實在好耐冇上黎寫野.... 上親黎寫都好似冇好野咁...

今日真係有d 灰，d 股票唔聽話... 工作又做到唔知想做乜, 又唔知做緊乜, d 野又唔識, 又唔知可以點... 真係煩...

有時真係諗, 係咪時候轉行好呢.... 但係又可以做d 乜呢?

呢排又好忙，究竟有冇一刻唔忙、好得閑？係有既... 不過都用黎睇下報紙打下機好過啦...

其實每一晚做過d咩呢? em .... 睇下電視聽、下歌、收email，重有打winning ... 又真係好似冇乜做過野... 呢排個winning 屈少左，又或者自己勁左... 哈哈... 笑死人....

早兩日終於買左部有 HDMI 既DVD Player，唔係講笑.... 用HDMI 線真係令好多，比起用色差線還要好，唯一唔鐘意就係太薄，只有舊果部既三分一.... 大家估下第一套既戲係乜? 櫈~櫈~櫈~櫈~櫈~~~~ Tomb Raider，其實我好鍾意angelina jolie架.... 

唔知點解，呢排好眼訓... 又想訓陣先添.... 

最近公司安排左上普通話班，係堂上我曾經講過「足球就是一切」，聽來好似誇張左少少，事實係呢句野比較易講。雖然係誇左少少，但係都唔假得哂，近排一個星期踢2場波，晚晚通宵達旦睇 "c 渣碑"，閑時就打下winning，足球又真係係我生活中都算幾重要。

坦白講，睇波、打winning同踢波，依然係踢波最enjoy。打winning 對我黎講真係有難度，經常要出茅招 (restart)。至於睇波，強隊唔一定嬴，嬴既唔一定打得好(我係明踩英格蘭，雖然我係英迷)，成日都係果句「我都踢得好過佢地」。唯有踢波最開心，踢得好當然開心，踢得唔好都冇所謂，出下力發洩下，出一身汗都唔錯，又可以強身健體！

黎緊星期五晚有波睇，星期六朝踢波，夜晚又睇波..... 應該死得.... 不過.... 「我願意」

本來今日可以休息下，因為今晚冇波睇，但係原來今晚約左同事食飯，加上又落雨… 真係冇乜mood。不過咁，有部份同事都好耐冇見，都想見下佢地….

波係圓既就係人都知，尋晚亦都再證明強唔代表一定嬴，強如西班牙都唔夠法國班老鬼踢... 淨係睇個陣已經就知道西班牙有幾強，有F. 托利斯、韋拿、艾朗素同沙維，照計可以擊敗法國，但偏偏就係打唔出應有既水準，結果輸波之餘重要比機會施丹再入一球進一級

繼荷蘭之後，西班牙出局，我心愛既球淨返阿根廷、德國同意大利，世事就係咁，黎緊星期五阿根廷要對德國，即係話又會少一隊心愛既球隊.... 究竟留阿根廷好，還是主辦國德國好呢??

舊年買既蘭花，剪左，今日再生返再開花...

終於歸隊了....工作多得每日都要加班, 同之前遊遊閑閑準時走, 簡直係天堂與地獄既分別.....

人就咁架喇... 閑就呻閑....忙又呻忙... 係... 我的確係呢類人... 事實係我冇得揀.... 

同事門, 我 歸隊喇.... 不過唔好比咁多野我做.... 家陣比較喜歡閑閑地開開心心咁做野..... 哈哈！

Andrea Brocelli 既新碟有隻返唱既經典金曲 - Cant Help Falling In Love，岩岩聽完... 真係唱得好好..... 聽完之後開返電視既聲音(之前聽歌閂左..)，當時做緊金三旬 ... 講男主角彈緊 ... Cant Help Falling In Love ..... 真橋 ... 不過真係好好聽.....