人人都怕情人節如情人劫, 怕出街食飯比餐廳「掠」, 怕買了貴禮物對方都唔鍾意, 怕女友 last minute 先至話「其實我都幾想收花咯...」總之情人節就全民使錢, 商人賺哂錢.

幸好今年情人節過得好滿意得來又唔破費.

Lunch： 我約了好姊妹食飯, 去酒店食日本料理.

下午：我去銅鑼灣做野, 順手買了一盒 Royce 朱古力比老公 — 期間限定味道「萬利橙酒」Nama Chocolate.

晚上：一早有節目 — 媽媽舊曆生日, 我家人連埋老公、奶奶一齊食中餐慶祝, 有龍蝦、片皮鴨、大青班、帶子、貴妃蚌、蟶子、菜膽雞 & 豉油雞...又豐富又好味, 埋單只係 $750!

 上湯焗龍蝦 (伊麵底)

 片皮鴨, 皮脆肉滑. $68隻, 抵食!

友情、親情、愛情於同一天慶祝, 這種「情人節」不枉過啊!

新聞稿:

Cosme Decorte AQ Powder Foundation Meliority
集合 20 多種美容成分，包括防止肌膚鬆弛下垂的 DLF、美白肌膚的維他命 C，以及改善皺紋的海洋性膠原蛋白等，形成自然亮麗的薄膜，遮蓋肌膚的瑕疵。（$1,250）

My report:

嘩! 今朝一用上臉, 就發覺, 乜粉餅都可以比 Proudia「推able」咁多o既? 等我重死命用海棉「攞粉」, 乜佢係咁貴o架

此粉餅的特性, 除了貴, 還有貼薄, 真的半個「乾海棉」分量, 就可以覆掩全臉, 毛孔即時 disappear! 更正就係, 出少少臉油後更貼服, 但又唔會好似 Diorskin Perfect Fit 咁「珍珠色」, finishing 係Matt一 d o既~

又一例證, 好野, 通常係貴......

情人節正日, 是我媽媽的舊曆生日, 一早答應與她去吃海鮮, 所以不會與老公去吃西餐. 沒有期望之下, 反而驚喜重重!

驚喜一：今天下午, 忽然收到一個盆栽. 送禮者不是我老公, 而是一家公司. 但花種, 是我最愛的鬱金香!

驚喜二：回到家中, 老公在 2 月 14 日零時, 突然送我一盒禮物! 是一只貓! 上星期, 我和老公逛街時, 在首飾店窗前看到這只貓, 我說過: 它真像我剛死去的貓貓...

明天, 我會用帶有玫瑰花香的粉紅 Diorshow Powder, 配襯我的貓.

多謝老公

去年十月底, 往上海公幹. 星期日剛從荷蘭回港, 星期一上午又再去機場, 可能是我該月分驛馬星動吧, 一個月內一口氣去了三個地方 (大阪, 荷蘭及上海).

到埗後, 下榻 Crown Plaza, Holiday Inn 旗下酒店, 服務與環境都非常好!

 每人有一間雙人大房.

第一個節目, 是去看一個在中央公園, 只招待媒體的 Beauty show, 由 Zing 負責造型, 很有趣.

 最喜歡 London Party 這一部分, model 都是由香港專程飛過去表演的啊.

之後, 包了車去陽澄湖吃蟹. 直至手提電話出現「歡迎來到蘇州!」的SMS, 我才知道已經離開了上海, 地理知識真貧乏  

 真正養在陽澄湖水內的「大閘蟹」.

香港人說「大閘蟹」是指「綁手綁腳」, 但真正的「大閘蟹」是養在一個大鐵籠內自由走動, 只有在蒸之前才綁起來, 怕它於掙扎中甩掉手腳. 我們每人 order 一對(一公一乸), 才$120.

 你睇d膏多到...嘻嘻~ 

圖中是公, 膏又香又滑, yummy. 乸的膏是一粒粒, 比較實, 我不喜歡. 由於我完全不懂拆蟹, 在朋友的教導下, 只成功地吃了蟹蓋肉, 吃過蟹身, 手腳及拑都放棄了 :P

短短四天的行程, 走了很多路, 拍了百多張相片. 本來沒甚或花費, 卻在最後一天於 Tulip Museum 花了餘下的 euro 200 買精品...

招待的公司說, 本打算訂這家由 19 世紀古堡改建的酒店, 可是他們認為它「in the middle of no where」以及內在設施太舊, 所以訂了 Dylan, 寧可每天驅車 1 小時來接我們, 再驅車 1.5 小時到 Bilthoven, 令人感動!

夢幻般的「山卡拉」古堡酒店 Mercure Baarn Kasteel de Hooge Vuursche http://www.accorhotels.com/accorhotels/fichehotel/gb/mer/2114/fiche_hotel.shtml

是日整牙.

洗牙 $400, 即場發現兩隻爛牙, 補埋, 埋單成千銀! 肉痛比牙痛更甚......

牙醫話我下排有個位要做牙套, 一套三隻, $6000! 有冇人知邊度做會平d? (唔去大陸) 

最近經常情緒低落. 明明老爺健康已經沒問題, 老公又減少了上內地的時間, 依舊經常外出吃美食和試新餐廳 (今天去沙田 ir1968, 露天梳化好坐, 環境幽靜但唔好食), 繁瑣家務又有鐘點幫忙......為什麼最沒有煩惱與危機的人, 反而最易唔開心呢?

老公解答: "你沒有目標."

也對, 工作上現在是穩定期, 進一步未是時候, 轉公司我又不想, 很喜歡現在的同事嘛. 感情上亦是穩定期, 30歲前想嫁就嫁了, 老公又錫自己又專一, 有什麼好煩惱?  經濟上也是穩定期, 開始有點積蓄, 雖然未夠付樓宇首期, 但兩至三個月不工作也不會有問題. 

當每一件事都那麼「穩定」時, 我開始不習慣. 心痕痕想搬, 又想買車 (但唔捨得養), 又想生仔 (但唔捨得停工), 百多個念頭在心中, 卻一直拿不定主義何時開始, 如何開始. 於是, 我好像什麼也做不到, 手被心綑綁起來.

老公建議我去上學. 平有平學, 貴有貴學. 用十幾萬讀 master 又貴又費時? 用幾百蚊讀一個 short course 好了. 學電子琴又好, 學攝影也好, 學日文更好. 總之有了目標, 人就不會那麼迷失.

希望啦.

恭喜大家發財!