今日公司都係好多野做呢，聽日又要開會，好多野要準備啦。

放左工就同d同事出左去銅鑼灣打邊爐，好彩食左d消炎藥好返好多咋，如果唔係我今晚都唔去得啦。

我地去左食寧記，真係兩個鐘就趕人走，爐都收埋，不過都食得好飽，係冇得傾耐d可惜d啦。

難得傑傑返左香港，星期一晚我地去左旺角食飯同睇戲「奇異恩典」，本來都好地地，食到秋刀魚就出事啦，因為我本身唔係好食多骨既魚，因為我唔識食呀，跟住傑傑就話唔使驚，秋刀魚d骨唔會啃死人，叫我試下，卒之就出事啦，一食就啃魚骨，於是就猛咁食野希望可以將條骨落格，唔夠5分鍾我直情嘔出黎，魚骨有冇落格就唔知啦，只知個喉嚨挖損左囉，痛到今日，去左睇醫生，醫生話個位好入睇唔到，只係開左消炎藥我食，話d骨咁幼會自己落格喎，應該冇事，如果有發燒就先至照喎。

食完野去左朗豪坊睇戲，套戲都幾好睇，大家可以睇睇。

為什麼就不能只維持朋友的關係？

難道真的要斷絕來往才能把糾纏解開？

我真的不知道我傷害了你，

我以為我們只是普通朋友。

我已不知道我還能怎麼做...

很久沒有更新了，因為實在太忙了，公事又忙，私事又忙。

自從傑傑過了澳門後，差不多兩星期才回港兩日，感情反而好像變好了，很奇怪呢﹗比以前更懂珍惜相處的時間，或許人真的犯賤，在你身邊時總變得理所當然，沒有了才覺得可貴，以前他在香港，放假只會在家hea，現在反而會期待他回來時安排點節目。

由於傑傑不在港，多了外出應酬，這陣子也認識了不少新朋友，酒則盡量少喝了點，淺嚐便算，免得把身體都玩壞了。傑傑回來會鬧呀，哈哈

公事也是忙得交關，之前處理完新學期的事，就要做上學期的檢討等事情，真係想做死人咩，又多會開，好鬼煩呀~

今日下晝四點就收工嚕，一個人去左行街街，見呢幾日有d風，又係添新裝既時候，唔使一個鐘，我就買左成千蚊野啦，一件外套，三件背心，兩對鞋同一條薄頸巾，唔好睇我買好多野咁，因為我通常都係鐘意一次過買一堆，我平時好難行街架，唔會逐d買，所以買開就會買多d啦。

星期六晚同彤彤、恩恩返左大陸，去到就食飯，估唔到係大陸撞到我堂哥，食左好多野，三個女仔叫左瀨尿蝦、四隻蠔、半斤花螺、十二隻扇貝、一碟山水豆腐、一碟蟶子，仲有一碗飯同米粉，真係食到勁飽呀。

食完已經十點，我地就叫車黎接我地，去到按摩個度都成十一點，沖完涼，做完腳底按摩，我地就上房嚕，我地三個都選擇做泰式，真係幾舒服，做完差唔多兩點，仲去食埋免費消夜先訓，實肥啦今次。

平時去開呢間野都幾好訓，但係個晚就訓得唔好啦，所以第二朝都冇咩精神，十點起身我地就即刻去沖涼換衫出返東門食野，然後就去左做GEL甲，我第一次整咋，都幾令令既，我整左珍珠白色底，用粉紅色閃石貼左D花，原本想整黑色甲，但傑傑實話我啦，所以冇整到。

返到屋企都差唔多六點啦，執下野都成七點，訓左半個鐘食D野，八點半就出左去搵康康佢地，去左灣仔一間酒吧到飲野，我飲左四杯Cocktails就醉左啦，可能真係訓得唔夠啦，真係出去飲咁多次酒都未試過四杯搞掂我，醜死怪啦，不過我都冇失禮人，哈哈哈。我地尋晚主要都係傾偈，都幾開心，飲到兩點，佢地仲要飲TEQULIA，真係勁，我梗係唔陪佢地癲啦，未辛苦過咩，呵呵。跟住我地就撘的士返屋企嚕，返到去成三點幾，我仲同恩恩講電話，講到五點幾就訓到隻豬咁嚕。

下個星期十月份開始便是中心的新學期了，這陣子也忙於編班，批改訓練、小組報告書等等，還有一些日常的工作鎖事，真係好忙呢，好彩總算係新學期前準備妥當。

為左慰勞下自己，我已經安排好呢幾日假期既活動了，今日忙完一輪收工後，就係同舊同事SamSam去飲野，下晝六點半飲到凌晨兩點，但係都冇醉，原來我都真係幾飲得，同枱四個人都醉左嚕，我仲要送左個新朋友返屋企，因為佢真係醉到連公司包都唔記得拎呢，我真係怕佢訓左係街。

其實今晚都玩得幾開心，最起碼我真係因為開心所以飲，唔係因為諗d唔開心野所以飲，只不過有少少意外啦(係咩就唔方便講嚕)。

聽晚就會同恩恩豬返大陸揼骨同行下街，星期日就會同康康飲野，最衰就係傑傑要下個星期先返香港，見唔到佢嚕。

猶如沉沉大病一場　痊癒了面相更閃亮
舊身體不理想　升級版我已換上
邁向當天　震央

回頭來時路極荒涼　然而前行或是勝仗
幻想中的某君　終於一次會遇上
若我心裡留低　愛情那扇窗

＊下次下次　下次大概可以
　能碰著誰　成為幸福小姐一次
　忘了舊時　和男孩子
　熱戀幾次　仍然如此
　猶像禮物　被拆開　一張廢紙

　下次下次　是勝利那一次
　能夠賺回　從前為苦戀所透支
　誰怕用情　誰就會輸
　就算重傷　已七萬次
　難道我就這樣嚇跑　無下次＊

隨時成為幸運那人
誰記得　沿路極晦暗
在這刻　即使只有等
仍衷心　奢盼再熱吻
尚有一個男生　我還有信心

Repeat ＊

下次下次　下次大概可以
能碰著誰　拿回累積獎金一次
忘了舊時　和男孩子
熱戀幾次　仍然如此
誰在昨日　讓我哭　不足掛齒

下次下次　沒法壞過今次
還有哪事　能令我悲傷不止
誰未繼續　誰就會輸
就算再輸　再不斷試
然後勝利會是我的　無下次

永遠‥‥永遠即是多久？很久！很久！直至你明白我真的好愛好愛你為止！