時間過得真係好快，眨下眼又10年，仲好記得10年前既今日係咩日子(永世難忘)

  當年今日係SEK 謝師宴，點解我咁記得呢 1. 6月6號星期六 容易記 2.我當日下午食左兩碟通菜之後，對小腿就抽荕喇，痛足全晚呀  (通菜俗稱抽筋菜，原來係真架) 不過我又誇左D既食兩碟 哈 3. 間酒店一D都唔好食 4.本來散水之後會有下場，但我對小腿好痛，頂唔住，玩到1:00就番屋企喇。

 10年後既今日，lunch 本來出西環飲荼，但落大雨所以取消左，改左叫Pizza Hut，外賣成1:30先送到，餓到我死死下，唔知係咪餓過龍呢? 平日都冇覺得d pizza咁好味架。

 就快端午節，elsa 親手包左好多粽請我地食，有咸肉粽、皂水粽 ，elsa 整d粽真係好好味呀，我、妹、媽咪都讚不絕口呀。

 7/6/2008 sat 好開心呀

  我今朝長週要返工呀，6:30am起身外面好大雨，睇電視係紅雨，心諗都冇計啦，紅雨都要返工架啦，係我換好晒衫，洗好臉之際，電視報道話係6:40分己經改掛黑雨，嘩好開心呀，無啦啦多半日假 哈哈 即刻換番晒d衫，大覺訓 。嘻嘻 臨訓前通知我d朋友唔好返工，黑雨。

今晚睇歐洲國家盃，今屆無左英格蘭，所以我都冇乜心機睇，連now 都冇裝。

tvb直播第一場，瑞士vs捷克，麻麻地好睇，睇到有d眼訓，捷克1:0 贏波，我都有d開心既，兩隊我比較鍾意捷克 但今場巴路士冇出呀。

 瑞士國歌又幾好聽喎

1/6/2008 sun 今朝早約左勝叔去明星海鮮舫飲荼，爸爸8:30就去拿位，我就訓多陣，10:00先出發，搭的士去10:30 左右到啦，好勁呀我地飲到2:00 先走呀。勝叔真係一個好好好好既人黎架。

 返到屋企，卜係電腦度狂睇今生無悔，暫時睇到22集，幾鍾意睇劉兆銘，佢做得好攪笑。哈

  2/6/2008 Mon 今晚返到屋企樓下，駕車退後既時候，見到一個小朋友好攪笑，佢住我地樓上，早前己經見過佢一次，佢上次就等我落車。今次係度做泊位指揮員，仲走番上前問車長佢係咪幫到手，真係俾佢笑死，仲等埋我落車叫我小心d 講左n咁多次。呢個小朋友真係乖。

24/5/2008 sat 去左海洋公園，話事話我真係好多年冇去過喇，今次去都係睇下熊貓、海豚、鯊魚、水母咁啦。

 好彩今日天氣唔算太熱&冇落雨，我12點就到ocean park，首先睇下隻污漕貓先，睇左一陣咋 懶到死掛住訓覺都冇野好睇。

 搭吊車過去另一邊，睇水母，睇鯊魚，睇海豚表現第一場太多人喇入唔到場呀，咁就睇5:00pm個場啦。唉..d阿叉係正我隔離好臭呀，佢地身上發出d陣陣臭味好難頂，睇完拿拿聲去埋海獅館，有三條海獅掛住訓，得一條係度游來游去，都ok 得意，但我始於最鍾意都係海豚。

 6:45pm 搭車返馬鞍山初頭諗住去食打冷，點知冇得食，之後去左潮洲食，感覺有d怪，食晚飯好似下午飲荼咁，那個湯飯食到我嘔泡。

 25/5/2008 Sun 4:00pm 小彥、et、阿寶、家樂黎左我屋企，叫肯德基食。

http://

文章URL 引用 [0]

筠家姐結婚大日子 好感動 好開心

May 19,2008

http://

今日係筠家姐結婚既大日子，9:30 接新娘、15:00到文化中心註冊。但我冇出席。其實我都好想去架，可惜我去唔到，因為佢屋企要上三層樓梯架。

 14:30 我準備梳洗、換衫、化妝，約左17:30車到旺角帝京酒店參加筠家姐結婚晚宴，咁岩fish係旺角新世紀，所以約佢係帝京樓下等，傾左幾句，各自散band。我就搭lift 上六樓飲喇，一入到去感覺超好，好大好闊，擺三十幾圍一d逼既感覺都冇，由於我早到，立即走上台影相，不過真係好攪笑&有d怪 我地屋企影全家福時，得我一個坐chair，媽咪、爸爸、阿妹、新娘、新郎企晒係我後面。第二副又係黃氏大合照，長輩應該坐chair，後輩應該企，但我坐係chair仲要係中間個位，真係...攪笑..??咁都得? 不過我知佢地就我唔想我辛苦要轉位。

 未入席時我就不停影相，但我唔再上台喇，筠家姐好好呀，佢每換一件晚裝，就會過黎同我影相 嘻

 筠家姐個婚宴攪得好好，新娘好靚，伯娘/伴娘都好靚，姐妹/兄弟團陣容鼎盛，酒菜好味(除左翅) 可能我唔鍾意食蟹皇翅，延開三十幾席好熱鬧，播番新娘小時候、中學生、謢士、拍拖九年既合照時，我好感動好開心，中途再播今朝出門，註冊，好感動，感動到有少少淚光，可能係因為係堂家姐結婚我比平日特別開心、好高興，新郎原來都好浪漫架喎，拍左個mv mind 咀唱許志安首歌好好笑，佢仲用九年內睇過既演唱會飛摺左束花比新娘，新娘就怕醜d啦。

 11:40散席

http://

文章URL 引用 [0]

他來自江湖

May 12,2008

除左用1個鐘時間黎執野外，我將其他時間放晒係他來自江湖呢套劇集上。

 近期我不停睇番過去TVB經典劇集，套套都超過15年，總係覺得以前D劇集比而家D劇集好睇好多。

 劇中 > 十幾年前，香港人用大哥大，D人就以為好威好勁，而家連小朋友都有手提電話啦。十幾年前，係街上梗會有電話亭係你左近，而家想見到都唔容易。

 仲有呀我睇大時代既時候發現原來16年前都己經有類似ICQ、MSN 既野，可以同網友傾計，但當時係用DOS架。我真係大鄉李呀，而家先知。

 所以睇番D舊劇集都幾攪笑，可以睇番香港既轉變。

 執屋大行動，由媽咪負責，我同阿妹只係睇下有乜唔要，我發現我過去收到好多朋友寫俾我既聖誕咭、生日咭，祝福咭，仲有儲埋好多既KITTY。

 最驚喜係搵番部古董GAMEBOY，哈 成十七年歷史，阿妹咪拿拿聲入電試下玩唔玩到，仲得喎，不過畫面就好矇囉，不過算係咁喇，成廿年歷史喎。

文章URL 引用 [0]

開心

May 10,2008

 剛剛轉了車長一星期，每日放工都可以開開心心搭車返屋企lu，因為新車長比起燥狂症的陳車長正常得多，駕車隱定，不會飛車。乘客坐得安心。

 9/5/2008 今朝11:00 Gabby 陪我落二樓，試坐新車，試左兩部一大一細，我就覺得細好d，比較容易控制，練習左1個鐘，OT話遲d先再練習。

 10/5/2008 (六) 冇出街，全日留係屋企執野。

文章URL 引用 [0]

« 上一頁 下一頁 »