04:35am, 輾轉反側, 腦不停的急轉, 完全無法入睡, 還是不要繼續強迫自己去睡比較好, 此時此刻上 hompy 發下噏風打發一下時間就最適合不過了! 

"朋友"這個詞語, 我其實一直都不懂更加不會相信, 這就是我從小到大發生過的事累積下來的結果了, 且近期發生的事令我對此思想更甚, 越想越不明白為何朋友會是如此!?  或許... 要緊記一下我的座右銘 "no heart, no hurt" 喇!!  

暗地裡做一做心算, 原來真正是我"好朋友"的就是寥寥可數!  唉... 持續的"谷底"情緒, 我想我還是選擇繼續閉關比較好一點~!!

P.S.: 近況只得一個忙字, 不過病過一場後, 我還是選擇先休息一下, 好讓turbo可以停下來稍作休息, 因為無野比健康更重要!!



Back To Top

24/10/07 (Wed) --- 嘔

想嘔但嘔左好耐都嘔唔出既感覺真係好唔舒服~!!  只怪我自己無依照指示去食藥啦!  食藥前無打底, 結果半個鐘都唔夠就開始反胃喇, 好辛苦  不過最終都嘔左出黎, 當堂舒服晒~  
    
 
=============================

25/10/07 (Thu) --- Eason's concert

第一次睇 Eason concert... 估唔到居然係 X X 丫, hehe... Thanks ar SF~!! 我真係覺得好榮幸呢~  Um... 個舞台真係幾靚, 不過我無帶到相機丫, 嘥晒添 >.<" 今晚 Eason 跳左好多舞, 仲好攪笑, 得丫~!! 連唔係佢 Fans 既我都睇得投入, 我都估自己唔到呢, haha~      
 

=============================

26/10/07 (Fri) --- 離奇的飯局

其實我 & MM 都仲未 cfm 實架喎, 典解約人果個話比我地聽約好對方既?? 攪到我地都好疑惑添, haha~ 不過無意中比我 search 到既呢間越 X 會確實唔錯丫, 仲要係唔貴果度先掂丫嘛, ichiban~!!  有機會去開果頭既話實會再幫襯~!! 


=============================

31/10/07 (Wed) --- 比死更難受

無啦啦要人一早就直接返荃灣順豐果邊開會, 所以我晨咁早就要起身, 7點正就要出門口喇 >.<" 因為我要一早起身, 再加上尋晚只訓得 2 個鐘, 真係超攰超眼訓超頭痛丫!  最慘就係要同 2 個國語人既台灣老細開丫, 呆呆既我好彩都仲比到適當既反應!!  順利過渡, hoho!!  而且好彩就係個 meeting 都唔算開左好耐, 十點半開完, 不過 d 時間就唔湯唔水囉, 無理由要求老細直接比我返屋企架 (因為我請左 AL 由 13:30 開始), 所以最終我都返左 office 先, 11點半抵達, 但12-1pm 又話 lunch 喇, lunch 完坐多半粒鐘先返得屋企~  今日既我就係咁頻頻撲撲喇 >.<" 攰到嚮漫長既車程熟睡左一段短時間添, 好彩最終都識得醒識得落車, 唔係就"大近視"喇~!! 



Back To Top

19/10/07 (Fri) --- 失眠

.......................... 
 
=============================

20/10/07 (Sat) --- 出擊+睇戲

真係喪攰, 就死得
P.S.: Thanks for yr ticket, SF~
 
=============================

21/10/07 (Sun) --- 發惡夢+再次失眠

發惡夢半夜驚醒左, 一直訓唔返
 
=============================

22/10/07 (Mon) --- Confirmed

502 contract will be signed by tmw
 


Back To Top

07/10/07 (Sun) --- Sold!

下... 1121_TF 交吉!! 呆左
 
=============================

09/10/07 (Tue) --- 弊傢伙 攪大左

可能係我最近太多野煩太多野忙太攰既關係啦, 真係無乜心機睇!!  而且套戲足足有成129分鐘咁長, 我完全不在狀態, 笑位都唔識笑呢, 問你死未!?  
 
=============================

11/10/07 (Thu) --- Dealed! Bought!

搵/睇左咁多日, 今日終於睇岩了! 成交!! 1127收匙收樓!! e+就忙緊搵屋短租, 之後又要忙搵人返黎反轉大裝修 & 買 furniture 等等等等, 十萬個忙...忙...忙~!!  Anyway, 預計忙4個月啦, tKo等我~!! 希望各樣野都唔會比我e+差啦~!! 更希望我唔會用太耐既時間黎適應呢度就好喇~!! 
 
=============================

13/10/07 (Sat) --- Ocean Park Halloween
 
唔知典解好似無乜特別期待既感覺咁既 今年舉辦單位似乎比上年放多左人入場咁... 我地９男女一黎就先排２個較出名既 "冥通大靈堂" & "東瀛凶間", so 一定巧多人啦, 各排了1.5小時, 我簡直想死呢 Um...呢２間鬼屋無乜特別驚、喜比到我囉, 皆因太多人喇, 穿晒崩, 預早已經睇住ｄ鬼出黎再返返入去, 想點喎!? 之後我地排既 "死囚浩劫" & "奪命嚇輪" 就好少少啦, 唔駛排太耐, 不過都唔係太嚇到我啦~!!  我地今日只係玩得呢４間鬼屋咋, 連 show 都睇唔到, 就算連搵鬼影相都懶得去搵呢, 所以好少鬼相。話都無咁快就到左12點打烊時間喇, 咁就玩左半日lu, 好攰好呆呢~!!    
 
=============================

15/10/07 (Mon) --- 忙碌的開始  
 
隨著時間既逼近, 我亦都開始感到無比既壓力向我撲緊埋黎喇, 越來越多野要諗&要做喇...  唔得!! 真係要幫自己舒舒壓加加油先得喇~!! 
 
=============================

16/10/07 (Tue) --- 好想殺人=.=!!

．．．．．．．．．．


Back To Top

23/09/07 (Sun) --- Photoshop

今日一早就要起身, 目的就係同打令一齊去荃灣上 photoshop 堂, 雖然我事前已做足準備問左 2 個人點去呢度喇, 但係一早起身 2 個人總有點迷惘吧, 一出地鐵已經開始.... Um.... 弊傢伙喇.... 哈哈哈~~~  幸好, 我地將 2 個''教路''既指引巧妙地咁combine 埋一齊, 撞下撞下又比我地搵到喇, 好彩實際行+搵, 都係用左 20mins 唔駛咋, 好開心呢~!! 
不過今日上堂就真係大件事囉, 尋晚完全唔夠訓令到我今日不停打呵欠, 簡直黎唔切數總共打左幾多個喇@@  勁嚮樹中眼訓, 遊魂似的, 有野都聽唔入腦啊...  好不容易先捱到 4:30pm 放學喇, 好想用最快既方法返到屋企即訓覺呢, 我猜我應該坐直昇機吧 :p 
    
 
=============================

26/09/07 (Wed) --- 森小歌劇

6年前我無睇到, 今次我睇唔到亞 Jan 做嘉賓果場確實都幾失望架, 不過都嚮樹多謝 SF 一早去排呢, 雖然排唔知第 6 定第 7 都買唔到確實有點不值, 不過都真係辛苦晒妳呢! 我地睇呢場係 Niki 做嘉賓, 雖然歌劇冰個做嘉賓都係一樣咁做架啦, 但唔知典解硬係想睇亞 Jan 唔想睇 Niki, hehe   睇完呢個森小歌劇之後, 完全覺得係抵睇, 都幾精彩, 幾攪笑!!  下次如果仲有得睇, 一定會去!! 要預我  
 

=============================

29/09/07 (Sat) --- 煩惱

終於有人有興趣喇, 不過兩方面似乎都嚮價錢上面"企硬"呢, 雖然廿年感情真係十分之唔捨得, 而且亦係爸唯一既禮物, 但始終已經老化了, 又無能力將佢翻新, 唯一就係將佢賣掉換新, 雖然已作最壞打算, 就係好多野都會不及現在, 但總算是新的, 而且在金錢上也可以自己掌握得到, 不用擔心時間的問題, 真係今日唔知聽日事呢!! Anyway, 依家仲未知情況會是如何, 亦不知何時會有圓滿既結果呢!! 唉... 真頭痛!!
 

=============================

30/09/07 (Sun) --- Photoshop

由於有左上個星期既搵路經驗, 我地已經知點去喇, 今堂我地可以約遲 15mins 喇, 再加上昨晚既我又早左訓, 所以今堂都幾夠精神咁聽書, lunch 前只係打左 3個呵欠咋 :p  不過到大約 3pm 時突然又變得呆滯呢, 嚮呢個時間仲比打令發現到我恰眼訓叫我回魂添:p   4pm 終於上完成個 course 喇, 覺得 photoshop 技術確實好神奇丫!! 好想搵日有時間就嚮屋企執下ｄ唔見得人既相呢 :p


=============================

03/10/07 (Wed) --- late

激死.... 受狂風暴雨所阻, 仲有部乞人憎既"車立"層層停, 令我遲左1分鐘啊, 咁就無左一個鐘頭大假喇.... 


Back To Top

24/10/07 (Wed) --- 嘔

想嘔但好耐都未嘔得出既感覺真係好唔舒服!!  好彩最終都嘔左出黎, 嘔完成個人當堂舒服返好多喇  唉... 一切皆因自己無依照指示去食藥, 唔打底就食藥既後果真係好快見效, 食完藥不到半小時就出事喇... 嗚嗚~  
    
 
=============================

25/10/07 (Thu) --- Eason's concert
 
第一次睇 Eason 既 concert, 今次仲要係 X X 架添, hehe... Thanks ar SF.. 我真係覺得好榮幸ar^^  咁靚既舞台居然無帶相機... 唉!! 真係嘥晒 >.<" 無諗過 Eason 會跳咁多舞的, 仲要係咁攪笑, 得呀！ 一個唔係我偶像既演唱會都可以令我睇得投入, 真係估唔到呢~!!      
 

=============================

26/10/07 (Fri) --- 離奇的飯局

今次既飯局總共有 3 個人(包括我), 其實我 & MM 都未 cfm 實架喎, 典解約人果位話約好晒我地對方既??  大家都好疑惑, haha~ 估唔到我四圍亂click 咁都比我嚮網上見到人地既 blog 介紹呢間越 X 會, 有興趣試, 不過佢嚮灣仔架, 對我黎講好遠, 所以掙扎左好耐去定唔去好... 最終還是去左試食, 確實又唔錯喎..!! d 野仲要係唔貴果度先得嘛~~ 
 

=============================

31/10/07 (Wed) - 一個慘字

唉... 無啦啦要人一早就直接返荃灣順豐果邊開會, 攪到我晨咁早要起身, 7點就已經要出門口喇, 仲要同 2 個國語人既台灣老細開會, 真係想死~!!  尋晚仲要係訓得果 2 個鐘咋陰公!! 雖然好攰好頭痛, 但好彩個 meeting 都唔係開左好耐唧, 個半鐘開完, 我居然比到反應佢地喎, haha~  順利過度左, hoho~  不過10點半就嚮荃灣開完會喇, 時間唔湯唔水咁, 我點好意思問老細可唔可以唔返官塘就直接走丫 =.=!!  所以最終我都係返左官塘先 =.=" 11點半返到去官塘, 但 12-1又話 lunch 喇, lunch 完坐多半粒鐘就話走人喇(因為我 1:30pm 開始請左 AL 嘛!!)~  唉... 真係好頻撲既一個早上, 漫長既車程令我熟睡左一段短時間添, 好彩識得醒識得落車咋, 唔係就大件事喇~!! 



Back To Top

18-Sep

今日台灣打風, 放假一天!!  嘩... 我好好彩呢 :p  台北遊果 4 日入面完全無落過雨, 但前前後後既係天氣都係唔好&落雨架, 今日仲打起風上黎!! 如果我地遲 2 日去, 真係唔知有無得返HK呢!!


=============================

21-Sep

公司&同事唔要既夾埋, 總共有3大盒大班八寶迷你冰皮月餅屬於我@@" 會唔會食冰皮月餅食死我架@@"  


=============================

22-Sep

今日係 hompian 9月birthday gathering 既大日子, 活動係去大欖 BBQ, 我相約左其中2人由朗豪坊搭van出發, 今次居然因為司機既錯誤而令到我地再一次遲左落車, 不過連埋行多10分鐘既路程, 居然都嚮 1 個鐘內到達目的地, 最早到呢... hehe~  今次係我第2次黎呢樹, 唔知點解咁少野食揀, 又無糖水, 同埋好遠交通唔方便! 今日既我好眼訓好呆呢, 因為第日要返 photoshop full day course, 所以唔早走都唔得, 同打令11點多ｄ就走先, 但返到屋企離奇地精神, 最終半夜４點先訓得著, 真係撞bie囉, 都唔知聽日返學典算 =.="  



Back To Top