相信呢一刻係o係我心目中最氣氛良好、最和諧既一刻。

不知不覺逗留o係呢度有年鬆o的，有開始就有終結，我o係呢度完結【可樂汽水罐】，又o係第二度延續【可樂汽水罐】，o個份理念並唔係于附o係個網頁裡頭而係o係份做人既精神上面！

今日睇新聞知道一個垃圾車司機倒車撞死人，都係判十四個月監禁，停牌為期廿七年………

十四個月監禁；哼，七除八扣都唔駛受一年，乜原來一條人命衹係值十四個月、人o地屋企人又點呀？咩世界吖真係、我絕對唔覺得佢好慘，亦唔覺得我會登犯法者既屋企人好慘喎，o甘大個人做錯野就要對自己、對社會負返責任。

可笑就可笑在乜香港法律呀、從來都係有幾重標準，衹會有人o係Law Gap遊走、執法既人就無所適從；做o黎替死咩，曾紀何時想做地下判官，但係我做乜要有呢o的諗法、一笑置之咪算囉！

唔知係咪有都市疾病、近排成日都有發白曰夢習慣、夢既內容有時就連自己都覺得驚同恐怖、尤其返工途中，o係巴士度就叭叭聲o黎，又超脫現實！

軒仔病愈果然非同凡响、雖然尋晚放工好夜瞓、一朝早比佢o黎到仲嗌醒飲茶，夠就唔夠瞓o架o勒，鬼叫一星期先見你一次咩，死就死，寧願唔瞓既o者！！

去酒樓之前買左貼紙比佢玩，點知去到酒樓衰仔貼到我成塊面都係，仲比隔離茶客笑，衰仔比返少少面舅父好喎！！

去到訪一o的朋友o既Blog話天氣轉涼，、好明顯天氣真係凍左好多，各位多加衣服之餘、留意埋小心身體，唔係就好似小軒仔o甘…打敗仗，軒仔發燒左兩日，初頭仲以為佢發骨折，但係醫生診斷，感冒菌肆約，所以我唔主張軒仔佢成日跟工人就係o甘解！軒仔快o的好返，唔係舅父我晚晚瞓唔到o架o勒。

亦有去過一位朋友o既Blog，講述一位媽媽對子女既成長過程，（轉貼）http://www.hksune.com/discuz/redirect.php?tid=8273&goto=lastpost#lastpost&fromuid=24

對佢無限量鼓勵同愛，所講過既幾番說話，雖然當時當刻呢o的說話並唔係事實o既全部，但係一定係善意既大話。

曾幾何時我都係因為我老媽子既幾番說話而令到我今時今日行左一條、到依家為止我仍然認為完全正確既路，雖然唔算得係咩成就，但係起碼無同我媽媽做人既理念背道而馳，唔係已經足夠o勒咩？

有關於本人MSN內o既權限問題，確實又幾頭痛，因為MSN特別之處已經用到「Windows Message Live！！」版本，但係我知如果唔係Member 又留唔言、我已經增加o左一個叫【留言板】既地方，不過我就Link to去另一個地方，可以留到言，到時我會o係o個度作為同各位聯系o既地方！

o黎緊既十二月我會帶同我既「記憶」、「將來既事」、同我既「軒軒」；搬去我新家，因為我會慢慢o係Hompy淡出，所以o係度特意同一向認同我既網友作一個通知，希望o係呢度↙

http://kenneth909ahson.spaces.live.com/

再見到大家。但我會如常去你o地Hompy探我o既一班「老朋友」，我亦會o係度留到最後一刻！

都唔記得幾時開始、軒仔好鐘意巴士、一路我都以為男仔通常都鐘意超人、刀刀槍槍、仲有車之類既玩具。

有一次我就同個衰仔買咗部巴士玩具(仲比我阿姐鬧話屋企成屋玩具仲成日買玩具比佢!)、雖然呢架巴士價值並唔係好高、但就此佢唯獨對呢架巴士情有獨鍾、成曰出出入入都要帶埋呢架巴士、就連瞓醒覺都要搵巴士。

前兩日佢跌咗架巴士落地整爛車底部份、同時扭計要整返、於是我見佢咁扭計就攞第二架比佢、點知佢唔肯(一味叫我「整吖、整吖」、唯有就用膠紙暫時貼返佢先啦(我好後悔咁做!)無幾耐就係因為咁比架巴士界損個手掌少少、我見咁樣我個心有少少肉尺就用膠布仔同佢整理咗個傷口、但係個衰仔仍然揸住架巴士…

之後佢婆婆即係我老媽子做咗個好愚蠢但我又會完全認同既方法、就係帶埋軒仔去買呢架巴士既相同地方、買返同呢架一模一樣既巴士!

有人問我係咪好錫個外甥(我得一個阿姐、阿姐又得一粒仔我點會唔錫佢吖)我反而覺得軒仔雖然好細、但係佢嗰份對物件、對事情既執著夾雜住一啲童真、而嗰份童真衹有小朋友先有、唔頑固、總之…感覺好舒服既。我好安尉佢有呢份執著同情操、我揾唔到一個理由比自己唔去愛錫呢個小朋友、但係衹有一個人（我阿姐）會阻止我、因為佢話我衹會越嚟越寵壞佢咁話喎!!