第二個BLOG,得閒就黎探我喇~')">

http://hk.myblog.yahoo.com/wingbo95/

今日要好早起身啊,8點就要起身喇.因為今日要去廣華做產檢,等老公起身洗頭,搞得黎都8點10lu,跟住去左m記食早餐,食完早餐就搭mtr出去廣華喇,一搭車就黎料喇,又頭暈又想嘔')">_{真係慘,因為我依家無論搭bus定mtr,都會係錦}所以冇咩事我都唔會搭車,終於都捱到落車喇,一落車就要搵個地方坐低,跟住拿拿臨叫老公拎個膠袋出黎,因為我發覺我頂唔順喇~將頭先所食既野全部嘔返哂出黎,即係冇食過野喇~

去到醫院都10點lu,比左張野個姑娘,個姑娘就問我有冇係私家照過超聲波啊,我話冇啊,佢話錦你落樓下比錢喇,原來依家照要比錢架,之前浩b都唔駛既,落去比完錢返上去坐左一陣就叫名驗尿,量血壓,磅重,姑娘問我你未有之前幾多磅啊,我話96磅,點知磅重果時都係得96磅,=.=即係冇重過,搞完依d之後就到最麻煩果樣,就係抽血喇,因為我d血管太幼喇,成日都搵唔到,生浩浩果時都係錦,依家又係錦...個姑娘仲問我你有冇食飯架~錦瘦既...做完一輪手部運動後終於都抽到喇,抽完血就坐係度等見醫生同照超聲波,今日終於可以同細b見下面喇,haha,搞哂所有野差唔多成1點先走得啊,又要趕返入tko,因為約左私家照多次超聲波,係私家照有得拎返d相嘛,今次照真係好清楚見到細b係度郁黎郁去~幾得意啊,

照完去左大家樂食下午茶,因為太肚餓喇,食完野就去買餸喇,買完餸返屋企坐左陣又要落街幫浩浩報playgoup喇~我一早已經想幫浩b報架,但係一直係將軍澳都搵唔到,依間都好近屋企,星期四就返學lu,希望浩b唔會驚喇~

hihi~大家好~原來我好耐冇打過日記喇~因為我媽咪太懶喇~haha~唔經唔覺浩b已經2歲1個月喇~明年9月就會讀k1,真係話都冇快啊,係11月果時已經同佢報左學校~而學校亦都收左浩b,但係要返下午啊~另外我仲幫浩b搵緊d playgroup既課程~因為我想佢同多d小朋友一齊玩,等佢遲d返學會大膽d~

另外仲有一件事就係...浩b將會多個細路或者細妹陪佢玩喇~預產期係明年6月~')">今次都係選擇係廣華生~因為浩b都係果度生~

浩浩持續咳左成個月都仲未好番啊~依2日仲發燒啊~前日帶左佢去睇醫生~醫生話如果食埋今次藥仲未好就要去照一照肺~因為浩浩有d氣喘~有可能係<考>喘病~錦大獲~嚇到腳都軟埋~我以前自己湊浩浩果時都未試過錦既~食一兩次藥已經好番~今次唔知做咩~自從依個阿姨湊左之後~浩b就成日病喇~=.=唔係感冒就咳~一係又痾又嘔~')">唉~定係我地依家住依度有問題呢~我都唔知啊~只係希望浩b快d好番~唔駛再食藥~梗加唔好有其他病喇~')">

今日開始有得買sammi演唱會飛,一早就起左身,去通利排隊,好彩有婆婆幫手排住先,去到果陣條龍已經開始長喇,我排第十幾個,都OK喇,最後都買到$100蚊飛頭果幾行添,正

浩B呢排成日病,咳左好耐都未好返,真係擔心屎人咩~加上呢排D天氣又時凍時熱時濕,大人都好易病親,更何況係D細路B,大家都要小心身體啊~希望浩B快D好返~

今日天氣都幾濕下,屋企個地版都濕到出哂水,浩B又成日走來走去,地下濕滑,就係咁浩B又跌左落地幾次喇~唉~慘~幾時先無咁濕濕啊~~

今日係婆婆既正日生日~祝婆婆身心健康~

星期日我地已經為婆婆提早慶祝喇~去左酒樓食晚飯~7個人埋單八百幾啊都要~我地3姊妹夾份~今年都冇買野比婆婆啊~只係比左錢婆婆~等佢自己中意買咩就買咩~食完飯都11點喇~就上左我屋企打下麻雀仔喇~玩到2點幾就散喇~因為大姨媽住得比較遠~而細姨媽第二日又要去旅行~去韓國啊~我都好想去啊~但係婆婆冇得放假所以冇得去lu~

講返浩b先~浩b依排病病啊~又傷風又咳又疴~而我又病左~口嚨痛啊~所以今朝老公幫我配左d藥返黎~跟住又要帶浩浩b去睇醫生~今日真係辛苦哂老公喇~')">

好快新年已經過完喇,今日年初四,浩爸都放完假要返工lu

係過去果幾日....浩B係咁過

年初一我地訓到下午2,3點先起身,起身食D野跟住就去左叔公屋企拜年,上到去都差唔多5點,叔婆就叫我地食埋飯先走,我地食完飯坐多陣就走人,臨走前,浩B仲痾左臭臭先走,哈~跟住我地就返屋企,等浩B食完粥,我地又帶浩B返景林同姨媽拜年,逗利是,仲同婆婆,姨媽打左陣雀,仲輸左一百蚊添,果時都12點幾喇,我地要返屋企喇,因為明天初二要早起返大陸~

年初二我地一早就起左身,仲早過浩B平時起身,我同浩媽就落街食早餐,等阿姨幫浩B沖涼同食粥,我地食完早餐返黎,浩B已經換好衫仔喇,我地可以出發喇,我地十點幾就出左門口喇,仲以為好多人過關,點知又唔係喎,我地未夠1點已經返到去,比預計中快,返到去,爺爺,嬤嬤佢地已經食完飯,得我同浩媽2個人食,食完飯,我地又要去嬤嬤果邊拜年喇,即係浩爸個表哥果度,今年又係華哥渣車黎接我地去,去到佢屋企,其他表哥表姐都到左,浩爸就開始派利是,全部都係表哥表姐D仔仔女女,大大細細.....多到都唔知邊個打邊個,總之見人就派,浩B就咩住個背包入利是,今年仲多左2個新成員,仲要2個都係BB女,一個6個月,另一個就2個月,兩個B女都好得意,她們已經成為全場焦點,舊年都仲係浩B,今年浩B要讓位比呢2位表妹喇,哈哈!食完飯,華哥就車我地返去喇,返到去,我就同2個妹打左陣雀,跟住就訓覺lu~~

年初三我地食完午飯,就同姑媽一齊返香港,都唔洗2個鐘就返到屋企喇,浩媽D好友仲上黎打雀食飯,計埋姑媽浩b有十個人啊~~真熱鬧啊~食完晚飯浩媽同佢D好友打緊雀果陣,浩媽接到公司電話話要返工,浩媽就即刻要走人喇~~浩媽D好友坐多陣就走lu~

咁就過完新年喇~~~