與同事面左左，因為公事有些爭拗，很不高興呢，雖然我們平時真的很好，但是對工作我也有我的要求，也希望對所有同事一視同仁，我不想「看到當作看不到」，既然我是上司，我也有我的責任去完成我的工作，及指示下屬去跟正確的做法工作。

我已經先讓步哄你了，你還要氣到什麼時候？

病了兩天，好辛苦，唔想去睇醫生，攞左大假係屋企吽，傑傑過了澳門做野，得返我係屋企。

原來冇佢係我身邊，我都係咁。

星期六係康康生日，我送左件衫俾佢，好令令架，好彩佢都好鍾意，嘻嘻。

原本都玩得好地地，到走個時，有個癲佬攬女攬到唔理自己女朋友走左去，原本都費事理佢，但殊不知我一行出去見到佢，佢就發脾氣指住我鬧，攬住身邊條友話「呢個係我朋友，我要送佢走」，原來飲左一晚酒，就真係可以做到好朋友，就將我地呢D識左廿年，陪佢共過患難既「路人」攞黎發難。

正當我準備開拖之際，康康都走，見到我地咁，阿康又加入，差D打埋一堆。我地三個做左咁多年朋友，原來都唔及一個飲左一晚酒，心淡啦。

近期因為一d私人事唔係咁開心，個心好亂，於是就成日出去飲野，星期五飲，星期六打麻雀，星期日返完工又飲，星期一放假繼續飲，今日就打麻雀，聽晚應該都會飲，覺得個胃好唔舒服。

今天放假，去了診所取報告，冇乙肝炎帶菌不突止，仲有抗體添，醫生仲話我d抗體爆哂燈，唔使打針添，好開心呀。

我屋企人早十零年前個個都打哂，反而我個時怕痛唔敢驗，原來全家人得我一個有抗體，真係奇怪，我由細到大都身體咁差，真係估唔到。

遲左d呢，不過都好過冇啦，因為今次去泰國真係冇咩好影，得自己一個人，最多都係影所見所聞。希望大家唔好介意啦。

31/8/2007

今日真係好攰，其實星期一個日淋左場雨已經開始作病，加上日日都好鬼多野做，到左今日真係頂唔順拎左日假。

訓醒出左去睇醫生，諗起尋晚同小豬先生食飯又俾佢話我仲未打B肝針，就順便驗埋有冇抗體啦，抽左我成枝針血，痛到飛起，埋單仲要成7百蚊，肉都赤埋。事關我中心有D乙肝學員，我成日同佢地一齊，幾年前開始已經俾小豬先生話我架啦，擔心我會中招，今日就了左件心事，費事下次見面又俾佢話啦。

尋晚同小豬先生食飯，算係補祝我生日啦，因為佢之前趕緊份功課都冇時間，佢送左個BLYTHE俾我，隻款好似都好貴下，唔理佢啦，其實我想佢送其他野俾我，或者唔送都得，事關由拍拖個年開始佢已經逢生日送一隻俾我，到而家分左手，都係咁，我唔想好似冇改變過咁，咁樣我會有D難受 。

之前同事約左今晚飲野，因為未夠鐘，我去左「佢」到食飯，同佢姪女玩左一陣之後，差唔多9點半一齊出左銅鑼灣，飲到1點半先走，今晚我自己坐的士返屋企，冇坐佢車。有時都有D迷茫我同「佢」既情況。