清明去左拜媽咪同公公
佢地又住係高層，幾千年無行樓梯
真係索晒氣噢 >_<"""
前日１０號，外婆安葬
終於都可以同公公團聚呢

同阿妹BB佢地去左睇戲
Mr.bean ( 冇想像中咁好笑 )
魔役 ( 一味靠嚇，嚇到要食定心丸添喎 )

某日去朗豪坊睇戲
見到sun boys 同埋鈴木仁
阿妹不斷話鈴木仁好靚仔
但我早巳對Ｄ所謂靚仔麻木晒
去左某層玩掟彩虹，只係玩左十蚊咋
都中左好多野噢！！（我真犀利）

星期日同Connie，BoBo一齊食飯
三個女人一個墟，好多野講
BoBo送左成盒小玩意我玩
Connie請食飯，仲拎左一條BB整既法包走添喎

有時覺得自己仲好唔成熟
又唔夠堅強，好脆弱
一諗起媽咪果陣總會有種絕望感
成日會覺得媽咪係度就好勒
媽咪係度就開心晒勒等等之類
好掛住媽咪，好想爹下佢
依賴心太強，好失敗
我點先可以硬淨Ｄ呢？？？？

不過當我諗起我身邊有班好錫我既人
我就開心晒架勒！！
同時，我將一個殘舊的背包掉了！

感謝主！
每當我無助時，祂總會帶領我！

同時要多謝：
綿綿，IVY，GIGI，CONNIE，BOBO，CAROL，馬拉媽咪等人





_{By LoVeLypIgLeT 07}

我就係鍾意你啊！！





_{By LoVeLypIgLeT 07}

我地一生人有幾多事情或物件被遺忘了呢？

忘記到底是一個超爛既藉口還是一種逃避呢？

咁點解又要有回憶呢？

咁回憶又係未一種奢侈品呢？

突然莫名其妙起來！！．．．

到底忘記可以被接受嗎？？








_{By LoVeLypIgLeT 07}

朝早煮左普通既早餐．．．
腸仔煎雙蛋加出前一丁
再加杯麥斯成爾原味咖啡．．．
好味道，好豐富！！

戰狼３００
唔係想像中咁好睇
乜得黎咁多怪獸既者？
不過綿綿冇訓著覺都值回票假囉！！

朗豪坊果間元氣真係唔好食啊！
諗起太子道同埋屯門果間好鬼正
咁耐以黎都冇去過板前食野
係未真係咁好咁道呢？？

最近晚飯時會拎支美極出黎撈飯
因為好懷念呢種味道！！！

天氣唔好，令到我半夜又咳咳
好怕轉天氣，我就慘勒！！
好怕哮喘發作，諗起透唔到氣果種辛苦法．．．
唷！！心都寒埋～～～

IVY 琴日拎野比我
佢見到我個豬頭都話唔錯
咁都老懷安慰Ｄ．．．哈！！

我由細到大都唔鍾意人指我做乜做物
鍾意所有野都由心而發做出黎
有咩該做唔該做我知道
唔理．我會好地地，越做越好
假如要理我做Ｄ乜野
會越叫越唔想做，更反叛，更激死人！！



甘大滋

甘大滋真係好好味
好好味，好好味！
但係都係勁鍾意百力滋．．．


_{By LoVeLypIgLeT 07}

話時話冇野能及得母愛咁偉大啊．．．

最近去街又好，係屋企附近又好，上網八人地ＤHompy又好
都睇到好多BB仔，肥嘟嘟好得意
尤其岩岩出牙仔，牙牙學語之時最可愛！
攪到我又心郁郁想有個獨於自己既ＢＢ．．．

呢幾日仲更加緊要想有個ＢＢ
都２８歲啦，傳統Ｄ早巳結婚生仔啦
但係家陣就一事無成．．．
之前係街到撞到個舊同學仔
唷！兩個細路仔囉，一個巳經五歲添啦！！！
好羡慕唷！！！>"<

有時候無聊愛幻想
諗下諗下自己個ＢＢ會係點樣？
眼睫毛長長嗎？咀嘟嘟嗎？鼻高高嗎？
似我咁都唔錯啊！哈哈( 突然自戀狂添)
不過點都好，最重要嫁左個好老公先！

ｅｈ．．．
晨早發下夢都得掛！！？

唷！！好掛住天使媽咪噢！！



_{By LoVeLypIgLeT 07}

我都唔知點解咁可愛．．．
可愛得人憎果種！．．．
咁大個人都好鍾意扭計
成日仲要TUM，好似Ｄ細路仔咁
有陣時都覺得自己幾麻煩架




啊！頭先豬既腳指尾好痕
咁用另一隻腳指Ｒ佢啦
Ｒ下Ｒ下好舒服．．．
（Ｒ到損左，好痛）

剪短左頭髮，無疑係可愛左Ｄ
但訓醒覺實在太麻煩
前面Ｄ頭髮飛起晒
仲以為咁早就可以戴高帽添噢
（暗喜左一下）

阿GIGI 話咩咩300好睇
阿BB 又話好想去睇鬼差
喔！突然好想食粟一燒添！

究竟蝦杯麵好味Ｄ定係海鮮好味Ｄ呢？
間唔中食下杯麵真係覺得超幸福唷！

究竟ＡＵＮＴ講食左雙黃既蛋
唔通真係會生孖胎？
我成日將Ｄ糖啊，朱古力啊都打孖食架喎．．．
（ＸＤＤＤＤＤ）

好耐都冇試過訓覺訓得咁淋啊
訓到肚餓都唔願得起身．．．
（對於豬黎講肚餓就要食架嘛）

星期六BB話帶我去食PIZZA 乞
好野！！諗起就想快Ｄ訓覺啊
訓多Ｄ覺就好快到果日嘛 ³
好似小學生渴望去旅行．．．

今日LUNCH 食楊州炒飯！！



_{By LoVeLypIgLeT 07}

呼呼呼=３３３３３
我終於都剪左我把長到似貞子既頭髮！
佢長到落腰度，都未話唔嚇人哦ohoh
當一個人"的"起個心做野既時候呢
我諗冇野係決定唔到，冇野係做唔出！
講到自己好似殺人咁wow~~
開頭都有D唔捨得，剪下剪下心平氣靜落黎
剪左好耐，終於都剪完勒
成個人都輕左，仲比人讚靚女同後生左添！
（呢下最重要嘛）haha
綿綿都有去剪頭髮，又剪到短短咁好型仔者！hehe


傻豬１號　　　


傻豬小時候


人老豬黃既時候（但一樣咁可愛）．．．

NDS 出左隻COOKING MAMA，勁好玩
家陣我諗我煮飯勁好味（好似冇乜關係）
果個反應團比我失眠果陣打爆左機　XDDDD
個孖寶賽車又比我無端端亂踩油過晒版！
個部 PSP好似癈左咁，玩到冇晒電都唔去叉
eh．．．其實 玩到部 NDS無電果陣我都有玩佢架！！


反應團，打爆機仲要拎PERFECT添 (低能)

琴日送左婆婆最後一程
我發覺我同AUNT 6喊得最淒涼唷
我妹仲眼卑卑咁望住我發生咩事
或且佢地同婆婆既關係無咁CLOSE啦
坐車車既時候AUNT 3話我喊得好可憐
咁講真，梗係拉，婆婆同埋媽咪係我既心肝寶貝喎
佢地走左，我實會唔捨得架嘛 >_<"
不過見到婆婆好安祥既樣，我都好放心了．．．

前日馬拉媽咪打比我
又同佢講左好耐，好鬼開心！

有D人和事我知道唔應該再提起
但佢往往都會係你生活之中圍繞著
而家我採取不聽不看既態度面對（簡稱話之佢）
過去既野全部都會放低．．．
可以話藉著剪頭髮為一個重生既借口
剪掉所有唔開心，剪掉所有傷心失望．．．
讓好的長得更好看．．．

好開心！嘻嘻～～



_{By LoVeLypIgLeT 07}

學著訓覺訓淋Ｄ．．．
學著腦袋唔諗野．．．
學著平常心對待．．．
學著放低不愉快．．．
學著唔好太執著．．．


學著．．．學著．．．．．．




_{By LoVeLypIgLeT 07}