今個佛誕假期一行九個人去左踩單車, 諗一諗我都好耐無去踩單車了~ 今次我地由大圍踩到去大尾篤, 跟住去燒烤場 BBQ, 之前我聽 D 朋友仔講佢地上次踩同一條路用左 4 個鐘頭~ 嘩.. 4 個鐘頭好耐 WOO~ 有 D 驚自己應付唔黎, 不過男友仔話慢慢踩啦~ 咁就照去啦....

不過出發之前都去食個早餐先o既...不過今日勁黑仔 law~ 條牛仔褲粒紐爛左呀...為左買過條褲同男友係街頂左兩句...因為人地又等緊我地...我又搵唔到岩我o既褲~ 所以就忟了...唉~ 不過之後求求其其都要買 ka 啦~ 一開波就嘴妙妙...今日唔荒會好玩得去邊~

之後 join 返 d fd...租單車...本來$90 一日, 比我地講價講到 $70 一日, 出發 lu~ 踩呀踩...去到第一個 check point...哈哈....對佢地踩單車係有 check point 的...一來可以集齊返 d 人, 二來可以休息一下....之就再踩多幾個字...又另一個 check point....每個 check point 我地都停下食下o野...飲下水...等我回顧一下係 check point o個時我地食過 d 咩呢...? 有冰菠蘿啦, 芒果汁啦...買左支水啦...富豪雪糕車o既軟雪糕, 下午茶食左大排檔o既牛腩河+油菜, 之後就有茶水檔o既多士, 再之後入到大尾篤o既糖水鋪到食三色涼粉...最後尾站就多o左紅樹林燒烤場到 BBQ 啦...oh my god...數都數左咁多出黎了...終於數完了...當然我盡量都同我男友仔 share 食...不過我覺得呢日o既活動就變左質了...是日不能 keep fit 只能 keep fat...

玩玩下成十二點幾先返到屋企, 坐車o個時隻腳覺得好累好酸軟...行都唔想行了....好在返到去有人幫我按摩小腿~ 按完舒服少少...先訓著 ja~ 所以真係唔該男友仔...男人係咪真係要係朋友面"懶勁, 懶大男人" ka 呢?? 但係得我同佢兩個人o既時候, 佢真係無一百都有九十分 ka~

今日情人節唔開心~ 果然天氣係會影響一個人o既心情o既~ 人地難得出去玩, 又大霧, 又落雨, 著得靚靚, 化 d 靚妝, set 個靚頭都無用啦....一場雨就比你淋到咩妝都溶啦...>.< 激氣 law~

今次我地去坐 360 , 都唔明點解只係一坐山之隔, 一邊天氣都 ok, 但另一就勁大霧又落雨...why~?? 所以坐纜車o既時候係咩都睇唔到o既....落左纜車之後仲落雨 tim~ 又無帶傘, 所以又要去買傘...之後就去食 lunch 啦...好在個 pizza 同 意粉都 ok~

食飽之後就行下個市集, 之後就行o個條好長o既樓梯去睇大佛, 但係咁o既天氣....連亞佛都唔出黎 lu~...辛辛苦苦氣羅氣喘先行到上去....點都會入去睇下o既....比我廿三蚊睇埋舍利子...之後落山用張 coupon 換到一碟炒火粉, 兩件糕點, 同埋一碗豆腐花...呢個我覺得幾 ok...廿三蚊又有得睇...又有得食咁多o野...不過我地岩岩先食完 lunch 呢....跟本食唔落~ 唔食掉左佢又好浪費...所以我地打包....kaka~ 做返工o既飯盒...勁~ 之後再行下大雄寶殿....買下紀念品, 我地各自都買左一條蛇同埋五鼠運財, 哈哈...係大佛下面o既舖頭到買 ka....亞佛日日都坐位...一定好勁~ kaka~ 行行下就四點幾要坐返纜車返東涌了~ 因為我地 book 左六點半食日式放題...哈...想食好耐了...藉住情人節就去食下啦...又唔係太貴...由於係大佛o個到食o既豆腐花都未落格所以.....一輪勁食之後真係飽到上心口~

^ 今年o既情人節"古古力" 我覺得好似 godiva woo~ hahah~

^出發了~

^ 第一餐 @ euro gogo~

^ 唉~ 連亞佛都唔出黎見我~ 得個影 ja~ 嗚~

^ 煙霧迷漫~ =.="

今年同上年好大分別呀...個場又細左, 又唔洗著靚靚, d o野食又小左....無明星嘉賓唱歌仔...咩都差左...不過無計, 今年都仲有得食已經好好 ka 啦...唔好嫌三嫌四....今年我地都要早 d 去幫手....不過都係五點半走o者....去到會埸我地都係坐下企下, 要到真係頒獎o既時候先忙o左一陣子 law...不過人群呢家o野真係幾難 control....你叫人地行, 人地唔行都無計的....

幫完手...終於有得坐返埋位食o野...d o野食都係 ok 啦...無咩特別....雖然今年無明星黎唱歌....但係仍有嘉賓黎為我地表演, 一樣可以令到 d 女同事們"依嘩鬼叫" 佢就係路絲同埋一眾董事們, 佢地一薺 rap 農夫o既歌...真係好犀利....之後仲有四區o既表演啦...係呢一刻我就好掛住我以為o既兩位同事仔啦...因為佢地兩個先會同我一齊癲一齊玩...哎呀...盧 can can , ada da...真係好掛住你地兩個"菇頭"...唉~~~~ 無左你地兩隻o野...真係好鬼悶~~ 所以以相都影唔多....結果全晚都係玩左一陣....其餘時間都係乖乖地坐定定食o野....唉~~~~ icy cy is mssing 盧 can can & ada da~

今次係第二次去 hk disneyland, 今次仲要同男友仔去...今個 christmas 真係開心屎我啦...kakak~ 今次亦都要 thank you 盧 can can 同埋佢個朋友仔先可以買到平飛入去 ja...真係開心再開心,,,又有得玩, 又可以慳返 d yeah~~~今次真係一個奇妙o既聖誕...o個日晨咁早十點起身, 去食個早餐, 之後就出發 lu~ 11 點幾入到去...玩夜晚 9 點...睇埋煙花真係累到死~ 不過真係好玩 woo~ 玩完之後就返灣仔街市食羊腩煲....成身都曖晒~~~

^ 迪迪尼車站留影

^ 神氣o既巴斯光年....所以我地兩個都要神氣 d~

好耐都無黎寫 hompy lu! 因為近排都發生o左好多o野令到我好煩, 公司環境差...job duties 上有變, 人工上有變, 人事上都有變...依家咁樣都唔知算係好彩定係唔好彩...不過點都好...我都要 keep 住份工~ 因為我要為我o既目標進發, 有經濟負擔唔可以停落黎 ka~ 努力努力...跟住就搵個好 d o既時機先轉下環境啦...

不過係 plan 好晒點樣係逆境之中掙扎之際, 學校就 send 封信黎叫我返學啦...oh~ 點解要係依家呢...不過早好過遲啦...書就點都要讀...其他o野就只好順延了~

繼續努力向目標進發~

兩個細路, 我同埋我男友仔, 一同係北角 fishing o個陣就發生左一件突發o既事...一個婆婆係碼頭到跳海...噗通一聲, 兩個細路話有個亞婆跌左落海....佢地都唔知點算好, 所以就搵我地求救...叫佢地報竟然係互推, 你報啦...你報啦...不過佢地最後都報左警~ 男友係警察黎之前就用撈"機"固定個亞婆先...因為個亞婆係個海到浮下浮下好難捉...

好彩無耐之後就有警察黎啦...佢地都落水救人....水警都黎左...個亞婆無事...不過之後我都仲係好驚...真係好彩有你係到 ja~

男友仔生日, 今年我地入去左南Y島玩兩日一夜...一於入去 relax 一下先~ 下晝一點鐘左右就去到碼頭準備坐船入去啦...嘩...依家坐呢 d 去離島o既船都幾貴 ka  bor...要 $20 一個人~ 可能係因為星期日o既關係...都幾多人入去 ka~

落左船之後就去攞屋, 呢間渡假屋我地成個月之前 book 家 ka 啦...哈哈~ 因為想 book d 靚屋黎住 ar ma~ 入到去...比我地想像中o既細 woo...但係都幾靚, 又有一個向海o既露台...個 view 都好靚...休息左一陣之後, 我地就換返個輕便裝(拖鞋+短褲)就去食個茶餐廳o既 tea 先...順便周圍睇下 d 舖頭~ 下午茶只係食小小o野就算 lu~...因為我地陣間就過去"洪聖爺灣"o個到游水, 出發之前最緊要就係吹好個水泡先...哈哈哈~ 去到o個時都四點幾 lu...不過見到個海灘都好熱鬧... d 水都有少少凍 ka...都要慢慢游游下先 ok warm up 到....今次都算係我地今個夏天同你去海灘 swimming...有個水泡真係好好多...鐘意游去邊就游去邊...兩條友仔一齊游到出去防沙網 tim~ 真係大膽~ 不過我地都係玩左一個鐘頭左右就走 lu~ 因為太陽落山 d 風就黎 ka 啦....上到水仲有 d 風吹埋黎真係好凍...所以都係快 d 沖身走人 lu~ 我地兩個無帶衫去換...變相係兩隻濕水雞係南Y島走黎走去...不過原來好多人都係咁...即刻返去沖涼就 ok 啦~

沖好白白之後我地就出去搵食啦...去左一間海鮮酒家到食 seafood...當然食 seafood一定要坐 seaview o既位啦~ 是日 birthday menu 就係 豉椒炒蜆, 蒜茸炒白菜仔, 同埋椒鹽鱔片~ 正正....不過係榕樹灣食一定係貴過索罟灣o既...所以都係唔好食太多了...況且今晚仲有 cake 食 ar ma~ 食 dinner 以為可以靜靜地慢慢食啦...點知我地o既同場仲有兩三圍鬼佬...真係好嘈呀...d 人好似未飲先醉咁樣...成日起哄...吵死人了...~

12 點了...食生日蛋糕啦...今年我無親手整蛋糕比你食...因為你自己都話唔鐘意食甜o野...所以就係南Y島買左個清朱古力蛋糕比你...! make a wish~ 吹蠟燭~ happy birthday to my boyfriend~ >333< 希望你來年咩o野都順順利利...行運行到腳指尾~

^出發了~                                          ^此裝扮...泳裝是也~

^ 是日 birthday dinner~

^ 仲有我地間靚房~

今個中秋, 連放 3 日...正正~ 第一晚就陪男友仔去 fishing....成十點幾先出發...玩到成三點幾, 四點先肯走, 不過好在我有機打...hee~ 最後尾男友仔非常之咁叻...釣左條老虎斑上黎呀...正正~ 聽晚又有正魚做節啦...haha~ 咁岩又撞正係中秋...街市 d 海鮮一定會貴 tim 啦...所以又慳左 d 啦~ kee~ 拎住條魚返去o個時有 d 餓, 所以兩條冷去左飲早茶...kakaka~ 兩個人食左五個點心....哈哈~ 食完返到屋企都成 互點 lu~ 好開心呀~

第二日訓到日上三干先起身...食完早午餐之後就去租碟睇...同理買少少餸返去煮飯...嘩...條魚真係好好味呀...yummy~ 之後睇左套戲....跟住我地就出去公園o個到賞月啦...哈哈...帶張沙灘墊....帶個冰袋...裝返 d 冰凍o既飲品去, 再拎 d 生果, 同埋月餅去...當然仲有我o既愛心碌柚燈籠同埋"立"燭去玩啦...兩個人坐係草地上面, 一路傾計一路食月餅....咁又兩個幾鐘啦...

第三日都係訓到日上三干先起身....今晚我地o既節目就係去維園睇花燈...去到花燈會都唔係話好多人...見有燈謎猜 woo...我地又玩埋一份先....哈...其實我地都好叻 ka 啦...聽完 d tips 之後都有估中到一半o既題目 ka...可惜抽唔中我地之 ma~ 之後就周圍同 d 花燈影下相...跟住我地就去糖水鋪食返個湯圓先....呢樣o野好緊要 ka...真係...人月兩團圓 ar ma~ 除左個湯圓之外我仲叫多左個朱古力木糠布甸 tim 呀...因為上次食過依家要返尋味 ar ma~ 食到真係好飽飽呀...去海旁行下...行到去灣仔o個個狗仔公園o個到...嘩...o個晚真係好多狗仔呀...一路行...一路有 d 大狗細狗係你身邊周圍走...好得意呀...同 d 狗仔又玩左一陣啦...都累要返屋企啦...haha~ 今個中秋假期都過得好充實呀...日日o既節目都咁精彩~ >3333< thx~