搬好喇,雖然唔係好大,不過,好舒服,原因係好似我以前將軍澳的屋企,好有feel,牆身用咗小寶寶喜愛的紫色,好正~~,不過仲未整好,仲有少少手尾~~又會整污糟晒 快啲啦!!   好怕未ok就住,好煩~床係做,好正,床單係無印,用咗佢啲床單好耐,好舒服,又好用,又型,我老公最讚成我買的就係佢啲床單~~

收到老友我生日gift,果然係金蘭姊妹,最知我心~~

係黃金周這個日子,我同屋企人去咗迪士尼,好玩到不得了,去左兩日,早一日去住酒店,不過下次我要去迪士尼酒店,好靚呀!!  好舒服呀!!  自小都係迪士尼fans,鍾意minnie的程度更是近乎痴,所以開心到........第二日至去樂園玩~~ 要推介mickey 的3D動畫,好正...正....正...正..好好睇呀,令人好開心,好值得睇,係有食物的環節.仲會有食物的香味,好好味呀~~~影咗都好多相呀!!

天氣唔錯呀~

到酒店喇~

亞娟扮咩呀??

酒店就有啲特別---------可以同goofy游水呀

食個早餐,出動喇~

食完早餐立即見到,我的愛人.....minnie小姐,好開心呀~

一到樂園見到佢哋呀~

玩完機動遊戲靚仔佢等緊我呀~   太空人的簽名

3D動畫,掛住睇,影得兩張

跳跳虎-----我憎死你呀,玩我~~~~~~~

好靚嘅吹波波

minnie好靚呀@

睇完走喇!  bye minnie

p.s.亞妹你啲係我度呀~~

好忙呀..要搬屋囉~~ 又無得上網,又無得同亞娟玩,又要執嘢,又要買嘢,又無時間,又趕,又急,又要返工,做左busy bird....又唔得閒post迪迪尼相.......好唔開心呀,又要星期六至可以玩電腦.....好可憐

朋友門經常都話我識發脾氣,而唔會嬲人,不過,都係睇下邊個啫!!   好似夜晚我就嬲咗亞娟老豆,我唔明,我日日都咁夜放工,點解我返到屋企仲要我服侍你呀!!  你哋評下理喇~  我差唔多由朝做到晚,最快都要10:30先返到屋企,有時,我放工會買埋嘢食返去一齊食,有時佢會準備好,我唔駛買,有時佢屋企人又會煮飯,ok 呢part無問題啦***跟住,我返到去,佢一係打緊機,一係睇緊電視,都係一啲同我放工返屋企無關嘅嘢~~不過,做咗成日嘢,都好疲喇,佢一係掛住打機,睇電視,玩電腦,一係我都未除鞋,就係咁講..講...講..話題係問我佢明天著咩衫好,咁襯咩色鞋,長袖好短袖好,...之類啦!!   我就一路放低我今日嘅辛勞同佢想,出口答佢....ok 問完,食嘢.佢係百分之百電視精,(同我亞爹不相百仲)我坐我位置會阻佢少少睇電視,佢就不停左閃右閃睇電視,令我好唔自在,好似,我好阻佢咁,好討厭.....  ok宜家都習慣咗,接住,我哋就會食個橙,不過係我(meet)比佢食,久而久之(meet)得多手指甲有時變黃咗,我就唔係好樂意去做,都唔緊要!!  有時真係返到屋企都唔想做咁多嘢,我就係嬲呢一到<有時佢婆婆會煮飯,留湯,食完我疲到都唔想收拾叫佢收一次啦,佢就做啲唔做啲,激死我>   佢今日就係趕住去收音機,而唔記得關電視,又唔收嘢,我咪去收囉,仲洗埋,跟住我就唔想同佢講嘢,我覺得,你收一次嘢,好辛苦咩,好多工夫咩??   我真係唔明,佢當然唔知我嬲佢咩啦!!   你話我錯定佢錯呀??   不過.. 佢始終都係要睇我臉色做人.........認命啦

近期唔知係唔係就快搬屋,個人特別赲,好似好無時間休息咁!!  好疲呀~~ 好想放假呀.  今日收到maggie嘅電話,好開心呀,好似好friend咁,heeheheeheeeehee, i love you maggie!! 真係好鬼like你 收到小禮物呀,小寶寶送的,好cute嘅......佢話係灣仔買到

為咗慶祝我生日嘅盛事,小寶寶同我去左食自助餐,係名貴嘅晚餐,係文華酒店食,唔駛講咁多,十個好味 食到飽到.......好耐未食過咁飽! 

最開心嘅係今日係潮鋪買到平正嘢~~一個勁平headpoter 50%後只賣五百幾蚊,之前出呢款袋時,見到想買都唔買,因為個價錢..不過宜家咁平,唔買會後悔!!  而beams boy毛巾,雖然唔係靚嘢.不過$70粗用都好,而poter x mickey袋係因為fit到相機而買,盛惠250蚊!!  而且想買個好啲嘅袋保護佢,所以又買,出咗血,鬆晒~~

Happy birthday,我今日係生日前一日,買左好多嘢比自己,好開心呀!!    買左一路都好想買嘅連身裙,軍褸,好開心呀,仲收到朋友送的電話,hehheeeheehhee,好正呀你睇,幾多嘢!!

表姐嫁咗喇!  眼見這個小時候陪伴我的老友大個女要嫁人,真係開心到不得了,這位姊妹真係嫁得很快,什麼都比人快!!  小時候,大家都嚷著要互相做大家的伴娘,不過我無守我的諾言,大個後因為怕煩狠狠地拒絕了她,不過我做她的姊妹可以做到老!!   我比她老一年,始終心裡有少許捨不得這位妹妹,不過這是傻婆的想法~  這天大家都為她做了不少工夫,比起自己還要緊張,不過我係好想去觀禮,但是因為我要幫手係酒樓做嘢,無去到囉!!  不過可以睇返啫..  在這天雖然她身體唔係好舒服,不過始終無影響到她的心情,臉上經常掛著幸福的臉色...我都比她的幸福感染到!!  高興到不得了!! 希望她永遠都有這種幸福,快樂