上week五有大醫生睇咗我爸爸

話預計佢下week應該可以出院

不過都要睇下佢做物理治療既進度理唔理想先

不過雖然我爸爸可以出院我地屋企人應該開心至係

但係...而家又有一個問題出現就係

雖然佢出得院,不過都仲係行動不便

要有人全天候咁睇住佢

個個仔女都要返工

得返媽咪可以睇住佢

媽咪又本身都有病,而且佢又瘦(仲瘦過我呀)

真係唔好采講句

我老豆如果跌低咗

我媽咪都未必扶得起佢囉???

請工人咩?唔係無諗過

不過請菲傭果d我爸爸媽媽又同佢地溝通唔到

佢地又覺得人地懶唔多肯做野

(總之一句到尾就係佢地唔想請人返黎)

送我老豆去老人院果d比人照顧?

佢老人家又唔鍾意呀

(可能覺得一去咗老人院就唔可以返屋企呱)

唉...

真係點都煩煩煩煩煩呀

近日...都唔知點解...

同"醫院"都真係幾有緣

(呢D咁既緣唔要好過要)

點解我會咁講呢?

係因為本身我爸爸入咗院到依家都未出院啦

跟住聽日又多一個親戚要入院做手術

(都幾大架個手術)

然後又聽到又有一個親戚

係11月又係入院做手術

唉......

不過有一點好小小既就係

3個都係係同一間醫院囉

至小我唔駛走黎走去

不過都唔值得我去開心咁解囉

話說剛剛過去的星期六

我honey揸車車接我收工返家時

行過當中某一段不知名既路

我無啦啦好大聲咁係架車度叫

"嘩...有馬騮呀"

跟住我honey就話緊係有馬騮啦

呢度係馬騮山嘛

跟住我就話佢做咩唔早d話比我知呀

等我準備好相機影低佢地嘛

而我honey就話"妳咪而且攞出黎影囉"

結果就係......

我都係一張都影唔到架

由於車速太快啦,又無位可以停低

(我覺得喳,當時行緊80)

跟住我就話不如返返轉頭再影過呀?

佢就話no啦,無啦啦為咗影馬騮而返返轉頭...

跟住就話下次有機會先再帶我去影過喔...

唉...呢個"下次"都唔知要等到幾多年後啦

本人有見我家既貓貓

實在越來越鍾意玩晒D貓沙落地下

所有我於前日買咗個新廁所比佢地

就係果D高高地...有個蓋...又有隻門果種

第一日...

我家隻一貓之主就已經一用就識啦

而我家隻貓孫仔

(即係最細果隻,我叫佢做"乖孫")

就最傻,識得入去,唔識得出返返黎

我隻一貓之主都話佢(用貓話)

細路仔就真係細路仔

都唔夠我見多識廣,費事理你呀!

而乖孫嘗試咗差不多5分鍾之後

最後都係由佢麻麻"我"教佢點出返黎既

佢一出返黎之後又唔憤氣

又入多去一次,抓兩下D貓沙

就好瀟洒咁出返黎啦

哈...哈...哈...哈...哈...哈...哈...

就係咁,我同我HONEY笑到眼水都出埋呀

哈哈哈...

唔好意思啦各位

之前明明講過會多咗時間可以上黎

但係就..........(唔駛我講明啦>.<)

不過我有原因架(唔係理由)

就係我放大假期間又迷上咗另外一樣野

就係.........."鬥地主"

唔玩法唔識講,有小小似鋤大D,

但係又似唔晒

大家如果想知點玩,都可以自己試下玩啦

我就一得閒就玩啦而家

所以又比多一樣野

攪到我無晒信用添

嘻嘻...今日係小妹既"牛一"

而家就同D朋友仔唱緊K

亦發現我原來所有新歌都唔識-_-

我而家可以話自己係"台灣人"囉

有睇開我HOMPY既朋友都應該估都D點解架啦

就係我而家係屋企唔會開電視架

(應該正確地講既係,我屋企部電視無開都有2年啦)

我而家睇親都係台劇OR台灣綜2節目

所以我諗我又係時候要惡補下D香港新歌啦!

P.S.我由聽日開始放大假

雖然我要抽時間照顧我爸爸

不過我諗我會比之前多咗時間上黎既>.<

之前介紹比大家睇既"換換愛"

經已全部放映完畢,

個大結局都好感人,

又一次跟住佢黎喊

而今WEEK日開始就會做一套新劇

又係我之前介紹比大家既"公主小妹"

人物有我最喜愛既"吳尊"啦

另外仲有"張韶涵"同"辰亦儒"

睇咗D預告片都覺得幾好笑架

唔知大家有無興趣呢?

近日無所事事

又開始興起做PART TIME既念頭

但係我又驚比我搵到

我又好似之前咁覺得辛苦喔

唉...

又係一個唔知自己想點既開始

跟住又唔知呢個念頭會到幾時終結

人越大...就越來越多問題出現

呢個世界係唔係真係有"明燈"架?

如果有點解佢唔點下我呀?

日復日...

話咁快我呢份工差唔多做咗一年啦

一年之後又唔知會係幾多個一年

呢份工我又會做到幾耐呢?

我自己又想唔想做落去呢?

我究竟想追求D咩呢?

我諗係我心目中

永永遠遠都係一個"謎"