Confirmed 啦!!!!')">')">')">

日期 :  貳零零柒年零陸月叁拾日

時間 : 晚上七時正

人物 : Sassy / popo / hang / 848 / fruit / rain / Joan / Sue

等候地點 : 老地方啦

節目 : 打邊爐自助餐

註１ : Joan捱義氣訂位，唔該晒！　')">

註２ : Sassy記住帶多ｄ錢 ')">

註３ : ｐｏｐｏ記住著波鞋 ')">

註４: rain rain 記住玩hang hang好啦，阿伯係無辜架。 ')">

如有錯漏，煩請指正')">

廢話唔多講, 總之就快啲報名, 機會難逢, 勿失良雞......')">

日期: 2007年6月30日')">

時間: 晚上七八點到啦')">

節目: 晚飯 (未確定吃什麼, 拿拿淋俾意見啦喂!)')">

地點: 又係未confirm.......本人呢就希望喺香港島囉....呵呵')">

現時已答應出席嘅有 : Sassy / POPO / Hang / 848 / Rain / Joan / Fruit / Sue  .....繼續努力, 目標係9男女, 呵呵')">

今日坐車返大陸, 見個幾後生嘅的士司機, 留長晒啲手指甲, 咪問佢因乜咁污糟囉, 當佢講咗個原因出來之後, 我差啲即場噴血.....')">

佢話: 留長手指甲嘅人, 即係唔駛點做嘅人, 溝女都容易啲囉!')">

我心諗, 啱啱相反咋掛! ')">

問你屎唔屎')">

日期 : 貳零零柒年伍月拾貳日

時間: 晚上十點鐘 (可以早啲開始嘅, 再講啦)

地點: 尖沙咀卡拉噢畸

節目: 唱歌/飲嘢(自由選擇, 用者自付啦)

人物: 我 / hang / popo / sue 嚟硬')">

          fruit / yoyo 考慮中')">

          bear 想嚟但唔知嚟唔嚟到, 極有可能

         最後放鴿子......希望唔會啦! ')">

快啲報實啦, 要訂房架嘛!!!! sassy, 應該唔會好高消費咋, 諗諗佢啦!

數吓手指, 再數吓腳趾......都唔夠數喎, 捉埋珩珩嚟數先.....嘩, 都唔夠數, 成47日喇! 正所謂一日不見, 如隔三秋, 咁47日啦喎, 就141秋囉.......好, o翕風發完, 進入正題, 最近天氣炎熱, 早幾日仲錄得今年最高氣溫三十度, 喺啲咁悶熱嘅天氣, 有咩好得過大家出嚟啤啤佢, 遮談天, 說說地呢, 我就諗唔到喇, 咁就再搞一搞啦! 劈酒')">')">')">

日期 : ２００７年５月１２日

時間 : 待定

地點 : 多數係尖沙咀

節目 : 落酒吧（或者上酒吧）飲酒

對象 : 梗係年齡十八歲或以上啦！lowl 仔冇份囉Sorry, 嘻嘻')">

大家如有任何意見，或者建議，歡迎寫信嚟九龍郵箱70100000號，我哋會有專人嚟處理你，哎．．．唔係，係專人處理閣下意見先啱，呵呵呵')">

之前聽新聞, 話股市創歷史新高呀, 突破幾多萬點呀, 新股點樣超額認購呀.......好多好多呢類新聞, 但感覺上唔關我事, 因為由細到大, 都覺得買股票 = 賭博, 唔啱我, 仲有機會會一Q清袋, 所以從來都冇諗過買, 好景時魚翅撈飯係大有人在, 不過大吉利是講句, 輸到跳樓都唔少人......')">

為什麼突然講呢個話題呢, 事緣好耐之前已經聽家姐講話佢有個Aunt 做股票行, 佢捧場開始抽新股, 賺到啲錢 (佢肯定已經從8號仔之役恢復過來,可喜可賀), 問我玩唔玩, 喺我準備拒絕時, 我發覺我旁邊閃過一陣陣亮光, 哦....原來嚟自太太雙眼, 咁咪交個發言權俾佢囉。 ')">

又到咗琴日, 太太喜孜孜打電話俾我, 話抽到一手喎, 咁我咪同佢講, 小心啲, 全民皆股時代重臨, 魚翅撈飯時候不遠, 跟住落嚟就會係"走得快,好世界時間"囉。')">

連我太太呢延連股票係乜都唔知嘅人都走去學人買.......God Bless Us(睇住珩珩啲奶粉錢啊) ')">

呢幾日天氣轉得勁快, 我已經好小心, 出街都帶多件衫以備不時之需.....點不知都俾星期一早上嗰陣失魂雨淋親, 返到大陸時已經周身唔聚財, 依照慣例, 勁啪銀翹.........夜晚黑就嚟料, 勁肚痛(咁大個仔第一次咁痛)')">, 又痾又嘔, 肯定係感冒菌落腸啦, 屎火, 所以星期二就返落香港睇醫生(晨早就應該啦!)

所以各位朋友請保重身體, 出街記緊帶把遮! 有病就盡快睇醫生, 千祈咪拖呀! 而家啲菌好犀利呀!!!')">

本星期六嘅石澳燒烤大旅行終於可以落實啦, Happy Happy ')">

日期 :２００７年３月１７日

集合時間 : 下午２時３０分

集合地點 : 筲箕灣地鐵站恆生銀行

燒烤地點 : 石澳

已確定人物 : 8's Family／yoyo／fruit／boy／joan／sassy (共９人, 唉．．．．又中)')">

未表態者 : rain ..........都唔係好遠啫,嚟啦...lalalala la

                   hang.........又係你, 成日唔嗲唔吊,扭扭擰擰(我懷疑你係女仔...哼哼)

                   bear.........你點呀? 可以俾個答案我未呀?

                   mg...........唔迫你, 知你唔鍾意燒雞翼

                   kill bill......有冇人可以搵到佢呢又?

                   lowl.........有時間咪嚟坐坐囉!

唔去嘅 : popo...........我幫你燒埋你嗰份! Cheers

               candy2yoyo.忙完就call我哋啦!

大家唔好諗住: 都咁多人去, 多我一個唔多,少我一個唔少..........')">

講真, 阿伯老啦, 又要湊女, 唔知幾時有時間/心機再搞架啦, 開開心心玩返個下晝啦! 好冇?')">