The End of Hompy

還記得曾經聽過這樣的故事，
有兩個和尚，一老一少，
有天他們行到溪河邊，
看到一名衣衫濫縷的婦人，
她看到和尚們便上前要求可否背她到對岸，
少的當時面紅耳赤默不作聲，
老的反而平和地答應婦人的要求，
少的當堂目瞪口呆看着老的背婦人過河，
婦人答謝後欣然離去，
而兩和尚繼續踏上路途，
良久！少的忍不住問老的因何要背婦人過河？
我們是出家人，不應與女有接觸？
老的欣然回答：為何你仍然背着婦人？
少的摸不著頭腦說：明明是你幹的！為何說是我？
老的說：我已放下了婦人，為何你還要記住？
少的恍然大悟向老的道歉及繼續上路........

在人生中，每人有一本記事冊，
記下旅途中的事情，喜、怒、哀、樂！全數印在當中，
當然！往往較多的是感情的記錄，
每一次的戀愛是如何甜蜜，如何悲痛，
為何會與這人一起？為何會最終分離........
戀愛多少次也不是問題，
最緊要是要如何學習放低，
並不是要如何去忘記，
忘記！只是一個籍口，
事實係不可能去忘記罷！
因為已經發生了，已經印在記事冊中！
亦不可能毀去，如何去忘記呢？
倒不如放下吧！

昨日搭巴士回家，
已經係晚上七點，
但依然重有好多人，
好彩我早上車有位坐，
之後架車都爆晒，
而我係坐面對面窗口位，
我右面就坐咗個令女仔，
起初都冇咩事發生，
但一上高速公路之後呢.....
好多人都瞓咗包括我右面個令女，
佢係成個頭45度角垂低嗰啲，
最慘係佢埃埋我度，
我唯有係咁向左縮，
最後貼咗埋玻璃度，
有成三份一個位比佢佔用咗，
對面既阿叔用啲羨慕眼光望，
我心諗不如同你換位吖，
坐到我幾唔舒服呀，
我曾經用手掙輕輕力撞佢個頭，
但佢好似食咗安眠藥咁唔醒，
呢個情況足足有九個字，
最後離開公路停站時我借勢狠狠撞佢一吓，
佢咁先至醒呀，
我條腰先可以舒服番啲，

咩呀，令女大Q曬呀！下次伸妳落車添呀！

很久之前請朋友喝了杯凍檸茶，
他很津津樂道地說真係好味，
奇怪的是每天也是在這裏飲下午茶，
他也是喝同一樣的凍檸荼，
我不禁的問:為甚麼今天會特別好喝？
他笑著的回答:因為你今日請客囉！
凡是別人的東西會特別好味，
不是凍檸茶好味而是我請的關係罷了.....
這表示著甚麼態度呀？
有了女友的另一個他經常會稱讚別人的女人，
但他的女友還是比其他的美麗動人，
我不禁的問:為甚麼是別人的女人好？
微笑的他回答:自己的時常見，別人的好少見，
對住她們內心有一定的妄想，只是想想罷了，
不是女友比她們差，只是心理上的佔有慾驅使，
這也是甚麼的態度呀？
但細看現今的社會，人們的心理，
原來有很多人都習以為常，只是還未行動吧？
而內心已享受這種還是別人的好既心態，
終於令我明白佔有同擁有的分別，
是我守舊，還是....別人的真是好呢？

昨夜到了一個朋友的生日會，
好多人，但係唔識，
唔怪之得先前要向主人家報名，
唔係就真係冇位坐，
識又黎，唔識又黎，
大家都冇所謂，就好似去飲宴咁，
由主人家帶我埋位，都ok唔錯，
識多啲朋友，玩玩吓重見到啲見過嘅女仔，
哈！佢哋又認得我喎，
之後我都好蝕，比人係咁揪水，
佢哋就開心啦，贏輸都打我大脾，
後來我重比人夾去其他檯玩，好似做咗小姐咁，
之後都唔係好記得發生咩事，總之返咗屋企，
今朝醒來頭唔痛，但睇番個電話就，
無啦啦多咗幾個唔識嘅號碼，晏啲問番係邊個先~~^^

都好耐未同過妳飲嘢啦衰妹！
嗰晚真係好難得大家就到，
妳都冇咩點變，依然係咁白雪雪，
講真句！除咗我身邊啲女人外，
妳就係知道阿哥我最多嘢既人，
應該係話你係知我最多嘢既人，
都好多謝妳又比機會我去發洩，
甚至阿哥唱歌咁難聽，妳都可以咁用力去拍掌！
但係妳唔好以為唔同阿哥講，
阿哥就唔知妳諗乜，儍妹！
阿哥都好留意妳啲行為架！
有嘢就同我傾啦，阿哥幫到實幫妳知架！
唔好學我以前咁收埋自己，妳諗吓啦！
重有呀！阿哥第三次聽到妳講一啲唔好聽既說話啦！
不過算啦，妳都冇咩機會睇到呢篇嘢！

昨日！和女友午餐告別後，
自己漫無目的乘搭輕鐵，
沿路看到很多風景，廂內人來人往，
有學生！有老人！有小孩........

每到一個車站，有新的面孔出現，
有舊的背影離去，循環不息，

景物依然，人面全非。
這是大自然定律？
我只知時間不會等..............
醒來十年夢，回頭百年身！

我做咗錯事！

對唔住，對唔住，對唔住！

原諒我，原諒我，原諒我！

冇下次，冇下次，冇下次！