ＥＶＥＲＹＢＯＤＹ～～ＬＯＮＧ　ＴＩＭＥ　ＮＯ　ＳＥＥ～～（呢期日日開９０３都會聽到呢句嘢，大家明啦～）
今日小妹又大一歲啦，話咁快又一年ＬＵ。諗番自己係呢個世上混下混下都有２Ｘ年啦，真係有點兒唏噓～～

請番一下之前三個月攪乜鬼啦，之前兩個月因為要適應新工，因為呢間公司嘅規則太多，而且有日日有好多嘢要跟，講衰嘢連條毛唔見咗都要你攪番掂，真係人都癲。

最攪笑嘅係我呢ＴＥＡＭ啲員工嘅「死亡率」奇高，同我同期入嚟公司做嘅人經已有兩個頂唔順自己閃咗，一個就過唔到試用期，唯一仲生「ＯＵＴ　ＯＵＴ」嘅淨得我一個。前日大阿姐仲問我慣唔慣，我答佢ＯＫ啦，點知佢即刻話我係呢間「侏羅紀工廠」做都唔覺有問題嘅話，一定唔駛驚出面適應唔到。
我當時不期然諗番起我舊大佬話舊公司叫「攪笑工廠」，所以話呢，間間有本難唸的經～～
不過家陣過咗差唔多四個月，好多嘢都上晒手。
過埋下個禮拜自己同組嘅同事就放產假ＬＵ，即係話我要同阿姐一齊頂埋佢啲ＪＯＢ。希望唔好日日有咁多屎就好啦（簡直妙想天開～～）

其實本來今個月可以返嚟探你哋架，點知屋企部腦中咗毒，屎鬼咗，整到尋日先至送番嚟（呢樣等我另外寫番一篇解釋一下）。係公司又上唔到ＨＯＭＰＹ喎（因為俾公司ＢＬＯＣＫ晒）。好彩呢個月要睇世界盃，所以唔駛話係屋企種菌咋。
不過自己成日係咁睇，攪到啲皮膚差鬼晒，尤其係上個禮拜，周不時出街睇完早場就嗱嗱臨返屋企一路做ＭＡＳＫ一路睇埋凌晨嗰埸，跟住瞓兩個幾鐘又返工，不過始終都逃避唔到生粒粒嘅命運。好彩呢排公司唔多嘢攪，可以日日俾我準時收工，如果唔係邊有咁嘅精力去係咁晚晚睇喎。

講住咁多先，等我過兩日再寫下我風花雪月嘅嘢。

Ｐ．Ｓ．點解要等兩日？因為今晚同星期六晚又要睇波囉～～呵呵～～

各位～～～唔好意思呀～～～要你哋三催四請先至update。因為家陣返緊份新工，好多嘢要從新學過（以前跟布，依家跟garment），所以日日都好似打仗咁，攪到個人成日鬼屎咁攰。

好似今日去咗番禺間廠，坐咗2個鐘頭船（一程咋），“澳”到個人到家陣仲wing下wing下。不過好彩有番啲心理補償，因為係尖沙咀落船，所以可以乘機走去shopping一下，終於係Zara買咗條連身裙，仲係嗰度見到黃秋生tim。跟住又走咗去觀塘搵May May同Joanne食飯，當然食飽飽之後就係shopping啦。

P.S. 唉～～冇計啦，家陣公司附近冇街行，一係要搭車落到葵芳先至有得行，如果唔係都冇機會可以行街街～～

想記不能記跟想忘不能忘同樣痛苦

此乃睇完「抱擁這分鐘」後嘅感覺。

頭先收到May May電話，佢同我講嗰條死鯨魚叫佢打俾我問啲卡片擺咗係邊度，佢真係攪笑呀，有冇人會走嗰陣留番啲卡片係公司架，呢啲係私人財產，緊係攞走晒架啦。同埋正常嚟講，只要你係搵番嗰行，你都會留番啲卡片架啦，我唔信佢有日自己走會留番晒啲卡片係公司呀～～我咪叫May May同佢同講我已經掉晒，要摷嘅話就上system度摷啦，反正system仲齊過我啲卡片。不過佢呢啲屎cheap兜，下下都要經第三者搵人，難道佢因為係非人類嘅關係，所以唔識打電話？？

今日好鬼屎凍呀，尋晚屋企仲好鬼大風，啲風係門罅度吹到ViVi聲，好鬼恐怖呀～～不過好彩今日唔駛返工咋，唔係嘅話一定屎緊～～

P.S.我想問下有玩mero嘅朋友呀，點先至可以令mero多啲種子執同埋佢哋幾時先至大晒架？？

呢輪成日沉迷於玩嗰兩隻肥雀「小肥肥」同埋「棉花糖」，仲有honey叫我玩嘅Mero，我隻Mero叫雲……暈……，而個no.係1-176-661，你哋可以add我架～～

P.S. 頭先啲起心肝換咗換個chat box，其實我唔係咁捨得換架，話晒你哋留過咁多Message係度，但係舊嗰個實狂load得太過慢，攪到入嚟嗰陣成日窒下窒下，而家新呢個就改善咗呢個問題。

↑斯斯文文嘅黑頭

↑不過影親佢都係只會俾半邊面你影

↑小豆：你做乜低炒嚟影我呀？攪到我咁肥～～

↑小豆：你影夠未呀？？

↑小豆：嘩～～爽呀～～嗚～～算你啦～～～幫我做馬沙池～～唔該左邊大力啲啦～～

今次因為約得幾突然吓，所以有好多朋友仔冇通知到，唔好意思呀～～

講番聚會先，今次個地點係係水清沙幼，綠草如茵嘅黃金海岸度攪，好難得今日天公做美，燦爛嘅太陽加上陣陣涼風，望住個海食住個lunch真係好鬼正，不過點正都唔及見到幾隻經常見到摸唔到嘅小豆，黑頭同班班啦～～佢哋三隻嘢開頭好驚屎，不過後尾好咗一啲（小豆，黑頭同班班：係咩，唔覺bor～～）。

小豆個衰妹冇我想像中咁怕人同貓，嘻嘻～～呢個係一個好開始呀下；而班班就最大膽，一打開個袋就周圍望，個樣好似諗緊走佬去邊度咁；黑頭就比起兩隻女仔斯文得多，佢見到小豆仲lum晒脷，小豆亦唔太抗拒佢，不過可惜啦，兩位都經已絕咗育，冇機會tim～～哈哈～～不過我好懷疑黑頭唔知係咪襯小豆同佢個頭「孔」埋一齊嗰陣，「濕吻」咗小豆一嘢～～嘻嘻～～呢啲嘢你哋最好問番當時人……呀～～唔係，係當時貓至真～～～呵呵～～