消防員對我黎講從來都唔陌生，因為我呀爸都係一個消防員，細個既時候，我唔會明白消防員有幾英勇，因為我成日都覺得佢地好得閒，每日返到局睇下電視、打下排球、囉條水喉周圍射下水同食下飯又話落間，不過當人大左，知道佢地既工作崗位後，我不得不對佢地改觀。

自從嘉利大廈大火之後，我對消防員更加有一份講不出既敬意，雖說香港唔係成日都有咁多大火災，不過每一次係電視入面見到，當我地市民有需要時，所有消防員都"義不容辭"咁幫助我地，呢一份無私既精神，我相信唔係人人都做得到，起碼我一定唔得。

不過有一次對我黎講，可以話係親身支持，呢件事已經係10幾年前發生架啦！我當時仲讀緊書，而且仲住係柴灣，如果大家仲記得柴灣有一次大雨引發既山泥傾瀉，呢一件事就係發生係我屋企後面，而且呢一次係我第一次親眼睇住我呀爸同佢一班師兄弟好努力咁救人，記得個日朝早我起身(我仲未知發生左咁大件事)，見到出面落好大雨，個天好黑下，咁我咪走出露台望下囉，點知呢個時候我見到屋企後面山邊條馬路，比D山泥埋晒，成條馬路淨係可以睇到D山泥，咁我當然企定定睇下發生咩事啦！過左一陣，我見到一個好似我呀爸既人行埋黎，呢一個果然係我呀爸，我當然第一時間八下咩事啦！我呀爸同我講山泥傾瀉呀，仲有人比D山泥埋左添，我當時有小小驚，咁大件事，我呀爸會唔會有事架，我呀爸當我講完咩事之後，佢又走返去佢既工作崗位，當時我都唔知可以做到D咩，淨係識企係個露台望住我呀爸，不過…我企左一陣，我終於都知道我有咩可以做啦！我即係走去廚房，打開個柜，囉左樽咖啡同奶粉出黎，之後煲左煲熱水，急急腳咁走左去刷牙洗面，之後又急急腳咁走返去廚房沖咖啡囉落樓比我呀爸同佢D師兄弟飲，之後我返到屋企我走返去露台，等我呀爸有咩需要既時候，又可以叫上黎等我囉比佢。我都唔記得左自己係露台睇左幾耐啦！不過呢一次就係我唯一一次睇到我呀爸做野。

兩位殉職既消防員，希望你地一路好走，你地既祟高同無私既精神，我值呢一個機會向你地致敬，亦希望你地既家人早日平伏心情，積極人生。

尋晚我真係玩得好開心呀！點解﹖

咪就係去左Special 既 Hello Kitty Black Wonder囉，呢一場有咩咁特別，特別在唔使錢啦，因為係買milk換Hello Kitty送既，而且呢一場大部份人都係為左一件軟硬 x Hello Kitty 既 Tee，呢一件Tee係要milk既頭300位讀者，入去呢個Hello Kitty Black Wonder 玩入面既遊戲而且仲一定要囉到 A Grand先可以得到，呢一件Tee當然係靚靚啦！

尋日同祈祈一早起身食左個麥記早餐，係屋企無咩好做，咪開左隻碟睇囉，呢一隻碟其實我想睇左好耐架啦！係咩﹖就係"柴犬奇蹟物語"，我之前都講過呢一套戲我真係好怕係戲院睇，因為我一定會到"豬頭"，果然呢一套戲好"吹淚"，我竟然開場無耐就，嘩！又比祈祈睇到，佢仲笑我添不過佢都有囉定紙巾比我，戲入而隻柴犬"麻里"佢就係一個好媽媽，呢一套戲真係好感人，人同動物個份深厚既感情，真係好難講到出口，我仲好記得上次睇"愛與狗同行"時有一句說話"係人既一生可以有好多唔同既朋友，不過係狗既一生主人就係佢一生一世既朋友"。希望大家日後會加更愛惜你地既朋友啦！

睇完碟之後，祈祈就去左洗風扇，我就去左整沙律啦，嘩~把風扇洗完之後好涼呀！因為之前把風扇有好多貓毛，依家布甸同啫喱又可以吹得涼快D啦！

大約5點幾我地就向Hello Kitty Black Wonder出發啦！我地今次仲有另一個目的，就係買過一個大D既"沙盆"比布甸同啫喱，當然我地做到啦！

講返呢個Special Hello Kitty Black Wonder 先，我同祈祈7:15分去到e-max，聽到個求d職員講，有人已經係3點幾黎排隊，唔使下化，我同祈祈就用急速既腳步去搵返條龍尾先，哦都未係好多人姐，大約80幾日姐，不過…過左一陣開始越黎越多人啦！嘩，望唔到龍尾啦！等…等…等…8點鐘…開始啦！可能由於人太多啦！要分批入去，唉，排到陣啦！8:15分，嘩…到我地啦！由於上一次已經玩過，所以我同祈祈入到去就好快搵到d密碼，而且仲好快咁解左碼添，唔使15分鍾，我地就返左出黎啦！當然我地換到件軟硬 x Hello Kitty 既Tee 啦！

祈祈多謝你陪我去多一次呀！我玩得好開心呀。

尋日係老細離開公司既第一日，我地依舊9:30返到公司，不過我地各人都懷著興奮既心情返公司，我尋日買埋早餐返黎公司慢慢食，食到10點鐘，又上網睇下報紙，嘩咁既生活日日都有就好啦！hea下hea下12:00個同事去完地盤打返黎公司問去邊度食lunch，佢地商量過後決定去飲茶慶祝，不過最可惜係尋日初一我食齊，所以我只係食左碟菜同一隻素餃，佢地就大魚大肉啦！食一筒雞呀好味呀。lunch之後我地2:30先返到公司，唉，佢細佬竟然返左黎公司，不過佢都好快就走左啦！算佢識做，之後因為公司有同事個電腦有問題，所以有電腦人黎左公司，所以我下午時份都無電腦用，不過…4:00我同兩個同事去左下午荼啵！嘩，平時邊得 架。就係咁我就hea左一日啦！

老細！你玩得開心d啦！唔使掛住我地架。

尋日我地一行四人，去左三門仔釣魚，雖然無魚，但係我都好開心，因為可以晒得一身紅紅，唔知今次紅完之後…會唔會黑呢！希望會黑啦。

唔知點解我個人真係勁！勁！勁！怕熱，依家天氣咁熱我一晚會沖2次涼架，點解有無人可以話比我知！點樣可以消暑降溫呢 ﹖

祈祈，我係呢度同你講，我已經決定無論如何都一定要換左佢，我已經頂佢唔訓啦！佢心情好就比我地有覺好訓，心情唔好既時候，我就係比佢搞到無覺好訓，要我睇佢心情訓覺，我真係頂唔順佢啦！所以呢個星期等埋你放工，我地一齊去睇"新冷氣"，一於換左間房個部"垃圾"。

前日經過7-11比我無啦啦發現milk既板面係"Hello Kitty"，我當然唔野本野好唔好睇，就急急帶佢地返屋企啦！當我比完錢既時候，係本雜誌入面跌左D野出黎，咩黎架，囉起一睇…嘩"Hello Kitty - Mouse Pad呀"好靚呀！我即係用9"88急步返屋企，原來又黎新既Hello Kitty x McDonald's + 軟硬呀！我又有新既"太空垃圾"啦！。睇睇下…咦…去指定3間Hello Kitty主題餐廳買"Hello Kitty" Set 送Hello Kitty Black Wonder入場門票，又可以去多一次呀！yeah~~。

就係尋日10點既時候，我老細無啦啦話去地盤睇下，時機到啦！我可以蛇去"銅鑼灣"帶Kitty佢地走啦！嘩！10點3去到麥當勞…好彩唔係太多人。等左10分鐘就可以帶Kitty佢地走啦！雖然成Set野成$300不過都有好多野跟架啵！eg.18隻Kitty公仔 1個環保袋 12張$10優惠卷 當然仲有兩張入場門票啦…。嘩…Happy 死 啦！不過因為第19隻要係24小時麥記9:00pm 食17蚊 +$10先換到，咁我唯有搵祈祈表哥幫手啦！(因為佢鋪頭附近既麥記係24小時)，咁佢地都不負我所望，而經成功帶左Kitty返鋪頭，不過我要星期六先去佢鋪頭囉啦！唉！依家都仲未可以一家團聚，好期待呀。

唉！呢個星期好唔容易先等到星期六，可能我個心都已經去左Hello Kitty Black Wonder啦！雖然呢個星期公司都好多野做，(因為我老細又接左幾個地盤返黎)。有地盤開當然係好啦！不過…我老細8月頭又去旅行啦！其實都唔係太關我事既，不過3月佢考返個車牌開始，佢用錢就好似倒水咁，三日唔埋又問我囉錢使，咁當然我無得say no 啦，但係見佢咁樣使晒公司d錢，我呢個財政大臣，當然唔太開心啦！因為直接影響我今年既雙糧同bonus架。

我同祈祈聽日又要遠行啦！其實每一次我都好感激祈祈陪我入去睇呀婆，因為每次入去都係全日呆坐睇碟，我知道其實每一次佢都好悶，祈祈真係辛苦你啦！

 Hello Kitty 迷 今 個 暑 假 有 好 去 處 。 Sanrio 設 計 的 黑 色 城 堡 魔 幻 歷 險 展 覽 將 於 明 日 開 始 ， 今 年 特 色 是 首 次 引 入 RPG 角 色 扮 演 遊 戲 ， 並 加 入 卡 通 人 物 Kuromi ， 大 有 可 能 掀 起 排 隊 熱 潮 。

角 色 扮 演 遊 戲

主 辦 單 位 Sanrio 把 場 館 設 計 成 一 座 黑 色 城 堡 ， 入 場 的 貓 迷 化 身 救 貓 勇 士 ， 要 從 Kuromi 手 中 拯 救 出 Hello Kitty ， 並 順 道 飽 覽 精 心 建 造 的 迷 宮 式 城 堡 。
入 場 券 可 於 即 場 或 上 網 購 買 ， 展 覽 由 明 日 至 8 月 3 日 ， 票 價 50 至 120 元 不 等 ， 但 不 接 待 3 歲 以 下 小 童 進 場 。 場 內 還 有 大 量 紀 念 品 出 售 ， 包 括 Colette X Hello Kitty 限 量 版 手 錶 ， 售 價 650 元 ； Colette X Hello Kitty 限 量 版 公 仔 ， 售 價 550 元 。
此 外 ， 昨 日 有 報 道 指 ， Hello Kitty 品 牌 將 在 香 港 設 立 主 題 公 園 。 Sanrio 透 過 公 關 公 司 否 認 此 事 ， 強 調 目 前 全 球 只 有 日 本 設 有 Hello Kitty 主 題 公 園 ： 「 Sanrio 暫 時 冇 諗 過 香 港 搞 呢 樣 ， 因 為 計 劃 涉 及 好 重 大 投 資 。 」

黑 色 城 堡 魔 幻 歷 險
Hello Kitty Black Wonder 2008

黑 色 城 堡 外 貌 電 腦 模 擬 圖 。

日 期 ： 7 月 17 日 — 8 月 3 日 ， 10am-8pm

地 點 ： 九 龍 灣 國 際 展 貿 中 心

門 票 資 料 ：
‧ 標 準 票 （ 會 場 有 售 ， 售 完 即 止 ） ： $100 ‧ 特 快 標 準 票 （ 只 限 網 上 訂 購 ） ： $120 ‧ 優 惠 票 ： $50
‧ 特 快 優 惠 票 ： $60
註 ：
1. 以 下 人 士 可 享 優 惠 票 價 ： 11 歲 或 以 下 之 小 童 / 65 歲 或 以 上 持 長 者 卡 之 長 者
2. 不 接 待 3 歲 以 下 小 童

重 點 環 節 ：
‧ Live （ RPG 遊 覽 體 驗 ）
‧ 香 港 首 次 加 入 Kuromi 角 色
‧ 限 定 黑 色 城 堡 紀 念 品 於 會 場 內 發 售

祈祈已經買左飛同我去囉

我兩個契女Hannah 同 Emma上個星期六已經坐飛機返左"加拿大"探佢地Daddy啦！我地要分開兩個月啦！我會好掛住妳兩個架。

不過佢地上機前都有打比我，呢個肥妹仲好識"冧"人添，佢話返黎會打比我，仲話會Miss 我添，咁就算妳啦！

記得返過"加拿大"乖乖地呀！如果唔係妳兩個返黎，契爺同爺媽唔買玩具比妳地架。