今日係投票日選立法會議員, 我住呢區既新界東, 真係冇咩得選擇. 小妹一票, 諗左好耐都唔知俾邊個, 加上我又冇睇果D咩論壇, 睇見就討厭, 大家鬧黎鬧去! 本來想放棄唔投, 但諗諗下, 又冇理由放棄我呢個權利. 

終於, 諗左一晚, 我都係覺得民生同經濟, 和諧社會比其他一切都重要; 我心目中既議員, 唔係果班一味得過嘈話要民主講要普選(唔見得佢地好民主, 咩又係一樣有佢講冇人), 一味反對又冇實際建議既議員; 更加唔想係盲目親中親政府既一批.....

其實, 家下既政黨, 真係好難投得落手,...

   ------>   

星期四放工前已經上天文台睇路徑圖, 預左星期五鸚鵡一定飛到黎香港, 放硬假!

不過我份人咁小心, 安全計都係照平日7:00起身, 打個電話去天文台....唔係化, 仲係三號風球, 拿拿林起身開電視, 好彩天文台話8:00掛八號, 可以安心再訓覺

今次隻鸚鵡, 天文台話佢好勁, 會掛九號風球; 我星期四睇路徑圖同個風速, 都估到會勁, 已經買定膠紙準備貼玻璃同擺定水桶毛巾防水陣.  不過可能唔係吹我屋企既風向,...

劉翔受傷退出比賽, 好多人都覺得可惜, 劉翔、佢既教練同劉媽媽都喊出黎.

運動員背負國家希望, 本來屬正常, 但係會唔會太沉重, 超出運動本身既意義呢?  拎到牌固然開心, 但拎唔到, 挑戰到自己, enjoy到運動既過程, 已經足夠啦

睇見劉翔係後台準備出場時, 因傷唔知參唔參加到比賽, 心急又痛果種心情, 呢一下先令我覺得痛心, 獎牌根本冇所謂.  其實退出係明智, 今日退出, 好過永遠退休! 

運動, 只係挑戰自己, 強健身體; 好多運動員心理質素控制麻麻, so...

星期日天朗氣清, 本應出去玩真係幾開心...奈何熱辣辣, 火太陽曬死人, 出街一定勁出汗! 所以今朝婆婆 call 飲茶, 望出街果條 "煎蛋路", 都真係咪搞我!

情願係屋企開個冷氣睇下書, 睇下電視 hea 下好過!

出街? 太陽落山先好搵我!

 估都估唔到今日有得放4:30 pm! 公司話俾大家放早返去睇奧運開幕! (咁先似返間中資機構咖嘛!)本來都安排好唒節目, 不過最終時間唔夾, 變左返屋企睇開幕!

講真對奧運開幕冇咩感覺, 一直都覺得中國舉辦當然開心, 但我總覺得如果遲兩屆搞, 可能會更完善!  所以對開幕禮冇咩大期望, 係可睇可唔睇果隻 

點知....第一場擊缶已經震懾左我! 真係好興奮喎, 之後就一直睇唒, 直到點聖火!  突然覺得一直對北京奧運冇信心, 係錯! ...

連續兩星期都睇戲  終於都輪到睇 The X-Files: I Want To Believe.  等左咁多年, 終於都見返 Agent Mulder & Agent Scully 喇! 

   (David & Gillian 仍然 keep 得好好!)

雖然好多 X-files 迷對今次既故事有D失望, 但係我仍然覺得好好睇!  雖然冇外星人, 但仍然係 Agent Mulder Never Give Up 破到案, 次次都係Agent...

尋日去左睇蝙蝠俠, 有少少失望, 好似之前好睇一D.  Joker 個色搶唒, 睇見真係有少少心寒!  超變態

唔知點解, 套戲我覺得有少少悶, 有兩場位我反而覺得幾好, 一場就係話開Lamborghini比開蝙蝠車低調D (其實兩架都咁高調喎) ; 另一場就係 Joker 要兩隻船既人互炸. 其實我都諗, 如果真實情況, 人性究竟會係點? 不過如果係我拎住個引爆器, 我諗都落唔到手 

可能細時第一個接觸既係 Spider-man...

玩左大半年瑜伽, 都係時候挑戰自己玩升班!  我至怕就係倒立, 童年陰影極大, 因為細時想玩, 阿媽都係話: "唔好呀, 跌落黎整親條頸, 會死會唔郁得咖!"  又或者會話: "腦充血會死咖!" (終於有陰影, 到家下咁大個人都未倒立過! 所以奉勸家長唔好亂講野, 小朋友心靈唔嚇得!)

不過, 我決定要克服呢個心理障礙, 無理由不思進取, 一世都 beginner level!  所以決定嘗試升班, 做唔到, 頂多咪訓陣, 又唔使死! 希望可以順利完成2/3堂,...