剛剛轉了車長一星期，每日放工都可以開開心心搭車返屋企lu，因為新車長比起燥狂症的陳車長正常得多，駕車隱定，不會飛車。乘客坐得安心。

 9/5/2008 今朝11:00 Gabby 陪我落二樓，試坐新車，試左兩部一大一細，我就覺得細好d，比較容易控制，練習左1個鐘，OT話遲d先再練習。

30/4/2008 (三) 放工後BBQ

  3-4/5/2008 晨咁早就起身睇埋最後20集，嘩我覺得我同阿妹都好犀利呀，不眠不休日睇夜睇，星期日一點終於睇埋大結局。

 呢套劇集十幾年前係我屋企樓下拍既，睇番D景同而家有d唔同左啦，好似樓下大堂，某d商場店舖都變左。

 睇番n年前既xx邨，又幾攪笑，鏡頭影到附近既馬路、lift口、商場、魚池、公園、粥麵檔，我同阿妹好似發現新大陸咁大叫，叫媽咪、爸爸一齊睇。

23/4/2008 (三) 今日全日都好唔開心，唔開心既原因係我好擔心。 1.係擔心自己 2.擔心自己帶給別人麻煩。

 今晚約左穎曦、阿玲+我、阿妹 到新港城食野，穎曦放工後上黎我屋企推我去搭港鐵，佢地一早就話食日本野，我就麻麻地想啦，因為明天我都去食日本自助餐，但最終阿妹決定都係食元綠。

 24/4/2008 (四) 心情俾昨天好，夜晚約左珍、ADA 佢地去荃灣悅來酒店金田食日本自助餐，呢間食物選擇比麗豪多，下次都會再黎。

今晚約左筠家姐八點鐘，荃灣廣場。

 我放工後，首圥搭固定RB，返沙田，JOIN 埋阿妹、媽咪一齊搭的士去荃灣，誰不知六點正一正己經返到沙田，比平日快左半個鐘有多呀。

 仲以為要八點先出到荃灣，點知六點四十分己經到喇。首先見到伯娘，再見到小櫻，之後就見到筠家姐啦，燕筠啦，瑞麟等等。小櫻以前都見過伯娘、燕筠架喇。但佢地冇印象，只有小櫻記得燕筠。

 我地去左食雲南野，食到九點半返屋企。睇左筠家姐D結婚相，筠家姐叫埋小櫻去飲，但咁岩小櫻阿麻生日呀，所以佢去唔到。

近幾日感受到一D野，原來有D人真係好自私架。

http://

今日呢個行程原本為小櫻而設架，我一早卜定車，諗住陪佢去黃金海岸啦，點知佢去唔到。但個行程會繼續進行。

 10:45上車，11:30左右到黃金海岸，曾車長接我地(一位好車長)，入到去第一時間想飲蘋果汁(好鍾意飲呢間既蘋果汁)，但好失望，冇貨，冇得飲。

 2:30食完buffet，行去黃金海岸廣場行下，影下相，我、丹一齊畫左一幅Q版人像素描，珊珊、cloudy一齊畫一幅，因為我地覺得畫雙人會靚d。

 行到五點就搭車返屋企喇。

  本來入去屯門既，最後取消左。

9/4/2008 (三) 朝早返到公司，聽到手提電話冇電訊號，咪諗住熄機囉，我仲以為媽咪尋晚冇幫我叉電，但點知我拿起電話部機熱到爆呀，平日煲兩個鐘頭粥都冇咁熱呀，嚇得我死，好驚會爆炸，所以決定今晚買新電話。

 基本上我部電話都SHORT左一段日子架喇，不過我遲遲都唔捨得換，諗住部機捱得一日多一日。點知今日終於頂唔住喇。

 Lunch打去3問下有乜優惠俾我，佢介紹左NOKIA6500S俾我，係電話度聽，D功能都幾好，但我睇過部機之後，發覺部機唔適合我。

 放工，約左媽咪、妹、小櫻一齊去新港城買手提，佢地一齊叫我唔好買6500S，部機好重，唔岩我，最後我擇左W910I，部機夠輕。 

 買完去左食上海野，我最愛既上海粗炒。

3/4/08 (四) 葉太係Mirabell買左對新鞋，個款幾靚&適合我，試過之後，決定今晚要買番對。

  放工後，我要到又一城Dan Ryan 慶祝wing 生日，本來我想係大口環搭車出去又一城既，因為卜唔到車關係，所以我坐番固定線返屋企，再同妹妹一齊出去啦。

 上車前那個陳世美車長，說話、態度、語氣依舊差劣，他對阿y及我說，最好每晚上車都有同事扶我過椅，我真係差點衝口話佢最好你以後唔洗做，唔洗出糧丫笨。但我冇出聲，我會忍，忍，忍，練忍功。就算佢講乜都唔理佢，唔會嬲，唔會扯火。前幾日RB 歐生先同我講車長會好樂意扶乘客過椅，係我知係全部車長都樂意 只係陳世美一個唔想做，又想出糧啫。

  講完D衰人，係時候講下今日遇到好多好人，第1個係的士司機，態度有禮，樂於助人。

  落車後，澎澎聲飛上頂樓買鞋先，唔駛10分鐘，就買到喇，第2個好人係賣鞋SALES 哥哥仔啦，佢幫我除鞋&著鞋，我叫小櫻扶我起身試行，攪笑的SALES 叫我加油，我會努力行架，之後佢問我點解會咁，我都有解釋佢聽，佢話睇我好開朗喎。

  踏出Mirabell 極速飛去LG2，Dan Ryan 今晚total 8個人，餐廳送生日蛋糕&生日歌，阿wing 真好笑，問人拿氣球喎，但唔俾佢呀，只係俾小朋友咋。個生日蛋糕好難食，我同MANDY 都覺得似提子干。

 第3個好人係途人，佢係好遠行過黎幫我地開門呀，10:00上RB。

 今晚食完之後超頸渴，返到屋企勁飲水。

="wais:

http://

 早前看到Phoenix 人手做的作品不錯，所以我搵佢幫我整左幾個生日蛋糕，送俾快生日的朋友、同事。