話說我昨天又去咗遊船河,坐咗成2個鐘頭船先到達到目的地,雖然時間耐就係耐咗D,不過我同D同事一見到個沙灘之後,都話坐咁耐船都抵呀.>.<

點解??????因為個沙灘D沙勁幼啦...最重要係D水真係勁清清清清清...呀

點清法??????就係清到,我已經比D水浸到上頸架啦,一向下望......我超級清楚地見我兩隻既腳面呀>.<

然後我就帶住泳鏡開始游水啦...嘩嘩嘩...係水入面睇野清楚到以為自己去咗游泳池咁呀唔知妳地又想唔想像到有幾清呢???

入返我個主題"樂極生悲"先

我同D同事游到咁上下...開始覺得累啦,就上返沙灘諗住打下排球啦,但有D人一係就唔識打...一係就怕痛話唔玩...咁我地咪唯有諗過其他野玩囉,因為個排球係一位同事特別帶黎,我地都唔想辜負佢一番好意,所以我地諗既遊戲就係同個波有關架啦...

最好諗既就當然係...數字球/馬騮搶球啦,一開始我地就玩馬騮搶球先,玩玩下...越玩就越投入...最終一對眼淨係見到個波,到個波拋向我既時候(個同事失咗手,拋得唔遠,咁我就去追返個波啦)

點知......當個波都仲未到到我手既時候,我就先感覺到一股強大既痛楚同一陣天旋地轉啦,我諗聰明既妳地已經諗到點解架啦...不過我都係要講下既呢就係...

我同個扮演馬騮既男同事相撞咗呀

個男同事我諗佢差不多有1.8米高啦,仲要係經常做開健身既身形咁囉,我係比佢個肩頭直接撞上我個鼻樑度(所以唔頭暈暈就假啦)

相撞咗之後我都仲識得立刻坐係度(即係唔比自己訓低)跟住就感覺到我個鼻有D野滴緊出黎,伍係當時我個頭太暈啦,所以都無既眼睇下係咩黎,不過聽到D同事既叫聲,我諗我唔駛開眼都估到係咩黎架啦-_-我估我用咗20秒鐘去頭暈暈咁啦,跟住我就開返眼,見到,果然我係無估錯到既,就係"鼻血"啦不過無我想像中流咗咁多,約6-7滴到啦.

跟住我D同事就幫我CALL隻快艇帶我返返上船度啦(當時係下午3點鐘),上到船我就問船家攞D冰黎比我敷啦,係等既時候我就入咗洗手間睇下係咩情況啦,唔睇由自可呀,一睇到自己都忍唔住係度"嘩"呀,就係我個鼻兩邊都腫咗呀,摸一摸都覺得痛添呀,好在冰敷完之後消腫咗DD+無咁痛啦,咁我就呈有係船上打麻雀啦,

到6點幾落咗船之後仲同埋佢地一齊去食海鮮(因為一早講好咗由去游船河+晚飯食海鮮都係我地個董事請)食到8點鐘到啦,跟住我就搭車去到"黃大仙"找我男友,再由我男友車我返上水先睇醫生,睇得醫生黎都10點幾啦>.<

醫生都係話我個鼻好腫,再加埋好似有小小Y咗,好在佢後加一句既呢就係,唔關D骨事,咁我先安心D喳,不過醫生咁都開咗2日假紙比我休息下囉,呵呵呵>.<

昨日撞到後全程只能夠用個口抖氣,今日起身就可以用返個鼻鼻抖氣啦>.<但係就周身骨痛呀我.

哈哈~~~

今日小妹我又有好野介紹比大家啦

就係.............

《公主小妹》6/9(四)起 中視播出 (消息來源：卓文萱s Blog)

雖然係九月先播出

但係至小知道我又可以成日見到"小尊尊"啦>.<

又係話說...我星期三晚睇睇下劇

就已經訓著咗架啦!(當時應該係11點半到啦)

跟住早上6點人有三急,去完又再訓過,點知.......

我一訓就訓到9點先起身(我返工時間係9:15分)咁我咪立即打比我阿頭,問佢可唔可以當我放假囉,點知......

哈哈...又得喔(仲要無鬧我添)

然後我又再訓過啦,訓到12點打比我HONEY,問佢我出去搵佢食LUNCH好唔好啦!佢又話好喔(好小可架>.<)

點知...我出到去都1點多啦,跟住同埋佢D同事一齊食,食咗半個鐘之後,佢又話夠鐘要返返去公司啦

唉...我都唔知咁辛苦出去同佢食呢餐LUNCH為乜?我又要洗澡+洗頭啦...又要鬼死咁曬咁行去火車站搭車,跟住食完飯又會鬼死咁曬咁行返屋企.

不過...唯一好在既係,我係返屋企之前去咗買六合彩,(我平時自己一個人一定唔會入呢D地方)不過今次見下午無咁多人先到入去架喳...哈哈哈~~~比我中咗4個字>.<收返300蚊咁啦

就係因為咁,我條氣先順番喳

呵...呵...呵...

話說......

我剛剛上week六先游完船河

話咁快今week日 +下week四

又再有得去啦>.<

不過呢...我應該唔會兩日都去晒

星期日果個要比錢...

所以我諗我唔會去啦

而星期四果個又係公司請

唔駛錢就幾大都去啦>.<

哈哈哈哈哈

雖然我上次去玩唔係晒到好黑

(係隻手黑咗小小咁啦)

不過今次再去埋仲唔變"燒豬"

不過我而家望就望到時"親戚"唔會黎搵我啦

如果唔係...對住個海

有得睇...無得玩/游

好慘架

P.S.另外,我上次因為掛住玩....所以一張相都無影到呀,希望我今次唔會又係咁啦>.<

聽日就係本人今年度第一次游船河啦,

心情十分期待+十分興奮,

唔知聽日會唔會晒到成隻燒豬咁返黎呢???

亦都唔知會唔會影到d靚相返黎呢???

不過講明比咁多位知先呀......

我唔會影我既水著裝比妳地睇架

(都無人講過話想睇,都唔知醜架妳)

喔...咁都好D...我個心都定>.<

因為我真係肥咗好多呀,

連我都唔想見到自己D肥肉呀...

所以...嘻嘻嘻...

妳地自己想像吓啦>.<

哈哈哈哈哈

昨晚我又一次同我HONEY講,話我今WEEK六就去游船河啦,跟住佢就問我係去邊度啦,我咪話"三星灣"囉,然後佢又問我係邊度上船,我咪話係"西貢"囉,跟住佢就無啦啦發神經話果日去到唔比我游水啦%**#@$%^*(粗口)

我同佢之前講咗咁多次話我去游船河佢都無反應,昨晚就因為有人係赤柱發現到一條幼鯊屍體就話唔比我游水啦.呢D咩道理黎架(我都知佢係擔心我)不過妳地覺唔覺得點解D鯊魚未死果時唔見佢走黎關心我???反而有一條死咗先走黎關心我呢???我就真係唔明啦.

佢仲係咁叫我應承佢話我果日一定唔會游水,我咪同佢講我只會係防鯊網範圍游囉,不過我相信隻船一停果時我都一定會落水游一游先囉,我唔講佢鬼知咩.

哼...呢個就係對你"無厘頭"既懲罰...

星期日晚上發咗一個好夢,就係中咗"六合彩"仲要好記得係中咗950萬添呀>.<幾真實呀.

跟住訓醒咗之後話比我HONEY知,佢仲話我係唔係恨有錢恨到傻咗喔(仲要放隻手係我個額頭度添呀)氣死我啦.

昨晚開咗"六合彩"頭獎無人中,跟住我就話啦:嗱今日無人中,咁星期四果期就有1000萬,扣埋博彩稅,咁咪差唔多950萬囉...仲唔係特登比我中?

跟住我HONEY就話係時間要帶我去覆診啦.

我唔制呀,佢都唔支持我既...唔通我中咗...佢會無份一齊用咩;_;

話說我剛剛(即2:30-3:30)

係公司附近食LUNCH

坐低咗無耐,我個同事就話我知

坐係我對面果個係"吳浩康"

喔...好在唔係奀星啫...

如果唔係話咗比我知我都唔會知係乜水

佢個樣算OK啦,白白淨淨

D皮膚都唔差架

佢同一個女仔一齊食飯

個女仔個樣無乜特別

又唔係靚...但亦都唔係醜咁啦

我地食飽飽之後埋單...

咁啱佢又係起身埋單喔

佢都高我差唔多一個頭啦

(我高166,咁即係佢有幾高呢?)

不過我成日都係公司附近見到D明星仔架

不過本人實在與呢個時代脫節咗太耐啦

如果唔出名架話...我真係唔知佢係乜水架.

次次都係我D同事話比我知佢地係邊個架喳.

我間舖D SALES都有明星客架

不過佢地就唔會入黎我間舖

而係用電話同我間舖D SALE聯絡囉

不過我聽佢地講個名出黎都會心諗

人地咁有名...緊係唔想曝光啦