曾經睇過2套戲，一套係無痛失戀，一套係命運自選台，而家我好想世上真係有呢2樣野，1)真係可以有種技術係，係令到人失戀o既時候，抽走呢個記憶，咁就唔駛咁傷痛。2)就係有種遙控，係可以控制自己o既一生快與慢，就在我唔開心時，傷痛時，襟一個制就可以快速地渡過，唔駛自己咁辛苦。點解呢d唔係現實世界有呢???

道別了怎可再見 就像這一生再精彩也得一次童年
但是我天真未變 孩子很好騙 為了不死的信念
仍然信 你狡辯 若我聽教你便回來我身邊

明知等不到 亦要等
還好有眼淚來陪襯
反正空虛 沒什甚想發生
難得開心過 讓我等
難得我越捱越振奮
可以等誰願意問
沒真相才吸引(連眉梢都因你劇震)
我勇敢 我膽怯 我不忿
回頭問背後誰著了燈 (回頭問誰在接吻)

但願你真的看見 現在我天天抱緊這布公仔去睡眠
但願我天真未變 孩子很好騙 為了不死的信念
仍然信 你狡辯 若我聽教你便回來我身邊 



若是你聲音會變 但願你的神態未變

初時跟你拍拖，真的很開心，你一星期會有2日來接我收工，仲試過好多我以前未試過嘅野，每晚唔同你傾過電話都會訓唔著，你仲講過話我好可愛，怪不知會咁多人鍾意我，又講過好驚會冇左我，記得呢句說話嗎?<一日不見，如隔三秋>我以前未聽過人同我講過呢句說話，係你同我講，那時真係甜到入心。第一年同你過o既情人節，你記得我送咩禮物比你嘛???係一個咸蛋超人錢箱，入錢入去眼會發光兼有聲，而你送比我份禮物係一隻音樂熊，而家隻音樂熊仲放o係我枕頭旁邊，但我送比你份禮物呢?你放左去邊?...

唱完k後，過左一排大家又約去大嶼山貝澳玩露營，那時我還記得我o地係夜晚入去，入到去咁o岩又搵到沙灘上面有個位可以紥營，有幾個男同學幫手紥營，有幾個就在整著個燒烤爐，開始燒野食，而我同家姐，還有一位女同學一同去洗手間，回來時更比警察查身份證，警察以為我o地係失蹤少女，我o地仲帶左d警察返o黎，一齊查埋你o地o既身份證，之後，我o地便一齊燒野食，講下笑玩下咁，玩到差唔多天光時，我就入左個營度跟幾個同學玩啤牌，而你就跟我家姐出左去行沙灘，那時有同學笑言，點解好似調轉左o既，點解你唔係同我行沙灘，而係同我家姐，那時我都覺得... <每天愛你多一些>

尋日因有事，所以冇返工，身體上有點問題，尋日係極度掛住你，因為身體上o既問題，所以很想打電話比你，很想你o係我身邊陪住我，但我又驚打比你會好似上星期咁，發現你又唔o係香港，到時又會令自己更加唔開心，唉......
記得以前d野嘛???小學時候記得我個花名嘛，同學改我個名叫周太太，記得點解嘛???係因為有人問你鍾意邊個，而我又想知，所以我追問那個同學，他便說你鍾意o個個係我，所以佢o地就改左我個花名做周太太，小息o既時候仲不時捉住我同你，夾硬拉埋一齊，當時我你都...

是否想起即使擁抱不再有反應
是否想起冬天不見叫你更高興
別忘掉陪著電話等你的處境
沒一次是你難受到竟哭醒

何必苦心交低一吻逼我...

還記得以前跟你住在一起，大家係以老公同老婆相稱，每日放工就會一齊食飯，食完飯返屋企，就算你有你上網，我有我睇電視，最終訓覺都會攬住訓，還記得嘛~~我每晚都要攬住你隻手去訓，常常都整到你唔舒服，不過你都會去遷就我，以前每朝我返工時，你仲訓緊覺，我都會望下你甜睡時o既樣，都會忍唔住鍚你一啖，那時我覺得好幸福，但估唔到而家會變成這樣.........你有後悔做這個決定嗎???我真係不忍這樣做，但我又可以怎樣呢???這個傷痛真的很深，我要記住呢種痛.......