很久之前請朋友喝了杯凍檸茶，
他很津津樂道地說真係好味，
奇怪的是每天也是在這裏飲下午茶，
他也是喝同一樣的凍檸荼，
我不禁的問:為甚麼今天會特別好喝？
他笑著的回答:因為你今日請客囉！
凡是別人的東西會特別好味，
不是凍檸茶好味而是我請的關係罷了.....
這表示著甚麼態度呀？
有了女友的另一個他經常會稱讚別人的女人，
但他的女友還是比其他的美麗動人，
我不禁的問:為甚麼是別人的女人好？
微笑的他回答:自己的時常見，別人的好少見，
對住她們內心有一定的妄想，只是想想罷了，
不是女友比她們差，只是心理上的佔有慾驅使，
這也是甚麼的態度呀？
但細看現今的社會，人們的心理，
原來有很多人都習以為常，只是還未行動吧？
而內心已享受這種還是別人的好既心態，
終於令我明白佔有同擁有的分別，
是我守舊，還是....別人的真是好呢？

昨夜到了一個朋友的生日會，
好多人，但係唔識，
唔怪之得先前要向主人家報名，
唔係就真係冇位坐，
識又黎，唔識又黎，
大家都冇所謂，就好似去飲宴咁，
由主人家帶我埋位，都ok唔錯，
識多啲朋友，玩玩吓重見到啲見過嘅女仔，
哈！佢哋又認得我喎，
之後我都好蝕，比人係咁揪水，
佢哋就開心啦，贏輸都打我大脾，
後來我重比人夾去其他檯玩，好似做咗小姐咁，
之後都唔係好記得發生咩事，總之返咗屋企，
今朝醒來頭唔痛，但睇番個電話就，
無啦啦多咗幾個唔識嘅號碼，晏啲問番係邊個先~~^^

都好耐未同過妳飲嘢啦衰妹！
嗰晚真係好難得大家就到，
妳都冇咩點變，依然係咁白雪雪，
講真句！除咗我身邊啲女人外，
妳就係知道阿哥我最多嘢既人，
應該係話你係知我最多嘢既人，
都好多謝妳又比機會我去發洩，
甚至阿哥唱歌咁難聽，妳都可以咁用力去拍掌！
但係妳唔好以為唔同阿哥講，
阿哥就唔知妳諗乜，儍妹！
阿哥都好留意妳啲行為架！
有嘢就同我傾啦，阿哥幫到實幫妳知架！
唔好學我以前咁收埋自己，妳諗吓啦！
重有呀！阿哥第三次聽到妳講一啲唔好聽既說話啦！
不過算啦，妳都冇咩機會睇到呢篇嘢！

昨日！和女友午餐告別後，
自己漫無目的乘搭輕鐵，
沿路看到很多風景，廂內人來人往，
有學生！有老人！有小孩........

每到一個車站，有新的面孔出現，
有舊的背影離去，循環不息，

景物依然，人面全非。
這是大自然定律？
我只知時間不會等..............
醒來十年夢，回頭百年身！

我做咗錯事！

對唔住，對唔住，對唔住！

原諒我，原諒我，原諒我！

冇下次，冇下次，冇下次！

上次講到阿同事仔比我隊冧咗，

之後叫佢做A君啦！自從A君比我搞掂咗之後，

我都比佢插咗鑊~~^^

但A君依然約我哋去飲嘢！OK！冇問題！

嗰次就大約5條麻甩仔去飲，開頭都好好哋，有傾有講！

之後玩兵器(骰仔)，呀A君衰到N次都連開幾家，

搞到我(咁好酒品)都頂唔順要小小佢，

之後4個隊冧咗A君，佢又坐响度ZZZZZZZZZZZ，

得罪咗我！邊會咁易放過你吖，吃吃吃吃吃

首先我先去找數，之後夾埋其他人潛咗A君個銀包！

通知老板叫A君埋多次單，而我哋就去門口閃埋一邊！

點知老板叫咗A君成個字都唔醒，搞到隔離兩檯客都玩埋一份！

又用咪，又拍佢，又扶起佢，總之A君醒咗！

呀老板叫佢埋單，佢摸摸後袋發覺唔見咗銀包！

見住佢好旁惶，又望檯底，四圍噤揾，

啲客同我哋笑到停唔到口，哈哈哈。

之後真係估佢唔到，佢同老板講明晚比錢及走先！

我哋立刻現身，我帶頭話: (你又話去廁所，去咗成粒鐘，

之後我哋去揾你又揾唔到，你去咗邊呀)

其他人一齊嘈佢，等佢冇機會還拖！

佢只係講銀包呢！我唔見咗銀包！

當然會出現响佢櫈底啦，之後A君發脾四走咗！

連啲客都放低支咪唔唱歌睇住我哋玩嘢！

我哋全場，係全場呀！笑到阿媽都唔認得！

記得早排去飲嘢！

撞到某個同事仔，

嗰時大家都飲到7788，

佢份人平時就冇乜嘢，

重幾好玩添，

不過講到飲酒呢！就..........

呢點我都略有所聞架啦！

最慘係我都大咗小小，

阿同事仔呢！重要同我玩杯杯清添，

終於搞到我出絕招，

見佢唔為意時，

斟咗一杯無溝嘢既芝華士比佢囉

之後我立刻同佢飲杯，

佢好豪一嘢到肚，

我同另外個同事仔呆咗咁望住佢十秒，

世界彷彿停頓咗，

十秒後佢立刻暈咗啦，哈哈哈哈哈哈哈哈哈

                                   此生不知多少愁，

                                   此世誰懂喜與憂，

                                   此晚只知舉杯酒，

                                   此時不理樂悠游，

                                   此刻醉在夢溫柔。