我兩隻瞄瞄豬給我的快樂時刻
|
|||||||||||||||||||||||||||||
 |
|
||||||||||||||||||||||||||||
|
| |
|
|
|
|
|
|
 |
 |
 |
 |
我揀的RSS feed
6月24日生日的卒媽(勞力士) 此RSS feed不正確 豆媽(美艷狂花)  8月28日生日的(艾粒笨尼)米米/露露
Kitty Kitty Kitty Li |
|
 |
 |
 |
June 20,2008
死八婆
死八婆
俾意見 [0]
文章URL
引用 [0]
June 20,2008
我又要入官門
我又要入官門
唉！老一輩既人成日都話生不入官門，不過…我年頭到依家已經去左法庭5次以上，呢3個月根本就個個月都要去，唉！希望今次之後，我唔需要再去。
June 18,2008
被困廁所5分鐘(火羅)爆
被困廁所5分鐘(火羅)爆
唉！唔知點解連個廁所都唔鐘意我。
其實都知道公司個廁所匙有問題，
不過公司工程部既同事最近都好忙，
無人有時間去整下個匙，
點知…我竟然比個廁所罰我OT！
尋日諗住老細出左去見客，放工可以用3'11"速逃，
世事難料…就當我打算去完洗手間就走人既時候…死…。
點解度門開唔到既…死啦！死啦！點算呀！
(其實當時公司入面係有人既，不過個個都開到個收音機好大聲)
再試，因為之前都試過咁情況，試多幾次就開得返，
心諗︰唔好玩啦！開到度門啦…唔係咁黑哀係個廁所手上。
個心越黎越急，唉！仆街啦！真係開唔到！死得。
點知呢個時候…救星到。
SAM ︰嘩！咩事呀，開唔到門呀！
我︰係呀！快D幫手呀。
SAM ︰唔係呀，咁好彩，
我︰快D幫手啦！仲講笑，
SAM︰點呀！唔得啵！(廁所門外多左幾把聲)
CHRIS ︰愛麗詩，妳咩事呀玩咁大，玩反鎖，
我︰X你(粗口)，仲玩諗下點仲好啦！
溫 ︰唔得啦，陳小姐開左個廁所窗先啦！(各人正在勁笑中)
我︰死啦！我點算好呀！
溫︰無辨法啦！妳爬窗出後樓梯啦！
我︰唔好玩啦！25樓黎架，(我有畏高)
SAM︰妖…妳兩個傻仔呢個時候仲玩，
我︰咁唔係點呀！
SMA ︰唔得呀，點都開唔到度門呀！要踢門先得啦！妳企埋一邊啦！
我︰嘩！好似你/妳地玩得大D啵！踢門。
SMA ︰咁唔好踢囉！妳係入面等下囉，不過唔知等到幾時架。
我︰得得得！我行開左啦！你踢啦！
SAM ︰1 , 2 , 3..............彭… 彭…嘩唔得啵！
我︰唔係下化，度門咁勁。
SAM ︰X妳(粗口)都衰都係妳，唔去廁所咪無事囉！
我︰我知錯啦！救我呀！我唔可以死係度架。我仲未嫁人架。
SAM︰再踢呀！行埋一邊呀！
我︰得啦…彭…彭…彭…嘩！傻笑中。
SAM ︰X妳…彭…(終於都踢開左)
我︰嘩！英雄呀…好勁呀。
各人︰笑到收唔到聲。
咁係咁我比人救左出黎啦！
唉！點知出到黎…有個送貨仔係度睇戲…
好(火羅)呀！
即係比張票佢之後叫佢快D走。
呢件都可以算做代表作啦！
June 16,2008
長大後的人和事
長大後的人和事
原來當人慢慢長大，有好多野既睇法同感覺都會唔同。
好似我同我堂家姐，細個既時候我地都 Friend過下架，不過當我地大約讀中學既時候，可能大家識既朋友唔同晒，而且呢個時間，大家都反叛期，我地幾老表就越黎越小野講，大家見面既時間仲小，之後家姐佢去左外國讀書，大家仲無機會見，慢慢我地就算有咩家族眾會，我地都只係點下頭，之後就無野講架啦。
不過…我地既關係最近有轉變呀！而且感覺好WARM，好舒服，不過自從家姐有左BB同做左媽媽之後，佢成個人都唔同左，識得關心身邊所有人同事，而且仲有慢慢同我分解，雖然我地最近只係用MSN傾計，不過…連家姐自己都話，我地識左成30年，都好似未試過好似依家咁close，其實我真係好開心，因為我依家明白一家人既關係唔會因為大家小溝通而有變，就算就係變都只會越變越密切。
雖然我地依家唔可以好似以前咁一齊去遊水,派財神，去公園整野食，去人地屋企門口放臭蛋…。但係我地依家可以一齊去行街，唱K，我更加樂意陪妳買野比晴晴。希望好快有咁既一日。
June 12,2008
一個好耐無見既朋友仔
一個好耐無見既朋友仔
尋日大約3點幾既時候，我接左一個電話…。
我︰喂…搵邊位，
余︰呀女…係咪呀女…(個電話有小小係太空既感覺)
我︰停左兩渺，妳再講多兩句野聽聽。
余︰妳知唔知我係邊個呀！
我︰哦…妳咪余小姐囉。
余︰好野啵！仲記得我。
我︰我都OK好記性既，好耐無聯絡啦！妳點呀﹖
余︰我同佢離左婚啦。
我︰再停左3渺…吓…點解呀！妳有第三者呀！
余︰唔關我事，個問題係佢到…。(下冊3000字)
就係咁佢約左我今日食Lunch，我同佢真係有成7年幾8年無聯絡，當年佢結婚，我都有份做姐妹，無諗過我會見證到佢結婚同離婚。對我黎講有小小感慨。
今日我約左佢係我公司附近食Lunch，我見到佢既時間，我覺得佢大個左好多，(當年余小姐結婚時得20歲)同佢食左一餐飯，覺得佢變左好多，成個人無以前咁細路女。
原來人真係會係經驗中長大，余小姐…妳真係大個左。
希望以後既日子，妳同個女都生活得快快樂樂，將來一定會搵到一個愛妳同珍惜妳既人架。
June 07,2008
無啦啦多左日假
無啦啦多左日假
一場突如其來的大雨，令我多左一日假，
不過…如果再係咁落雨，比多幾日假我都無用啦！
呢個星期已經落足咁多日雨，令到個人心情都差埋，
講返今朝先，原先每個星期六，我地幾個同事都會相約食個早餐，
點知今晚8:10分，個同事SEND 左個SMS比我，話黑雨，
我即係回返一個，咁唔返工啦！落左再算。
之後再係張床晒左一陣，老豆佢就起身，
因為出面不停利雷閃電，兩隻小鬼嚇到飛起，
做老豆既當然即係去安撫佢地啦！
過左一陣個傻老豆就話落去買早餐啦！
我叫佢唔好去啦！行晒雷閃晒電，咁危險，
佢話唔係好大雨唔怕，咁好啦！你去買啦！
返到黎食完早餐，9點幾未到10點，
咪坐下，睇下電視囉…
大既11點鐘諗住開隻"JUNO少女孕記"睇下啦！
點知…收音機突然話"天文台剛剛除去黑色雷暴，收發紅色暴雨"。
OH NO…搞錯呀…等多陣12點先落啦！(唔係我講架)
咁我都可能唔使返工，依家要返啦…。
就係咁，隻"JUNO少女孕記"就我自己一個人兩隻貓一齊睇囉。
點解祈哥今日要返工，因為佢今日返半日，
不過…係放3點個隻啵！
老豆，你真係唔好彩，我唯有乖乖咁係屋企等你返黎啦！
