咁大個女...除左自己出世o個下之外都未訓過醫院, 但係呢樣o野就係 26 歲o既時候發生....其實之前兩日都有 d 徵兆了,  右邊腰有 d 痛初時以為係整親條腰, 所以都無咩點理佢, 第二日開始發燒, 腰痛加劇, 行o個時都覺得痛~ 下午就食了退燒藥在家休息和買了一些振痛貼黎用, 希望可以好 d, 因為夜晚要出去酒樓食飯, 訓左一陣....好好多...好似退左 d 燒, 行路都 ok~ 所以就出門口了

一路都食得好地地...直到食魚, 條腰又有少少痛了...我想大約係 d 止痛藥o既藥力開始退啦...之後越食越唔掂...痛到隻腳都震了, 男友見到咁樣都唔食啦...坐的士送左我去急症室, 不過行去坐的士o既路程我已經覺得十級辛苦了...有人扶住都勁震~ 好在好快就去到啦...排左一陣隊都可以睇我了....我二級急症 ka~ 緊係我先啦...因為都十分之咁氣喘, 所以基本上咩 checking 都做唔到...所以只係以訓張床到等情況 ok d 先可以 check~

不過急症 d 醫生都係好鬼慢的...我訓到氣喘到唔喘, 唔口渴到好口渴, 醫生都未黎...好啦到醫生黎啦...淨係按左我個肚幾下就叫我去做 d 檢查, 嘩...都幾多o野要做, 量血壓/體溫, 心電圖, x-ray, 超聲波....之後仲要驗尿, 做左一大輪呢 d o野就要等 d report 出黎...坐係大堂到等 ~ 終於都等到我啦...但係係一個 bad news 呀....醫生話我個腎發炎呀...要留醫呀...雖然好唔想...但係唔留係到打針我個腎就會壞死...緊係唔可以咁啦...留醫就留醫啦...! 之後跟亞嬸上房~ 換返套病人衫 (唔要格仔, 要 hello kitty 得唔得呀?) 男友仔一直都陪住我...上到房醫生問 d o野佢都差唔多幫我答晒....連問佢都幫我問埋...哈哈~ 好犀利! 之後仲幫我去買 d 日常用品, 因為醫院係"百無"的....水呀...tissue 呀...驚我悶仲買埋雜誌....唔到最後一刻都唔走! goodbye 左男友之後我都仲要未訓得...因為最痛苦時候黎了, 醫生要幫我抽血, 仲有要吉針針吊鹽水....嘩...之後仲有檢查要做, 要去照多次 x-ray, 好彩o個到有人推我去做 checking, 如果唔係夜 ma ma, 真係搵鬼陪我去 lu~ 整整下又兩點幾三點 lu, 終於可以訓了...可惜又發冷...個身又震了...再震多大半個鐘先可以入睡...可憐~ 

今次入院最最最慘o既就係頭o個一日...因為要斷水斷糧, 床前要掛住一個"不淮飲食"o既牌, 所以 d 送飯o既亞姐見到我個牌都可以掉頭走了...無o野食真係好辛苦....雖然餓唔死...但係個肚真係咕咕聲咁響 ka~ 當醫生食得返o野o個時, 其實都唔係話好有胃口, 只係食左小小粥就夠了...另外就係醫院裡面真係無娛樂 law...得個 tv room 個電視仲要得o個唔知 14 定係 17 吋....第二日都好 d 因為有 nds 打, 又有收音機聽...一時做下呢樣一時做下o個樣...時間都覺得 ok~  仲有呀...每日o既五點鐘....探病時間 ma....等男友仔同埋屋企人黎...頭o個日準時五點就見到你啦....哈哈....auntie 都黎埋 tim~之後亞爸亞媽都黎o左...好開心... ^^" 媽咪黎到就一定會有o野食...頭o個日唔知點解, 真係食咩都無味...所以食量勁少....最好味就係個橙....跟住就係 d 飯....d 餸真係接受唔到...好鬼淡口...無心機食...! 寧願夜 d 食媽咪帶黎o既生果....

住左兩三日腰痛o個到都漸漸減輕晒... 係 d 燒仲有少少點都唔退...不過之後都 ok 啦....第五日就可以出院, 突然間話出得院, d 證件又無係身...打比男友仔求救, 返返下工o既佢都即刻返黎接我出院...又請多日假....真係好感激! 所以我病好, 你有好大o既功勞呀...! 無論入院定係出院, 都係你全程陪住我...仲要即 call 即到...每日都早 d 收工黎睇我... 一直到探時間完先走...有咩日用品都係你帶比我....完全唔洗我屋企人擔心...就算返緊工o既時候都怕我會悶...一得閒就打黎...真係好好好多謝我男友仔...錫屎你~~

2/8 (六) 原來係短週o既我都見到同事仔們, 因為我地今日相約左再去長今會到打雀雀兼 farewell pinky...係呀...我地個 dept 又有同事走啦...下個又有另外一個走...由佢地遞信到依家, 咁就一個月 ka 啦...話晒大家都一齊共事都年幾有多啦...日日都見住...都有唔捨得 ka~

3 點鐘係尖沙咀等...今次 winky 都黎 woo~ 一行九個人...又開兩台啦~ 都係高級組同埋低級組...事前男友仔都唔係咁想去呢個雀局...因為佢覺得自己仲未 ready woo~...都仲係咁運滯, 所以都係小賭為妙, 不過佢為左倍我...所以佢要"勇闖鱷魚潭"...嘩哈哈~ 結果係比 3 隻大鱷咬死左...哎呀呀...唔好唔開心~ 最多我請係去睇 mummy 3 啦~ hohoho~ 男友仔戰況慘敗, 我作為女友仔o既...緊係要贏返少少先攞得返少少面子 ka ma...所以我少少地贏左 $24....hee...都算係咁啦...

夜晚我地仲一路睇港男一路食飯 tim~ 睇到連打麻雀都差 d 唔記得 lu~ 一睇到濕身o既環節...仲個個都 ee~~ 咁o既聲....男仔太多"雞肉" --> 唔係好 man...係好得人驚~ kkakak~

見到公司 d 同事都一個一個咁走...自己都有 d 心郁郁...見到自己依家個人工咁o既死樣...就更加心郁啦...我心裡o既想法我好有勇氣地同亞姐講左啦...(連同事仔都估我唔到@,@) 無他的...因為我背後有個好支持我o既男友仔...叫我覺得唔妥o既就要出聲...咪忍住忍住, 自己唔開心~ 同埋經過佢成晚o既訓練, 將我亞姐有機會反駁我o既說話都諗出黎, 教我點拆...我先有信心 ka jar~ 不過結果都係 "個市咁差, 上面唔俾" 咁樣 law~ 要等到一月....咁我就緊係唔會淨係坐係到等一月啦...為左我將來o既生活, 我真係要做返 d o野啦...努力呀!! icy cy~~~

我個姪仔"盧麵粉"滿月之喜呀...係酒樓擺滿月酒...開左六圍...男友仔都有去...初時唔知買咩比姪仔, 所以我就封利是就好了...而男友仔就買左支紅酒去送比亞哥, 之後開席o個時開支紅酒黎飲...哈...個個都話好味 woo~ 哈~ 我覺得我男友真係好犀利, 永遠都唔會送錯禮...真係大方又得體...kakka~

另外新光 d o野食都真係幾得 woo~ 樣樣o野都幾好食...食食下亞經理同埋幾個同事走入黎話要敬酒比我地...haha~ 真係幾得意 woo~ 盧麵粉呀盧麵粉...你快 d 叫你亞爸亞媽幫你改返個名啦...費事你成日都比我叫你做麵粉啦...haha~

今日早左起身, 所以男友仔話同我去飲茶 (早極都十一點幾 lu~) ...男友話帶我去食鳳城好出名o既"大包", join 埋 auntie uncle 之後就去北角o既鳳城酒樓出發~

一坐底就點左好多點心啦...4 個人都叫左兩籠蝦餃, 因為男友仔好鐘意食 woo~ 跟住又燒賣, 又雞扎, 又排骨, 仲有超大o既糯米雞, 第一次試o既蝦多士, 蝦多士真係好好味呀...d 蝦餃真係好大粒...仲全部都係蝦...! 仲有仲有叉燒飽呀....雖然一籠得兩個...但係好大個包呀...哈哈~ d o野食真係好好味~

第二日 8 點左右起身, 身酒店o既自助早餐...哈哈...我覺得呢到個自助早餐先 ok woo~ 個炒米粉好好食...又有蘋果汁飲, 個牛肉粥仲好綿 tim 呀~ 又腸仔又煙肉...正正~ 食飽飽之後我地就坐一 d 類似 golf 車o既物體到成功嶺啦~ 呢個要收錢 ka~ 兩蚊人民幣一次 ka~

去到成功嶺, 我地就各先玩自己要玩o既o野啦...其實個團都包左幾樣o野比我地玩 ka~包括有射箭十支, 水上活動十五分鐘, 碰碰車一次, golf 十個等等咁多樣o野...我去左玩射箭先...不過原來射箭係要用好大o既力黎拉弓 ka...所以我將 d 箭射晒落地...=.=" 射完十支都有 d 累 ka~ 行下行下...見到好多龍眼樹...仲有好多果實 ka~不過都仲係好細粒未食得住...不過 d 荔枝就因為收成期所以都比人摘晒了....棵棵荔枝樹都係光脫脫的~ 另外第三多o既樹就係芒果樹啦...不過都係一樣... d 芒果都係青 bb 的~ 不過o個到未經許可, 係唔比摘 d 果實 ka...如果唔係要罰二百蚊人仔 ka~ 之後仲玩上水上單車啦...同埋一個新開o既滑草場, 呢個係我地自己自費玩 ka...要成十蚊人仔一次 ka...都唔平...sir 一 sir 五秒都唔知有無咁就十蚊 ka 啦~　嘩咩咁貴 ka~ 跟住o個到 d 人話...你 sir 左落去, 我地要人手拉返上黎...好辛苦 ka~ 最後我地都玩左一次...真係好好玩呢~ 玩都十點幾...返去酒店o個邊沖涼...ha~ 又沖...因為實在係太熱了...! 之後十一點就 check out 了~

之後就去到 "幸福樓" 呢到唔係酒樓黎 ka...係一個買手信o既地方, 又係杏仁餅o個 d 啦...不過都唔及澳門o個 d 咁好食...所以唔買...不過男仔同 uncle 都每人整左一碗龜苓膏同埋買左 d 肉乾黎食... then 去酒樓食 lunch...之後就散 band 了...因為團友們都唔想係咁熱o既天氣下再行公園, 所以我地可以提早閃人...自己去行街都得...我地去左行下羅湖城...不過呢個商場我決定左無咩必要都費事再去....因為 d 人實在係太煩了...勁叫係去修甲...睇下o野又騷擾到死...頂~ 唔睇了...個人又累...返香港好過~ 最係羅湖要左 d 荔枝做手信...呢樣亦都係我呢個 trip 入面唯一買o既o野...haha~

^ 第一次玩射箭~

^ 滑一滑草...咁就十蚊人仔啦

今次又同男友仔o既屋企人一齊返大陸玩...我地o個 group 有 10 個人...仲可以篇晒做一圍台 tim...唔洗同其他人同台...正正~

是日我地又要 6 點幾起身...9 點鐘係羅湖集合...好眼訓呢...~~ =.=" 齊人了...就上旅遊巴啦~ 講返呢個團有咩行程先啦...唔係淨係去嘉輝會 ka...之前我地會去一個地方係有好多文具 & 傢俬睇o既地方...都成個商場咁樣有幾層 ka...見到 d 傘都幾靚...不過唔知幾多錢啦...又唔夠時間, 所以就錯失左買傘o既機會了...之後就去公園到睇荷花...都幾靚靚呀...不過數量就唔多, 不過有o既都係靚花~ 所以係時候影下相啦, 不過天氣都真係幾熱...毛巾同扇真係要出動了...去完睇荷花...之後就去食 lunch 了...呢個團o既第一餐就係去食豬骨煲...嘩...熱辣辣仲要打邊爐真係無咩胃口, 不過頭先真係行得幾累...而間酒樓o既冷氣又夠充足...所以我都好開胃呀...食左好多o野...我地o個圍都真係好大食呀...徐左佢比我地o既o野食之外...我地仲叫左一隻雞, 梅子豬手同埋兩碟炒飯呀....其實個旅行團o既餐都夠食 ka 啦...不過可能 d 大人見無米落肚就怕唔夠飽啦...haha...所以最後都係食剩一碟多o既炒飯...好浪費...不過我地都唔會打包 ka 啦...仲邊有人食 woo~ 食到飽飽之後出左去行左一陣街...睇下衫衫...不過唔岩心水..haha...unlucky...我唔見左個太陽眼鏡呢...嗚...都唔知係邊到唔見...返去酒樓睇又無...不過都唔洗錢o既...就算了...>.<

食飽飽之後我地又去行下街, 我地去一條尊賣油畫o既一條街...好多油晝...仲有'蒙小姐"o既複製品...haha~ 不過我同男友 & uncle 都對呢 d 無咩興趣, 所以都係去 cafe 到坐低飲返杯凍 coffee 仲好...haha~

之後我地終於坐車車到嘉輝會了...到達o既時間都己經係 4 點幾 5 點了...因為頭先o既行程都行到身水身汗...所以大家都係決定左上房沖個靚涼...休息一陣先再出動啦...由於成功嶺o既開放時間只係去到六點半...所以我地就算今日上去都玩唔得耐...所以寧願第二日早 d 起身去玩啦...同埋六點鐘個 dinner buffet 就開始啦...所以都係休息一陣就去食 dinner 了...不過個 lunch 都仲未"落格"...=.=" 好~ 講下個 buffet 啦...只係普通到唔普通啦...有沙律有魚生, 有生蠔, 熟食有串燒, 有車仔麵...炒飯炒麵啦...甜品都勉強合格啦...得 d cream cake...有布甸, 最好o既就係有得"不"雪糕食 law~...haha~

就係食 dinner buffet 期間, 我望到出前個泳池有人游緊水...個游池好得意 ka...透明 ka...見到人地 d 腳係到郁郁下....好似一個"金魚缸"咁樣...ha~ 所以見食完 buffet 都係 7 點幾咁早...所以我地就決定去游下呢個"金魚缸" kee kee! 呢到都幾好呀...又有 locker 租, 拖鞋毛巾咩都有...好 ok woo~ 只係比按金 ja~ 制係唔洗錢 law~ 不過我地都係游左大半個鐘 ja~ 因為無帶泳鏡, 所以唔玩得耐呀...~ 之後返上房沖涼再同 uncle 3 個人出去食消夜...不過我真係食唔落了...只係出去陪佢地去傾下計 ja~ 3 個人都叫左 3 碟餸...半隻雞, 一碟炒菜同埋鐵板豬腸, 之後終於可以訓覺啦~ zzzz~ 明日再玩過~

^ 係文具城見到o既福娃...唔知呢隻叫咩呢...5 隻太多了~

^ 好靚o既荷花...不過數量不多~

^ dinner buffet o既 salad bar~

^ 熟食 bar~

假期諗唔到有邊到好去...所以又留係屋企整o野食....見天氣都熱熱地....如果又煎又炸就好似好鬼熱....所以就想整 d 消暑期品...haha~ 就係沙律啦...因為呢個係一個晚餐, 所以就加埋 d 意粉落去整咁就會飽肚 d 啦...食完午飯, 我地就去街市到買材料啦...買左成八十幾蚊o野呀...不過都地都慳住黎買 ka 啦 bor~ 結果我地個沙律裡面有: 長通粉, 薯仔, 青瓜, 蘋果, 蟹柳, 芝士粒, 雞蛋, 栗米芯, 吞拿魚....

返到屋企四點幾都開始整o野 lu~ 因為整好左之後都係放係雪櫃雪一陣先夠凍 ma~ 不過男友仔就趁呢後時間係到拾下個廚櫃, 比佢搵到好多可愛o既用具出黎, 包括有: 波浪形o既刀, 圓波形o既匙, 同埋切蘋果器, 嘩...我地o既沙律一定會係好靚 ka o者...不過佢話想係今日試下一樣新o野就係自己炸薯片啦...哈哈, 佢將 d 薯仔切左一片片就拎去用油炸....炸好之後我試下一塊...唔...一 d 好脆 but 中間有 d "林" , 仲見到有 d 油係到...之後我地試下拎去焗爐到焗下佢...e~~ 點知又 ok woo~ 無晒油...好脆 woo~ 我地再加 d 蒜鹽係面...唔~ 有 8 成似呀...好味...哈~ 食完自制薯片就繼續整沙律~切好晒 d o野之後就用吞拿魚, 蛋黃同埋奇妙醬整左個沙律醬....之後仲見到屋企有方包就加埋麵包粒....就切成一粒粒找去焗到脆卜卜....跟住撈呀撈呀....嘩~ 要用兩個大兜先可以裝起晒.... 聽日 lunch 有著落 lu~

^ 炸薯片中~

^ 炸完都仲要得 ka...吸好油, 再拎去焗一陣就 perfect 啦~

前排老細們開 management meeting...佢提議公司要推行環保, 大老闆此話一出, 各部門o既大小職員都不敢怠慢, admin. dept 就 print 左好多標籤出黎周圍貼, 包括係: 影印機側邊, printer 側邊, 電燈制側邊, 仲有o既就係.....每個同事o既電腦 mon 上邊....ohoh~~~ 真係周圍都提住我地要環保 woo~

之後亞姐都同我地特別開左一次會講呢件事, 自此之後....合約要變做雙面, 影印 applicate d cert. 要雙面, 影o野 or print o野都盡量用廢紙~ 仲有呀.... printer 個電制依家整埋做時間制...晚上 9 點後會自動熄機...問你死未...hahha~ 不過公司做咁多呢 d o野都係為左環保o者...做環保, 對你, 對我, 對邊個都係一件好事...好事多做又無妨o既...我都想我地o既地球先生長命 d ka~ 不過環保呢 d o野...一小部份人做係唔夠o既...要大部份人都響應咁就 good 啦~