糖果學校派左評估表, 全部都答o岩晒, 我真係好開心, 原來我個女響呢一年既學校生活, 真係學識左好多野, 多到我有d驚訝

咁快又一個學年完畢, 真係好唔捨得佢班主任胡老師, 除左小糖果好鐘意胡老師之外, 我都好喜歡佢

升上低班, 小糖果就會轉成全日班, 唔知新既班主任會係邊個老師呢? 又唔知會有既多個同班同學仔會讀返同一班呢? 又唔知全日班既生活係點呢? 又唔知功課會唔會多左呢???

我好旁惶...好~~~緊~~~張~~~~呀~~~~~~~~~~~~

今日係2006/5/7 係我生日前夕, 因為媽咪話5月8日係星期一, 所以提早為我舉行一個生日會囉!

媽咪好o錫我, 年年都為我開生日會......我都好o錫我媽咪架, 因為佢年年為我開生日會囉...哈哈~~~

今年我4歲喇, 媽咪話4歲生日之後, 大個女架啦, 唔可以郁d就要抱, 我都知道, 但有時真係行得好"累", 所以間中都要dadi, mami抱抱! 我決定左, 5歲啦, 5歲既我就一定唔洗抱抱架喇....真架, 信住我先啦!

我生日會去左BBQ...都好開心架! 果度媽咪話叫"香薰園", 去到果度我真係好鐘意呀, 有得食,又有得玩, 我最鐘意就你捉魚魚喇, 我相希望每個朋友仔都好似我咁, 同樣咁開心!

我朋友仔珊珊都係同我一齊開生日會, 所以大家就一齊切蛋糕囉! 蛋糕好好味, 係我自己揀架......不過我最想要既係公主蛋糕, 可惜懶豬媽咪話遠喎, 所以冇去訂造比我...唔得, 下年我,一定要架....

嗄....5月8日你我真正既生日, 婆婆買左個蛋糕仔返黎同我慶祝|! 我好開心呀, 重食左好多蛋糕添...真係好好味架!