啲同事成日話我地公司保健室個醫生係獸醫，但係我星期五開始病嘅時候上去攞咗啲藥，食咗一日，今朝起身已經無事喇，又可能我尋晚早瞓啦，我尋晚9點就瞓咗，一瞓就瞓到今朝9點，雖然成晚"典來典去"，但係都算充足休息啩。但係泰泰就無咁好喇，今日把聲仲唔係好得，泰泰，你快啲好返啦，如果唔係去唔到下星期個露營喔。

尋日泰泰病了，今日輪到我打敗仗，病了。究竟傷風同感冒係點分嘅呢？

泰泰尋日傷風喇，鬼咩.....呢排返早更，天未光就起身返工，夜晚又要返學，咁夜瞓，哽係會病啦。快啲好返啦........希望2007年快啲過，我地快啲讀完書，2008年就有好日子過喇........

今日去咗浸大搞Recruitment Seminar，反應一般，可能大家都知道呢啲talk只係講啲"行"嘢，反正上網都睇到，本來個Schedule係由下午兩點半講到四點鐘，完咗之後可以返屋企，因為四點鐘返到公司都成五點，所以可以早啲走，點知早咗完，三點半已經可以走得，所以要返公司，返到公司已經四點半，編完個分行走訪Schedule又夠鐘走人。

至於露營嗰度，我已經編好咗餐單，大家睇吓俾啲意見我吖..........

2006/10/28	晚餐	燒烤	豬牛雞扒、丸等等
星期六	宵夜	糖水	綠豆沙
2006/10/29	早餐	三文治	生菜、番茄、火腿、沙甸魚、沙津醬、麥飽
星期日	午餐	白汁意粉	忌廉雞湯、意粉、雜菇、罐頭三文魚、西蘭花
	晚餐	咖哩飯+菜+湯	白飯、咖哩餸包(牛、雞或蘑菇肉粒)、烚娃娃菜、粟米湯
	宵夜	糖水	喳咋/西米露/杏仁露/紅豆沙 (日清美味寶)
2006/10/30	早餐	西式早餐	多士、炒蛋、腸仔、午餐肉、茄汁豆
星期一	午餐	湯烏冬	午餐肉/五香肉丁/榨菜肉絲、烏冬

工作堆積如山..........加油！加油！

拍拖，係兩個人嘅事；結婚，係兩家人嘅事。如果拍拖係為咗結婚嘅，而同對方嘅家人不能達成共識，咁雙方係唔係應該繼續呢？我有我嘅堅持同立場，唔係大事定小事問題，係原則嘅問題。人有好多種，有啲夾有啲唔夾，自問已經盡力扮演當中角色，有啲嘢，我不在其位就唔應該去做，但往往被人雞蛋裡挑骨頭，今日要你做東，明天要你做西。又係經濟理論：Limited resources cannot satisfy human unlimited wants.只要你對一個人看不順，他做甚麼你都可以批評。我怕流言蜚語，可以做嘅惟有避開，走到一個沒人理的角落，過清清淨淨的日子。我在公司已經係一個Artist，不想返到屋企仲要做戲，面具蓋在面上太久會好辛苦，點解要我做戲？不過逃避歸逃避，始終一天要面對，繼續還是放棄……

What's going on?  Every people decide to do or not do anything after much calculation, even though they are my parents, sister or relatives.  How can i expect to treat by a people who has no  relationship with me?  I believe that the one who is  most considerate of me is myself only.  People always expect to get something after they paid, expect myself.  I should take care myself better because no one concern me as myself.  I hate gossip and conplicated relationship.  I want a simple life only.

究竟是我不懂跟人相處，還是出了甚麼問題？

噚晚同泰泰過中秋，放工之後去咗銅鑼灣食super sandwiches，之後去咗維園睇綵燈會，啲綵燈比我預期中"雞"，比九龍公園啲綵燈仲要"雞"，只係一塊塊布堆到好似個火山咁縮吓縮吓咁，打下燈噴下煙就話係綵燈。行完維園就去咗大坑睇火龍，我地七點九去到，初時好緊張同興奮，不斷問泰泰條火龍會唔會跌啲灰落嚟辣親我0家，之後一等就等到九點先開始，企到我腳跛，諗住會好刺激啦，唓，把鬼。條龍瘦到死，同報紙睇嘅唔一樣，求其插幾炷香喺條龍度就話係火龍，搞到我地好失望，睇咗兩野就走，真係"side"哂我啲腳骨力，想知條龍有幾瘦，睇吓我拍段片啦..........唉！舞火龍片段