玩左大半年瑜伽, 都係時候挑戰自己玩升班!  我至怕就係倒立, 童年陰影極大, 因為細時想玩, 阿媽都係話: "唔好呀, 跌落黎整親條頸, 會死會唔郁得咖!"  又或者會話: "腦充血會死咖!" (終於有陰影, 到家下咁大個人都未倒立過! 所以奉勸家長唔好亂講野, 小朋友心靈唔嚇得!)

不過, 我決定要克服呢個心理障礙, 無理由不思進取, 一世都 beginner level!  所以決定嘗試升班, 做唔到, 頂多咪訓陣, 又唔使死! 希望可以順利完成2/3堂,...

 今朝梳洗完畢換衫返工, 未戴眼鏡既關係, 突然望到白雪雪既房門, 點解有舊野既?  戴返眼鏡一睇.....救命! 係小強! (佢應該叫大強, 因為好鬼大隻!) 無可能....我屋企平日窗都唔開, 渠口又封唒, 點可能入到黎! 除非係門口! (我都要打電話去管理處投訴先, 近期清潔真係差左好多! )

我望住小強, 佢唔死就我死!  拎對準備"戰死把就"既拖鞋, 鼓起勇氣, 不停同自己講: "唔可以俾佢攻佔我屋企! 人係萬物之靈, 我唔可以怕你! (上帝呀! 點解你要做小強?...

就父親節, 所以應節, 呢輪睇緊 "富爸爸, 窮爸爸"

其實本書買左好耐, 但成日聽到人地話本書好悶, 可能題材講投資, 一直都冇意欲去睇.  睇左幾頁, 又唔係悶喎, 仲愈睇愈好睇 (可能小女子我成日發夢想發達, 想自己做生意, 脫離打工仔生涯啦)

原來, 有好多一直傳統流落黎既 concepts, 都有點問題, 幾阻人發達; 本書好在唔係叫你炒賣, 唔係叫你不勞而獲, 一路睇, 我都一路諗緊我既理財方法係咪正確!   諗真, 真係可以做得更好!  例如資產方面,...

小一同學蘇菲亞由 New York 返香港, 尋晚就同昆莉姐姐一起見面聚舊.  地點本來約去中環, 因為變身遊客既蘇菲亞同佢家姐想去蘭桂芳睇型仔, 來過一行四人既 "Sex and the City"  當然, 地膽既我同昆莉聽到呢個提議時都  , 昆莉: "吓, 我地家下咁既年紀仲去蒲老蘭? 叫佢地死左條心, 老蘭冇靚仔咖喇, 得返麻甩佬咖咋!" 當然我地亦唔會對靚仔呢家野有祈望

由於兩位遊客行程緊密, 終於改返近酒店既 Ocean Terminal,...

學左 Yoga 差不多五個多月, 身體+身型+皮膚都明顯好左真係幫我慳返唔少錢!  唔使睇咁多醫生/去做 facial/買咁多無謂野食!  一星期上三次堂, 都少左行街 shopping 使錢

亦都開始感受到 Yoga 既益處, 除左身體好身型好, 心靈上有得著.  發覺自己意志力驚人左好多, 有一d難度較高既動作, 真係要練一排先做到.  同領略到每人都有專長, 有d動作, 某一類人輕易做到, 但對某d人就等同玩雜技!  從而學識唔執著唔比較, 只要有意志有恆心,...

五年喇!  大家對哥哥既思念都冇減退!  每年哥迷都會營造文華花海, 去紀念哥哥, 今年都唔例外!  雖然唔會親手送去 (到現在, 我每次經過/看到文華, 都仲係很難受!) 但花亦一早訂好, 希望俾哥哥同大眾知道, 我地一班哥迷, 無忘記過佢!

今年陳太同 Red Mission 都搞左好多活動懷念哥哥, 不過我遲些先會去兩個活動! 一向都唔喜歡其他人唱哥哥既歌, 所以決定唔去演唱會!  唔知點解, 往幾年感覺無咁 Sad, 今年特別傷感! ...

早陣子, 和深田公子這位 '傻傻地' 的朋友電聯, 公子朋友將我倆的對話畫成如下:

深 : 你今晚食咩?      我: 炒豬肉!

我: 開洗衣店, 一日咁長, 你會係店度做咩?

深: 我玩遙控飛機咯 (俾飛機 '的' 起左既就係我! )

我: 周身骨痛, 真係要拎個按摩機黎按下先!

深:  小心按到彈起...

看完一個'大解後沖唔到廁所'既短片後.....

我: 萬一去人地屋企, 去完沖唔到, 咁點算好?

深: 拉佢出黎咯!

深: 又或者, 好朋友 會自己游出大海去......

(深田公子一定要我將他的大作放在 blog 上....究竟.... blog 是我的還是他的呢?)