9月30日~

係叔叔既出殯日~我地為佢選擇左基督教儀式~

一切都好平靜...在場無哭哭啼啼,只有眼淚在心裡流...

係殯儀館要沾仰遺容既一刻,我真係有些忍不住!!!

好擔心呀!!!

今日新聞話雀巢奶粉有問題~

我亞b差不多飲左兩年啦~

真係好擔心.....

知道呢個壞消息既時候,我已經打左去醫院問~但佢竟然話今日嗰個部門休息!!!

本來今日係亞b既農曆生日,但知道呢個消息真係咩心情都無晒!!!

所以我只係買左個生日蛋糕同媽咪,家姐同亞b慶祝~

9月16日~

今日我叔叔離開左我地!!!

真係好傷心.....

感覺比起失戀難受百倍!!!

對比起~

失戀真係微不足道.......

雖然佢離開左我地~

不過對佢來講可能係一件好事...

因為我地真係唔想再見到佢受折磨啦~

醫生話我叔叔係因為飲酒引致肝硬化,再而肝癌,再出現併發症(肺炎,胃出血)眼見佢太辛苦啦~我地每日去醫院探佢都會忍不住流眼淚,見佢太痛啦~真係比死更難受!!!

依家雖然大家都好傷心...但總好過見佢再受折磨!!!佢今日面上帶住好安祥既樣離開我地~總算係解脫........

而我亞B月頭入左醫院一個星期,真係令我地成家人都好擔心,不過依家完全好返晒我就放心啦~不過11月尾都要去照X-Ray~

6/5

五月五日,今日診所打比我叫我去睇報告~

點知醫生叫我聽日再去抽多次血同照心電圖~

佢話依報告來睇:我可能隨時會心臟停頓!!!

不過我做人都已經睇得好化,死唔緊要,不過最緊要唔好咁痛...........心靈上既痛苦已經試過,唔想再受肉體上既痛苦..........

現在對我來講~我最唔捨得都只係亞B~

亞媽就叫我千祈唔好有事,亞B得歲半,點算呀???

我都唔知道???

9/4

今日終於睇晒套~~換換愛~~啦!

真係好好睇~我連續睇左幾晚通霄先睇得晒!!!

有幾個場面真係好感人,我都睇到流眼淚~

1/10

亞晴就快一歲啦~

真係唔知道點同佢慶祝好,本來打算帶佢去海洋公園,但係佢又唔識行,又要推車,所以取消左呢個行程......

有無人有咩提議比下我呀???

1/10

尋日去左我兩個小學同學既婚禮~

首先中午去教堂行禮...埸面真係好感動~

我相信每一個女人都會希望喺教堂行結婚典禮!!!

喺教堂入面聽到佢地唱聖詩,傳道,聽到個心都好舒服...

然後就由牧師做證婚人,佢講解話結左婚,你既另一半就係你既財產,你係唔可以貿貿然唔要佢,話掉左去就掉左去~

當牧師問一對新人是否願意娶,嫁對方既時候,埸面真係好感動...

當一對新人讀出譬詞既時候,對方都感動到喊...搞到埸內個個都眼濕濕....

而夜晚喺酒樓就簡單得多,再無咁多令人眼濕濕既埸面~

23/9

今日係星期日,亦係我放假既日子~

今日我帶左亞b返屋企,我見到佢真係好開心~

佢一日一日咁長大,好似好快又一年!!!

我依家已經要諗下佢唔知讀邊間幼稚園好........