家父終於買了一把新的太陽傘,

但是不知為乜硬是不肯把它張開。

我問家母這像什麼?

經過開導她恍然大悟說是呀這不就像安全套?

然後又召喚家父來看說你看你看多麼有礙觀瞻,

然後轉個頭兩人又在研究其實這套稱不上安全因為袋上有窿云云。

我比較伂儈, 在想有沒可能找杜蕾b或岡管斟斟做個戶外廣告,

隔籬鄰舍經常有人睇樓, 人流都頗暢旺架,

而你知睇樓的人多是生活枯燥無事找事做之徒, 正所謂目標觀眾喺晒度。

後來據了解, 是因為每次張開傘, 雀仔就跑來便溺,

所以有關當局在未想到辦法之前唯有「笠住」。

別怪我沒溫韾提示一聲, 有關當局想辦法的轉數是很快的,

為免向隅, 買位從速。

這個八月十六, 沒出去追月, 追了《家好月圓》。

唔好「o習~」我。

你咪以為《家好月圓》只是又一套師奶肥皂劇咁簡單, 你試

留意一下它帶來的文化衝擊: 今年香港市民的中秋願望冇第

二句架喇, 只係識講「家好月圓」架咋, 報紙標題係咁, 電

視訪問又係咁。

反過來, 你又留意一下這套劇投放的資源, 經濟到呢。

之前有電台節目主持人發現無線劇集有好多單親家庭, 我都

不以為意。今次認真數數, 果然想搵家父母雙雙在堂的都難。

就算有, 父親都要兩邊走, 好似Jo飽咁, 紅姨用用完荷媽用。

你或者會推說這個年頭電視台鬧甘草荒吖嘛。

係? 之但係觀乎年青藝員的調配, 亦是慳家兼實惠喎。

愛情線是有的, 而且還有好幾條, 但是來來去去都是由那六

粒黐頭芒(定七粒話?)自己在交叉相乘: 徐子珊搭完陳浩搭黎

懿諾, 陳浩搭完徐子珊再搭楊怡, 于素秋搭完黃宗澤再搭管

家仔…其中除了黃宗澤, 其他角色全部是同一屋簷下的表兄

妹或異姓兄妹關係, 簡直閉門一家親, 差在沒叫馮素波介入

Jo飽、紅姨、荷媽的三角關係而已。兩堂佈景十零個角色就

可以集集炒到火紅火綠, 外景最遠去到南丫島, 收視卻高踞

三十幾點, 咁有經濟效益, 你話六叔有乜辦法唔銀根充裕到

可以笑吟吟頒完一個又一個的邵逸夫獎呢。

虫說:            呢, 你覺唔覺呢,

             個個政黨候選人好似賣緊二寶果汁糖?

蛇說:      吓? 即係…「如果你最愛你個小朋友,

             而你個小朋友又最鍾意食二寶果汁糖,

             咁你就要俾你嘅小朋友食二寶果汁糖…

        二寶果汁糖, 二寶果汁糖。」…咁樣?

虫說:      應該係…「如果你支持我乜乜黨陳大文,

                咁你就要出嚟投票俾3號乜乜黨陳大文

                3號乜乜黨陳大文, 唔投你就笨,

                Number fee 陳大文, Number fee 陳大文

                Number fee 陳大文, Number fee 陳大..」

蛇說:      得, 得, 得! get到! 唔駛再講落去, 唔該。

蛇說:      話時話, 我又覺得佢哋賣緊電子辭典多啲喎。

虫說:      點解呢, 佢哋把聲好電子咩?

蛇說:      唔係, 佢哋個個都話可以幫我發聲,

                以前啲電子辭典都sell真人發聲嗰喎。

虫說:            爛gag。

很久沒感受過那種山雨欲來的靜寂, 像被焗在真空杯內。

打風前夕從中港碼頭乘車回家的一段路上, 的士司機指著沿途

那些樹說:「你睇你睇, 郁都唔郁, 今次實係勁嘢!」還問我要

不要半路停下來買點糧草。我說不用了, 家裡的儲糧, 即使打

一個月風也不會餓死。

鸚鵡原來是個陰沉的武林高手, 等了大半天仍然不動聲色, 講

都唔信是9號風球, 直到你開始鬆懈的傍晚時分, 才來一輪密

集的狂風掃落葉, 好在功夫熊貓幫我將4張摺椅救回屋內, 其

餘的唯有任它東歪西倒了。

說來湊巧, 對上一次的9號風球, 也以雀鳥命名, 叫杜鵑。

聯想力豐富的堪輿學家可能已拿來穿鑿附會, 說禽鳥特別對香

港兇悍, 君不見03年沙士亦是禽鳥之患云云。信不信由你。

刻下我只想嗱嗱聲收拾殘局。

當那個一向冇乜吉史兼冇乜腥史的香港天文台掛起一號風球

並聲稱改掛更高風球的機會不大時, 我的同事門神卻斬釘截

鐵告訴我呢鋪掛硬八號。因乜解究咁肯定呢? 佢叫我過去參

觀一下佢嘅一對膝頭哥。原來呢位仁兄之前打半職業籃球,

傷患纍纍, 兩邊膝關節更做過大手術, 每逢打大風前夕, 雙

膝都會無端端出現瘀紅一片, 像撞傷一樣。眼前所見, 果然

係咁。今朝睡眼惺忪聽聞北冕變為八號風球時, 就在想人體

真的很神, 明天回公司一定要去給門神的膝頭哥鞠個躬。

蛇說: 我唔做廣告looo~

虫說: 做乜呀, 好哋哋?

蛇說: 我要追尋夢想, 外面世界咁大。

虫說: 乜..廣告唔係你夢想咩曾經?

蛇說: 你都識話曾經啦。

虫說: ……

蛇說: 好多嘢, 你唔明架喇。

虫說: 我明。

蛇說: 不過, 我都冇話完全唔掂廣告。

虫說: 咁即係點?

蛇說: 我會做freelance囉。

     夢想, 都要食飯架?

虫說: ……

蛇說: 你唔同意咩?

虫說: 唔係..之不過我喺度諗緊一啲糾纏不清嘅瓜葛..

     嗱, 一個曾經係你dream love, 依家淡晒喇, 你要同佢分手,

     但係事實上心靈上你又唔係真係同佢分手,

     你暗啞底將佢當成奶媽, 哺育你同你的新dream… 然後有一日,

     你可能或者又會忽然覺得奶媽其實仲幾"參明", 想話重修舊好,

     而當其時奶媽可能已經餵奶餵到唔記得你哋一個二個邊個打邊個…

蛇說: 死架你! 好諗唔諗… (啪!)

見到一隻二隻大螃蟹隨街走, 你會不會拾回家做薑蔥炒蟹? 以前,我想