星期一, 如常返上大陸, 當抵達工廠時, 已經知道有大事情發生.....幾廿人企晒響地下空地, 當中夾雜住幾個巡警, 而有一個破頭血人光住腳板走來走去, 好似尋仇咁, 觀眾們議論紛紛.......

突然間, 有人發現地下有一嚿肉色物體, 站得遠的人覺得似牙齒, 但我站得近, 肯定係一截手指.....嗚~~~~~太恐怖了吧, 打交打斷手指, 有冇搞錯? 到場的醫護人員馬上表示還可以接駁, 但人群中根本見唔到邊個斷指, 啊, 原來跑咗出去包紮, 咁佢d老鄉馬上搵佢返嚟, 連同血人一併送院囉! 傷者係咁多喇, 咁行兇者呢? 哦....一個肥佬, 對腳不嬲有毛病嘅, 坐咗喺保安室(咁都可以參與打鬥,怪哉); 一個高佬, 跑咗上天台, 響樹煲煙.....定驚定啦! 呢兩個人一併送到派出所啦,梗係!

案件重組 :

午飯時間, 血人正在吃飯時, 有人經過佢身邊, 話佢很x (串的意思), 血人二話不說就一pan飯撥過去..wow, 撥埋其他人添, 咁就梗係圍嘔啦, 其時保安眼利, 即時分開眾人, 未致打大交, 點知之後血人深深不忿, 襯嗰幾個人出廠門口時使出風雷電, 大戰一觸即發, 當中有個高佬唔知響邊樹搵到支櫈腳(木制), 一嘢哼落血人個頭到, 哼到佢變血人同時撻咗落地, 咁就梗係另一輪圍dup啦! 不過呢鑊甘好多! 而圍觀人群中有一個肥佬, 打算加入戰團幫血人, 親戚嘛, 梗要架啦, 當佢差不多拖住有問題的腿抵達戰場時, 一隻鐵甲飛拳凌空飛到佢面上, 佢又學人二話不說, 就張口去咬喎(呢個係佢講嘅版本, 大家可以試吓量度一吓, 嘴巴對拳頭, 可以咬斷無名指第一節嘅難度有幾高).....可憐斷指, 只係想攔住呢條肥佬, 咁就冇咗一節無名指。

最後, 梗係俾保安制止並報警處理啦! ')">

後話, 血人/高佬/斷指/肥佬全炒, 血人/肥佬賠償1000大元給斷指, 但因為接駁醫藥費要3000大元, 佢哋喺派出所又傾唔埋欄(俾我就一定借錢駁咗先算), 斷指只好成世斷指, 阿彌陀佛')">

生日彈高．．．．呵呵')">

ｂｂ有得睇冇得吃．．．慘慘')">

唔知大家仲認唔認得呢條巾．．．而家已經充滿珩珩口水味．．．')">＊（唔記得？哼！仲話係蕃薯喎！）

珩珩四個月大剃光頭時咪出過場囉，哼')">

根據探子joan回報, 是日目標酒樓有兩條茂利擺酒, 所以我哋要移玉步去旺角囉! 真係唔抵, 就鬼晒屎人popo添......另一方面,按探子joan補充, 是日餐費為$108全包, 麻煩sassy帶多8蚊雞, 如果唔係留你喺酒樓洗碗掃地,咪怪我無情...........

日期 :  貳零零柒年零陸月叁拾日

時間 : 晚上七時正

人物 : Sassy & Wai / popo / hang / 848 / fruit / rain / Joan / Sue (真係9男女)

等候地點 : 旺角

節目 : 打邊爐自助餐

PS. 據路透社情報顯示,rain rain已經持續咳咗幾日, god bless, 有治咳良方好快快趣趣無償獻出, 等rain rain可以痊癒並一齊打.....邊爐, 如果唔係就又要變陣架啦')">

Confirmed 啦!!!!')">')">')">

日期 :  貳零零柒年零陸月叁拾日

時間 : 晚上七時正

人物 : Sassy / popo / hang / 848 / fruit / rain / Joan / Sue

等候地點 : 老地方啦

節目 : 打邊爐自助餐

註１ : Joan捱義氣訂位，唔該晒！　')">

註２ : Sassy記住帶多ｄ錢 ')">

註３ : ｐｏｐｏ記住著波鞋 ')">

註４: rain rain 記住玩hang hang好啦，阿伯係無辜架。 ')">

如有錯漏，煩請指正')">

廢話唔多講, 總之就快啲報名, 機會難逢, 勿失良雞......')">

日期: 2007年6月30日')">

時間: 晚上七八點到啦')">

節目: 晚飯 (未確定吃什麼, 拿拿淋俾意見啦喂!)')">

地點: 又係未confirm.......本人呢就希望喺香港島囉....呵呵')">

現時已答應出席嘅有 : Sassy / POPO / Hang / 848 / Rain / Joan / Fruit / Sue  .....繼續努力, 目標係9男女, 呵呵')">

今日坐車返大陸, 見個幾後生嘅的士司機, 留長晒啲手指甲, 咪問佢因乜咁污糟囉, 當佢講咗個原因出來之後, 我差啲即場噴血.....')">

佢話: 留長手指甲嘅人, 即係唔駛點做嘅人, 溝女都容易啲囉!')">

我心諗, 啱啱相反咋掛! ')">

問你屎唔屎')">

日期 : 貳零零柒年伍月拾貳日

時間: 晚上十點鐘 (可以早啲開始嘅, 再講啦)

地點: 尖沙咀卡拉噢畸

節目: 唱歌/飲嘢(自由選擇, 用者自付啦)

人物: 我 / hang / popo / sue 嚟硬')">

          fruit / yoyo 考慮中')">

          bear 想嚟但唔知嚟唔嚟到, 極有可能

         最後放鴿子......希望唔會啦! ')">

快啲報實啦, 要訂房架嘛!!!! sassy, 應該唔會好高消費咋, 諗諗佢啦!

數吓手指, 再數吓腳趾......都唔夠數喎, 捉埋珩珩嚟數先.....嘩, 都唔夠數, 成47日喇! 正所謂一日不見, 如隔三秋, 咁47日啦喎, 就141秋囉.......好, o翕風發完, 進入正題, 最近天氣炎熱, 早幾日仲錄得今年最高氣溫三十度, 喺啲咁悶熱嘅天氣, 有咩好得過大家出嚟啤啤佢, 遮談天, 說說地呢, 我就諗唔到喇, 咁就再搞一搞啦! 劈酒')">')">')">

日期 : ２００７年５月１２日

時間 : 待定

地點 : 多數係尖沙咀

節目 : 落酒吧（或者上酒吧）飲酒

對象 : 梗係年齡十八歲或以上啦！lowl 仔冇份囉Sorry, 嘻嘻')">

大家如有任何意見，或者建議，歡迎寫信嚟九龍郵箱70100000號，我哋會有專人嚟處理你，哎．．．唔係，係專人處理閣下意見先啱，呵呵呵')">