最近無意中睇番舊既向世界出發，其中一集係介紹中國既小朋友去學雜技。好欣賞佢地咁堅強，可以承受咁辛苦既訓練。亦都覺得香港既小朋友愈來愈唔捱得。

記得自己都有辛苦過既時候，所以特別識得去尊重係刻苦環境中長大，或者從事辛苦工作既人。

好幾年前區隊既訓練比現時辛苦得多，以前想入區隊，真係要同好多人競爭考入去。

第一次收到足總既信通知去練波，當時有一種緊張同開心既感覺。不過，因為一向都無零用錢，無錢買球鞋。穿著一對白飯魚就俾曾俾一個香港隊教練大鬧。

"下次再無著boot，就以後唔駛再黎。做球員最基本野都無......"

經過半年既練習，終於有比賽。但係我當日只係做後備。睇住自己隊友一個一個被換出，最後都無我份。靜靜咁喊左出黎。

有一次成班小伙子貪玩，在訓練營裡面玩通宵。最後，被罰無得食早餐兼跑10個足球場，當時係夏天既正午，烈日當空。罰跑完之後再同其他隊打幾場比賽。到午飯既時候每個隊友都虛脫到食唔到野。奇怪，點解我當時可以捱得到?

係朋友面前，我好少去提我既經歷。打開我既日記，亦都唔似其他同學既日記、facebook，有好多周遊行列國既經歷。

慶幸15歲既時候，有呢個經歷。

去左北京一個月，原本屬於我既工作，去左另一個人手中。

我要到八月先有工番。

我揀工作既時候，人地都會揀人。

所以，今日剛剛寫好求職信，準備另一份工作。

我知道我唔會幸運，會有人將一份工作塞入我個口。

 努力得來既野，更加珍惜。

23.6.08 包頭沙漠

中學時間看了很多關於三毛筆下撒哈拉沙漠的故事。慶幸有今次機會，去沙漠。沙漠的風沙猶如有人狠狠地刮向你的耳光。每個人都無可避免地曬日光浴。沙漠的風景相當似電腦上的桌布。感覺有點不真實。導遊在去程時已經叮囑同學，在沙漠上千萬不要拿相機拍照，不然相機很容易會壞。對著沙漠，我實在忍不住，拍下了一張張似不真實的照片。除了坐吊車之前，滑沙、騎駱駝、坐吉普車都不好玩。

大約在六時五十分由北京出發，目的地是內蒙的呼和浩特。對這個地方的概念不多，我想一般人一生都不會選擇去這個地方，又或者去完一次之後永遠也不再去。

由北京去呼和浩特，路程約有500公里。我們在車上至少花了十小時。但在車上面一點也不覺納悶。正當車上的同學都熟睡，我完全被車外的風光吸引，途中經過長城、一個又一個的牧場、落後的村落、一望無際的田野。難以想像北方人的生活方式，怎可以居住在一兩公里都沒有鄰居的地方。

下午五點鐘，終於都抵達呼和浩特，導遊稱它為呼市。呼市有很多類似俄羅斯式的建築，是因為鄰近俄羅斯的原故。第一時間去參觀大召寺，又是一次大開眼界的機會。一次又一次親眼看到中國的國家級文物，真是覺得香港是如此渺小。第一次親眼看到高僧圓直後打造的金身，每個金身旁邊還放著他們生前的照片。我和edmond不禁對望，有點恐怖的感覺。

呼和浩特的夜晚，一點也不平靜。走入一條街道，兩旁都有色情場所，粉紅色的燈光照射著穿著性感服裝的人，很多漫無目的人在遊蕩，他們都似等待上勾，不時有人在叫囂，總之街上是烏煙瘴氣。習慣生活在香港的同學，危機意識較差。只有我會好仔細觀察街上的人。左邊、右邊、前面、後面都有當地人注意著我們。如果他們對我們打主意的話，後果難以估計。行了一回兒，我立即叫大家回酒店。希望同學們會明白我的原因。

整個行程之中，我最享受的一日是在內蒙。

對著蒙古草原上的風光，可以令人完完全全放鬆。

其實我在過去的幾年一直都未放鬆過，更何況說要去旅行呢。由會考之後做運輸工人、高考失敗後的暑假不斷地工作、入大學前的暑假在醫院渡過、去年暑假幾乎每日都工作。

在草原上騎馬的感覺特別好，馬是由自己控制，只要妳給牠一個準確的訊息，牠就會隨著妳的心意去。

蒙古人性格爽快、友善。要跟他們做朋友亦很容易。有一個蒙古人牽著我的手。原來蒙古人視妳為他們的朋友，就會牽著妳的手。騎馬時只要按照他們的意思，他們就會對妳好。這個蒙古人跟我閒談了幾句，還叫我跟同學們講 “不要吵，馬會受驚”。

看完摔跤表演之後，這個蒙古人又牽著我的手，要我跟他們摔跤。其實我早知道他們在表演過後，一定會找遊客來娛樂。所以，我故意站在人群後面。不過被他發現。好!做事要爽快。所以我願意跟他們玩一場摔跤，又可以娛樂大家。最後當然是被人摔在地上。

其他同學都沒有跟蒙古人交流。

夜晚，一個蒙古人帶著我去他的家。

他們很樂意告訴我有關草原上的事。

「剛才下雨，又打雷，這裡的天氣是甚麼樣」

「每一天都是這樣，天氣變化很大」他繼續跟我講草原上的天氣。

「你是蒙古人嗎」

「我是啊」

「你以前都是住在這裡」

「不是。我住在另一個草原。你聽過神州五號嗎，楊利偉降落的地方就是我家」一個年輕的蒙古人有自信地對我說。

當我走進了他們的家裡面，一家三口客氣的蒙古人，又一定要我坐下來。

到了他所住的家裡面，他又給我介紹屋裡面較為特別的東西。

「你冷嗎?把手放上去」因為草原的夜晚很寒冷，於是他叫我把手放在暖氣管上面。

我當時的反應是「嘩」

他們一家人又笑了起來，跟著我講「嘩」

大概是他們很少聽「嘩」這個字。

還問了我很多關於香港的問題。不過他們想了解的都不是甚麼大問題。只想問香港的東西是否便宜。

他們問我取了香港的電話號碼。

大約留了一個小時，因為草原上實在太黑，最後他送我走。

到今日為止，已經差唔多去晒所有北京既名勝，

最近去左故宮、奧運場館、北京最古老既同仁堂、連我去完都唔記得個名既胡同、最古老既北京書店......

前日我同cyrus好似做左電波少年咁，去左宣武區搵一條舊街-大柵欄。

不過我地手上面既地圖實在太簡單，根本就幫唔到我地。

去到大柵欄既時候，先發現呢條胡同已經開始被破壞。

係街上面，我見到兩個外國人周圍去問人路，不過無人理佢。

於是我就上前搭訕，原來呢兩個美國人都係想去同仁堂。

由兩個迷路既人變成四個一齊去搵同仁堂。

最後都可以去到，同仁堂好有懷舊既感覺。真係咩藥都有。我仲順便買藥。食左一日已經好番晒。

係同仁堂附近有一間好出名同人手製鞋既店舖。

*

北京有太多類似既街、四合院、樓，

之前新聞有報導要搵魯迅既故居絕對唔易，更可況要一個人去。

除左去好出名既景點之外，其他同學一定唔會同我去呢個地方。

因為宜加既大學生已經無幾多個會想睇文學、中英文小說。

拎住一個錯既地址，加上我既普通話......

好彩最後都去到魯迅先生既故居。

魯迅除左文學出名之外，

佢住既四合院係由佢親手設計，感覺好舒服。

仲保留左佢好多既信、手稿、家具、親手種既樹。

最後買左三本書，不過我揀左英譯本。

無論係去程同回程，都係亂打亂撞。

仲係公車上面訓著左，差少少唔知去左邊度。

三個男仔放學後去左清華大學。

清華大學真係好大，起碼係香港大學既四、五倍。

其實清華已經變成左一個旅遊點，

有好多遊人，裡面既紀念品店同其他景點無分別。

去程果陣，公車上面既售票員望左我好耐，仲問我係咪韓國人。

不過北京裡面既人真係比香港人友善好多。

最後我地租單車，係清華裡面周圍去，勁正呀。

清華裡面有好多可以俾人坐係樹下睇書既草地。

好想係清華讀書呀!

雖然只係係北京住左一個星期，

但係已經去左好多好多地方。

我宜加住既地方就係北京其中一個區，叫海淀區，

而係呢個區裡面就有頤和園、圓明園、香山公園、胡同等等。

返學既地方就係人民大學。

我去過既地方有頤和園、全亞洲最有既購物中心、和坤故居、王府井、798藝術中心、圓明園等等。

我既行程就由今日講起。

一個外國人望著圓明園遺址

一個被迷宮包圍住的塔，大家都認為是皇上與宮女追逐的地方

圓明園比大家想像中大好多。假如這個建築是完整的話，一定相當有氣勢，從前大概是一座對著人工湖的皇宮。

這座是一個蓄水池。面積相當之大。是以前供皇上觀賞的嘖泉。

這座建築物叫大水法。是一座以嘖泉為主的建築物。

皇上以前就是坐在其中，去觀賞嘖泉。

*

慶幸未去北京之前，識左個北京朋友。

我係既第二日，就約左係頤和園前見面。

<<待續>>