http://

今日係筠家姐結婚既大日子，9:30 接新娘、15:00到文化中心註冊。但我冇出席。其實我都好想去架，可惜我去唔到，因為佢屋企要上三層樓梯架。

 14:30 我準備梳洗、換衫、化妝，約左17:30車到旺角帝京酒店參加筠家姐結婚晚宴，咁岩fish係旺角新世紀，所以約佢係帝京樓下等，傾左幾句，各自散band。我就搭lift 上六樓飲喇，一入到去感覺超好，好大好闊，擺三十幾圍一d逼既感覺都冇，由於我早到，立即走上台影相，不過真係好攪笑&有d怪 我地屋企影全家福時，得我一個坐chair，媽咪、爸爸、阿妹、新娘、新郎企晒係我後面。第二副又係黃氏大合照，長輩應該坐chair，後輩應該企，但我坐係chair仲要係中間個位，真係...攪笑..??咁都得? 不過我知佢地就我唔想我辛苦要轉位。

 未入席時我就不停影相，但我唔再上台喇，筠家姐好好呀，佢每換一件晚裝，就會過黎同我影相 嘻

 筠家姐個婚宴攪得好好，新娘好靚，伯娘/伴娘都好靚，姐妹/兄弟團陣容鼎盛，酒菜好味(除左翅) 可能我唔鍾意食蟹皇翅，延開三十幾席好熱鬧，播番新娘小時候、中學生、謢士、拍拖九年既合照時，我好感動好開心，中途再播今朝出門，註冊，好感動，感動到有少少淚光，可能係因為係堂家姐結婚我比平日特別開心、好高興，新郎原來都好浪漫架喎，拍左個mv mind 咀唱許志安首歌好好笑，佢仲用九年內睇過既演唱會飛摺左束花比新娘，新娘就怕醜d啦。

 11:40散席

http://

除左用1個鐘時間黎執野外，我將其他時間放晒係他來自江湖呢套劇集上。

 近期我不停睇番過去TVB經典劇集，套套都超過15年，總係覺得以前D劇集比而家D劇集好睇好多。

 劇中 > 十幾年前，香港人用大哥大，D人就以為好威好勁，而家連小朋友都有手提電話啦。十幾年前，係街上梗會有電話亭係你左近，而家想見到都唔容易。

 仲有呀我睇大時代既時候發現原來16年前都己經有類似ICQ、MSN 既野，可以同網友傾計，但當時係用DOS架。我真係大鄉李呀，而家先知。

 所以睇番D舊劇集都幾攪笑，可以睇番香港既轉變。

 執屋大行動，由媽咪負責，我同阿妹只係睇下有乜唔要，我發現我過去收到好多朋友寫俾我既聖誕咭、生日咭，祝福咭，仲有儲埋好多既KITTY。

 最驚喜係搵番部古董GAMEBOY，哈 成十七年歷史，阿妹咪拿拿聲入電試下玩唔玩到，仲得喎，不過畫面就好矇囉，不過算係咁喇，成廿年歷史喎。

 剛剛轉了車長一星期，每日放工都可以開開心心搭車返屋企lu，因為新車長比起燥狂症的陳車長正常得多，駕車隱定，不會飛車。乘客坐得安心。

 9/5/2008 今朝11:00 Gabby 陪我落二樓，試坐新車，試左兩部一大一細，我就覺得細好d，比較容易控制，練習左1個鐘，OT話遲d先再練習。

30/4/2008 (三) 放工後BBQ

  3-4/5/2008 晨咁早就起身睇埋最後20集，嘩我覺得我同阿妹都好犀利呀，不眠不休日睇夜睇，星期日一點終於睇埋大結局。

 呢套劇集十幾年前係我屋企樓下拍既，睇番D景同而家有d唔同左啦，好似樓下大堂，某d商場店舖都變左。

 睇番n年前既xx邨，又幾攪笑，鏡頭影到附近既馬路、lift口、商場、魚池、公園、粥麵檔，我同阿妹好似發現新大陸咁大叫，叫媽咪、爸爸一齊睇。

 29/4/2008 (二) 11:30到醫院覆診，今次係第一次坐輪椅去睇醫生，入到房醫生問我坐左幾耐，我話由一月尾至而家，我再問醫生意見，究竟我坐手推還是電動輪椅好? 佢答電動會比較方便。佢叫我要努力保持現有既身體，叫我唔好放鬆自己，佢提意我每天最少企一小時，跟住佢同我檢查，佢話我保持得都幾好。

 呢個醫生由我十四歲開始睇，佢都話睇住我大，我話佢睇住我乖，因為我以前覺得睇醫生好煩架，起初睇每隔兩星期就要覆診一次，當時我唔識諗覺得成日都要覆診，攪到成日都返唔到學。所以我成日都發脾氣，後來人大左， 我己經習慣左，同醫生好合作。

 早前係YAHOO BLOG 見到一BLOG友講到醫生會離職，我仲以為今次唔會再見到佢，點知去到醫院見到房門口掛上佢個名，有少少驚喜，因為我都想見到佢，我地仲問左佢係咪唔做，佢話明天係LAST DAY，今次係最後一次幫我地檢查，講真丫都有D唔捨得佢，話晒都睇左我地咁多年丫，佢都係一位好醫生，佢將會開診所，我拿左佢地址添。

23/4/2008 (三) 今日全日都好唔開心，唔開心既原因係我好擔心。 1.係擔心自己 2.擔心自己帶給別人麻煩。

 今晚約左穎曦、阿玲+我、阿妹 到新港城食野，穎曦放工後上黎我屋企推我去搭港鐵，佢地一早就話食日本野，我就麻麻地想啦，因為明天我都去食日本自助餐，但最終阿妹決定都係食元綠。

 24/4/2008 (四) 心情俾昨天好，夜晚約左珍、ADA 佢地去荃灣悅來酒店金田食日本自助餐，呢間食物選擇比麗豪多，下次都會再黎。

今晚約左筠家姐八點鐘，荃灣廣場。

 我放工後，首圥搭固定RB，返沙田，JOIN 埋阿妹、媽咪一齊搭的士去荃灣，誰不知六點正一正己經返到沙田，比平日快左半個鐘有多呀。

 仲以為要八點先出到荃灣，點知六點四十分己經到喇。首先見到伯娘，再見到小櫻，之後就見到筠家姐啦，燕筠啦，瑞麟等等。小櫻以前都見過伯娘、燕筠架喇。但佢地冇印象，只有小櫻記得燕筠。

 我地去左食雲南野，食到九點半返屋企。睇左筠家姐D結婚相，筠家姐叫埋小櫻去飲，但咁岩小櫻阿麻生日呀，所以佢去唔到。

近幾日感受到一D野，原來有D人真係好自私架。