RSS Feed


Hong Kong DisneyLand
October 17,2008

9/10/2008 (Thu) Sunny

 朝早11:30出發搭車到DISNEY，約左小芳係門口等，去到大約12:30左右


首先係出面水池影下相先，入到場行左一陣小鎮大街，戴下D頭飾影下相後，出去同米奇米妮、唐老鴨佢地影相喇。


 2.入左史迪仔度玩，覺得麻麻地，我唔多投入。


 3.諗住同假巴斯影相，點知小芳見到隔離有隻真巴斯，拿拿聲去排隊只需幾分鐘就影左好多張相喇。哈 好開心 


 4.去睇花車巡遊，今次係第2次睇同上次有少少分別，仍然覺得好睇。不過冇左七隻小矮人啊..


 5.入番去小鎮大街買野..


 6. 去睇獅子王慶典，唔駛排隊 嘻嘻 因為...(秘密) 睇得小芳，媽咪好開心，我坐前排勁同卡通人物握手。哈　lion king 呢套卡通我好鍾意架 前後睇左1x次..


 7.行左去獅子王隔離精品店買野...睇到隻辛巴$160唔貴好想買，但妹叫我唔好買屋企好多野冇地方安置佢。咁淨係買左件T恤。


 8.芳姨好肚餓叫我地去食野，去左明日世界食薯條漢堡飽雞翼。


 9.入去巴斯光年度玩，芳姨 媽咪最高分...


 10. 出到去差唔多開始夜光鬼魅巡遊，D鬼姐姐/哥哥好攪笑跳埋黎摸我塊面&下巴。仲派JACK俾我呀。


 11.睇相 : 1張$120 妹叫我買1張


 12.睇煙花表演 睇10次都唔厭


http://

文章URL 引用 [0]
放假的第2天 科學館
October 17,2008

8/10/2008 (三) 1x年前跟學校去過科學館之後都冇再去過喇，見星期三free入場費，咁就入去玩下啦，我1:00玩到5:00先走，咁都可以玩幾個鐘。


 我地玩緊鏡既時候，見到個婆婆係度玩玩得好開心咁笑笑下 好可愛^.^


 玩完後好肚餓，fish表妹佢返屋企喇，我地就去食牛什麵。


http://
文章URL 引用 [0]
洗牙+剝智慧牙
October 17,2008

3/10/08 (五) 今晚約左牙醫洗牙及剝智慧牙。

 5:00放工搭車返屋企時，去到上環開始塞車，唉...6:00都仲係中環呀..我個心開始急，擔心趕唔切去睇牙醫呀，架車行兩步又停一停去到紅隧己經6:40，好彩過左隧道後路面暢順無比，最後準時到診所。


 其實都好怕洗牙&剶牙架，每一次都要鼓起勇氣去預約，今次唔係要剶智慧牙，我都幾難有勇氣去睇。


 呢個牙醫幾好架，樂於助人，價錢合理。


 睇完牙之後，搭番的士去新港城食飯，牙醫叫我1個鐘後先食野。阿yiu話我犀利剶完牙仲可以食野食得咁滋味。哈 我都唔知點解架 但我仲有少少牙肉痛架。


文章URL 引用 [0]
期待己久城城舞林正傳演唱會終於出碟喇
October 05,2008

30/9/2008 (二) 4:00PM左右啦，收到朋友電話問城城係咪出左碟叫我打俾雪藍證實下..雪藍證實出左佢己經買左添。


 咁岩今晚出街食飯，順便可以買埋碟 真係好呀。


 食飽飯返到屋企真係急不及待拎隻碟出黎睇呀，睇到兩點都唔捨得訓，好彩第2日國慶放假，上MSN見到puiyee 傾左陣計，問佢拿左個網址整攪笑相 嘻 冇耐我就訓喇。


 1/10/2008 (三) 國慶放假 全日雖然係屋企 但過得好開心


 1.可以睇城城隻碟 (好抵買呀，07&08兩個Concert 都有呀) 睇到癲左


 2. 整攪笑相 一邊整一邊狂笑。 因為 我整古我D朋友 哈 將佢地D醜態相黎整 WAKAKA..


http://

文章URL 引用 [0]
濱崎步亞洲巡迴演唱會-香港站
September 28,2008

終於到20/9/2008喇，期待已久濱崎步演唱會晚上8時15分開Show...


 講真今日都唔太精神，所以對自己身體都有點兒擔心，下午6時搭車去亞博，大妁7時左右到逹，入到場館冇耐就入場喇，入場前要搜袭檢查有冇dc、dv 喎 唉..而家呢個年代大多數d人緊有一部dc係身架啦，我都唔例外，俾佢搜到要拿去保管站暫託仲要俾$25 好過去搶。


 我坐D區第一行聽落個位唔太差 但...可惜..我...唔可以企所以..睇得比較辛苦囉，其實我可以企到架，但有少少怯唔敢企，原因係我怕D FANS 突然發癲湧上前所以..我全晚都坐囉，阿妹&小櫻企足一晚。


 今晚佢唱D歌有8成都識，所以特別投入，我好鍾意步姐著白色T恤，好活潑。


 唔夠11時完Show.我地想去買紀念品，俾人搶購一空，好想買$210黑色浴巾 ，但買唔到賣晒乜都賣晒 攪到有D失望跟住去保管站拿番部DC排長龍 拿番部機都要等..真誇張 呢度都賺死佢每人$25都幾禁計。


 拿番部相機後影左少少相就搭車返屋企LU。


返到屋企好肚餓，叫媽咪煲隻蛋我食，食飽即訓覺。


http://

文章URL 引用 [0]
中秋節
September 28,2008

http://

文章URL 引用 [0]
粉嶺食齋
September 28,2008

13/9/2008 (六) 天氣炎熱

  首先馮生係上水等埋偉仔再係粉嶺火車站Join埋我地再搭的士到目的地。


 我地叫左個8人餐，仲怕唔夠食想加D餸，但伙記叫我地唔駛加，一定夠食。D餸都幾大碟，豆苗最好味&一向唔鍾意食粥既我都覺得D粥+鹽好好味。


 偉仔好攪笑食左4碗飯、一碗粥，我最鍾意佢食野既樣，佢食得越多，我就越開心。哈


 食飽行左一陣搭番的士出粉嶺火車站，轉番火車到大圍，係大圍火車站入面有一個賣衫舖頭，每次小櫻同我一齊都必入去逛一逛，差不多次次都有收獲，今次都唔例外，都未入到去己經睇中左條連身裙，好快就買左喇，而小櫻當然都有收獲啦，買左野心情自然更靚，再搭返馬鐵返屋企。


文章URL 引用 [0]
詩詩姨新屋入伙
September 28,2008

6/9/2008 (六) 媽咪一早叫定我地早d出深水埗，但到最後都成7點先出到去。

 首先上去詩詩姨屋企參觀下，等埋爸爸、婆婆、小芳佢地，坐左一陣就落街食飯。


 食到9點半左右啦，行去隔離間舖頭買左青蛙床單(懷舊版)。


文章URL 引用 [0]
« 上一頁