日子越來越近, 告別一個人的自由。其實我一直都不是一個人, 對有些人來說是幸福, 但是偶爾一個人我想也應該不錯。

人需要有獨處的空間, 才會懂得珍惜身邊的一切。因此我會留空間給我在意的人, 希望他們都會珍惜我, 除非那人從來沒有在意過我。

一眨眼間又幾個星期, 雖然冇咩起色, 但都總好過好似之前咁樣。我今年真係冇哂寄望啦, 但求問心無愧交左功課就夠啦...又係咁樣, 人地一黎就咩都有, 我呢d 得個做字既咪..咁囉。

神州同歐州都係州啫 ._.

3日的折磨生涯一世難忘, 亦重新記起自己其實可以做得到很多事的, 比別人做得更好, 現實卻被太多事情淹沒到失去方向。

清醒了, 這種感覺很好, 要繼續保持, 我不要回去那段迷失自己的時間, 有些記憶要暫時鎖上, 請不要介意我沒有跟你說生日快樂。

今日我被恨恨地刺痛了, 面上卻不可以流露出半點線索...好痛...是對我的一種磨練, 還是你想告訴我已經變了??

用堰塞湖黎形容我呢排既情緒簡直一絕：

"受餘震、上游降雨量、壩體地質構造等不確定因素影響,堰塞湖出現潰壩的可能性不斷增加。"

"水位驟升驟降影響極易發生滑坡，產生巨大涌浪，也可能引發堰塞湖的潰決，發生嚴重的洪水災害。"

堰塞湖的危機已大步跨過, 多謝上天保佑, 呢排令人傷心既新聞太多太多了。

自己的心理危機仍未渡過, 今晚剛剛以 "泄洪" 的形式暫時稍微舒緩, 從來未試過。我的危機可以順利渡過嗎?

我想要多啲時間呀, 而家一切好似都穩定了一些, 就是欠了時間。有時會想像見面時傾啲咩好呢? 有時諗倒一啲好想講既, 但到頭來根本沒有機會講。又係明知都要呻, 人就係咁樣既一種生物......

重申一次我真係幾貪心架。

一向都認為自己人緣麻麻, 可能是命中注定吧, 朋友是有的, 不過都是貴精不貴多, 一百年沒見, 見面後仍可暢所欲言的才是朋友。

咁就死啦, 整整吓身邊咪一個靠得住既朋友都冇, 因為我啲朋友都好少見面。

但係自己, 老實講冇需要唔會主動同人social, 直腸直肚又懶係簡潔, 一句起兩句止, 永遠要等人打開話題先。歸根究底可能係由細到大都被家人重視, 愛情路上又冇咩挫折, 男友又永遠將我放響第一位。可以話係潛意識以為自己冇需要去尋求, 慣性等人埋黎搵我。

原來咁樣唔係辦法, 其實心裡都知道, 不過沒有尋求改變。人越大, 越想有多啲嘗試, 先發覺自己已經不知不覺局限於一個一直以來覺得好安全的圈子內。有時同人溝通甚至會有啲忐忑, 唔知講咩... dead air....

現在是時候重新開始, 敞開一直圍著自己既安全網, 走出去。我需要突破呢個缺口, 首先要從耐心聆聽別人的說話開始...

5月好像流水一樣走了, 快得有點害怕。而且上半月同下半月, 我的心情完全是兩碼子的事, 這個月思考的時間比起去年同期起碼增加了一倍以上!

雖然如此, 仍沒有結論是好是壞, 只知道要向好的方向繼續走下去, 只知道自己覺得開心, 一切便有其發生的意義。人生匆匆數十載, 一眨眼已過, 應為自己的快樂而努力...當然, 不可以全部都是為了自己, 亦要顧及身邊的人。盡力平衡吧。