我兩隻瞄瞄豬給我的快樂時刻
|
|||||||||||||||||||||||||||||
 |
|
||||||||||||||||||||||||||||
|
| |
|
|
|
|
|
|
 |
 |
 |
 |
我揀的RSS feed
6月24日生日的卒媽(勞力士) 此RSS feed不正確 豆媽(美艷狂花)  8月28日生日的(艾粒笨尼)米米/露露
Kitty Kitty Kitty Li |
|
 |
 |
 |
June 25,2008
老細放假的第一天
老細放假的第一天
發達啦！我老細放假呀！我都放假啦！
雖然今朝8號風球，但係都唔會改變我老細放假既事實，
唔知我老細今朝飛既時候見唔見到"風神"呢！
老細…一路順風呀…唔使掛住公司架…。
哈哈！第一日有咩做好呢！
返工都成2點啦！返到黎…個個都話未食野，
好野…下午茶平D架…YEAH
咁等食既其間，我地又做咩好呢！
登！登！陳小姐已經為大家準備左幾套戲，
咁大家可以一路等野食，一路睇戲啦…。
我正式宣佈…無皇管假期正式開始！
俾意見 [2]
文章URL
引用 [0]
June 23,2008
十萬個結
十萬個結
到底點樣先可以算做完美人生﹖﹖﹖
到底兩個人一齊係為咩﹖﹖﹖
到底大家係唔係真係愛對方﹖﹖﹖
到底大家會唔會有共同目標﹖﹖﹖
到底點解先叫愛﹖﹖﹖
到底我應該點做﹖﹖﹖
我好亂，我真係唔知自己想點，我以為講左比你知，我會舒服一D，但係…點解我仲係咁多野諗既。我連自己都唔知想點，你…真係知道我想點咩﹖
我諗我要快d學識長大。
June 22,2008
不一樣的終點
不一樣的終點
原來咁多年黎，我同你都未搵到同一個終點…
應該都係時候好好咁考慮清楚，
大家係唔係上錯車。
嘆息門
開過了門 關上了門 短促的情境
不消一秒 殺掉了感情
幾多溫馨 燒化散淨 剩下是宿命
門柄見證你開關之際 各自嘆一聲
當你告辭 她會進來 穿梭於門口
喜不喜愛 已沒有要求
同一種方式 一相處過後 新意再沒有
曾抱你兩臂再給她溫暖 手也會倦透
門前各自感慨
捐出幾多愛我們還是被傷害
跟一個告別後後來連累下一個
大門被敞開 總愛到避開
為何繼續戀愛
皆因想找個老伴同渡過將來
可會只因要對父母當作交待
然而事實你與我也許只因解決晚飯才互愛
失去愛情 得到過程 交織人影
多少戀愛 夾錯了虛榮
和一位分開 跟一個暢泳 可會更盡興
和每個愛侶 軌跡相似 怎去再辨證
門前各自感慨
捐出幾多愛我們還是被傷害
跟一個告別後後來連累下一個
大門被敞開 總愛到避開
為何繼續戀愛
皆因想找個老伴同渡過將來
可會只因要對父母當作交待
然而事實你與我也許只因解決晚飯才互愛
都逼不得已我們才互愛
June 20,2008
死八婆
死八婆
June 20,2008
我又要入官門
我又要入官門
唉！老一輩既人成日都話生不入官門，不過…我年頭到依家已經去左法庭5次以上，呢3個月根本就個個月都要去，唉！希望今次之後，我唔需要再去。
June 18,2008
被困廁所5分鐘(火羅)爆
被困廁所5分鐘(火羅)爆
唉！唔知點解連個廁所都唔鐘意我。
其實都知道公司個廁所匙有問題，
不過公司工程部既同事最近都好忙，
無人有時間去整下個匙，
點知…我竟然比個廁所罰我OT！
尋日諗住老細出左去見客，放工可以用3'11"速逃，
世事難料…就當我打算去完洗手間就走人既時候…死…。
點解度門開唔到既…死啦！死啦！點算呀！
(其實當時公司入面係有人既，不過個個都開到個收音機好大聲)
再試，因為之前都試過咁情況，試多幾次就開得返，
心諗︰唔好玩啦！開到度門啦…唔係咁黑哀係個廁所手上。
個心越黎越急，唉！仆街啦！真係開唔到！死得。
點知呢個時候…救星到。
SAM ︰嘩！咩事呀，開唔到門呀！
我︰係呀！快D幫手呀。
SAM ︰唔係呀，咁好彩，
我︰快D幫手啦！仲講笑，
SAM︰點呀！唔得啵！(廁所門外多左幾把聲)
CHRIS ︰愛麗詩，妳咩事呀玩咁大，玩反鎖，
我︰X你(粗口)，仲玩諗下點仲好啦！
溫 ︰唔得啦，陳小姐開左個廁所窗先啦！(各人正在勁笑中)
我︰死啦！我點算好呀！
溫︰無辨法啦！妳爬窗出後樓梯啦！
我︰唔好玩啦！25樓黎架，(我有畏高)
SAM︰妖…妳兩個傻仔呢個時候仲玩，
我︰咁唔係點呀！
SMA ︰唔得呀，點都開唔到度門呀！要踢門先得啦！妳企埋一邊啦！
我︰嘩！好似你/妳地玩得大D啵！踢門。
SMA ︰咁唔好踢囉！妳係入面等下囉，不過唔知等到幾時架。
我︰得得得！我行開左啦！你踢啦！
SAM ︰1 , 2 , 3..............彭… 彭…嘩唔得啵！
我︰唔係下化，度門咁勁。
SAM ︰X妳(粗口)都衰都係妳，唔去廁所咪無事囉！
我︰我知錯啦！救我呀！我唔可以死係度架。我仲未嫁人架。
SAM︰再踢呀！行埋一邊呀！
我︰得啦…彭…彭…彭…嘩！傻笑中。
SAM ︰X妳…彭…(終於都踢開左)
我︰嘩！英雄呀…好勁呀。
各人︰笑到收唔到聲。
咁係咁我比人救左出黎啦！
唉！點知出到黎…有個送貨仔係度睇戲…
好(火羅)呀！
即係比張票佢之後叫佢快D走。
呢件都可以算做代表作啦！
June 16,2008
長大後的人和事
長大後的人和事
原來當人慢慢長大，有好多野既睇法同感覺都會唔同。
好似我同我堂家姐，細個既時候我地都 Friend過下架，不過當我地大約讀中學既時候，可能大家識既朋友唔同晒，而且呢個時間，大家都反叛期，我地幾老表就越黎越小野講，大家見面既時間仲小，之後家姐佢去左外國讀書，大家仲無機會見，慢慢我地就算有咩家族眾會，我地都只係點下頭，之後就無野講架啦。
不過…我地既關係最近有轉變呀！而且感覺好WARM，好舒服，不過自從家姐有左BB同做左媽媽之後，佢成個人都唔同左，識得關心身邊所有人同事，而且仲有慢慢同我分解，雖然我地最近只係用MSN傾計，不過…連家姐自己都話，我地識左成30年，都好似未試過好似依家咁close，其實我真係好開心，因為我依家明白一家人既關係唔會因為大家小溝通而有變，就算就係變都只會越變越密切。
雖然我地依家唔可以好似以前咁一齊去遊水,派財神，去公園整野食，去人地屋企門口放臭蛋…。但係我地依家可以一齊去行街，唱K，我更加樂意陪妳買野比晴晴。希望好快有咁既一日。
