連續返了四日夜間真係很累呢, 今日終於放假了, 幾日前就進行了行山訓練, 為了係這個42公里越野馬拉松成績好一點, 辛苦啲都要, 我們參賽的路線: 油塘, 井欄樹, 基維爾營地, 沙田坳, 獅子山, 筆架山, 九龍水塘, 金山郊野公園, 城門水塘, 由於今次發生了小意外, 訓練路程縮短了, 最驚心動魄係途經金山郊野公園, 很多猴子裝模作樣的嚇人, 因當時已黃昏, 天逐漸黑了, 我們小心翼翼, 免得比猴子搶野, 回想多年前小學去旅行就係金山郊野公園, 見到牠們都很興奮哩! 現在就唔同, 牠們比以前惡了很多, 都係小心啲好, 我們最後只行到九龍水塘便止步, 下次再繼續訓練, 跟住去了沙田打冷, 這天雖然只用了小小氣力, 大家都覺得唔夠喉, 但因大家未習慣夜行, 所以就完成這天的路線, 都很難忘呀,! 希望下次挑戰性更高啦! 一聽到甘肅有奶粉事件就好唔開心, 受害超過500個BB, 很擔心呀, 腎結石真係好恐怖哩! 功德會又一次四川中秋之行, 今次找來趙薇及已到過的袁詠儀, 大家遲些看特輯啦!

很耐都無寫這個Blog了, 自從歐洲國家盃後, 加上甘肅之旅, 北京奧運等, 期間都很忙哩! 當中發生了很多事情, 最大鑊緊係屋企意外, 攪到腳指公聯咗五針, 時間真係不夠用, 實在太多節目了, 好似深夜青龍頭釣魚都係第一次哩, 又同伊健, 蒙嘉慧, 陳柏宇, 王浩信, 郭峰叔等打Badminton, 原來佢地身手敏捷, 好勁架, 佢地差不多每星期都打, 自己又少練哩, 不及中學巔峰時期, 簡直失禮死人, 真係要同佢地繼續練習才可追得上, 自甘肅之旅後, 做善事簡直停不了, 到老人院探訪係其中之一, 跟住協助無家者協會排舞台劇, 重點就係一連串的慈善步行及馬拉松, 十月十九日參加了苗圃行動42公里慈善越野馬拉松, 十一月十五日準備參加奧比斯20公里夜間的盲俠行, 至於再下一個就是2009的綠色力量環島行, 渣打馬拉松等, 這段時間要不斷練習, 雖然辛苦, 但為了做慈善當然不介意, 點都唔會Give Up! 希望大家可以支持我啦, 自從返咗夜間後, 生活好像有點改變, 身體比以前虛弱咗咁, 足球聯賽更踢不足呢! 而英超更加無得睇, So Sad! 有時夜間忙起上黎真係要分身工作, 幸好一班同事都能自律, 雖然還有點地方需要改善, 但現時尚可接受, 希望大家繼續進步啦, 現在還未找到合適地方搬, 希望唔好再有人逼遷啦, 自上次書展後, 靈異書籍繼續紛紛推出, 雲海的八十延異, 翁靜晶的危險人物4等, 都是我的至愛, 上次去了傳聞猛鬼的石廬, 由於當時近黃昏, 又鄰近七月十四的關係, 只得我們兩人, 所以行到入去一半便返出來, 免生意外, 間屋未入去已經很陰森哩, 接著係屯門公路巴士意外的村落, 同樣陰森, 駕車入到去已經很恐怖…... 時間不早, 又要返工了, 唯有下次再寫吧!

第三天還比昨日早, 我們當然無問題, 做善事都會十分積極, 今次八點出發, 再坐這架輕型貨Van, 一坐上去就諗起精裝追女仔個嗰星馬泰超值團, 由頭“櫈“到尾, 落車個個陣手陣腳, 我們先去探剛剛燕燕, 他們都很可憐架, 爸爸因建橋時倒塌死了, 之後媽媽因為抑鬱症又死了, 現在只剩下年紀大的麻麻照顧他們, 剛剛表情是很少會笑的, 面上帶著哀愁的表情, 又很少說話, 可能面對這些不能接受的事情加上欠缺父母照顧, 心理一定有很大影響, 袁阿姨送了兩隻羊比佢地, 希望可以幫到生活, 如果唔係父母離去, 他們的生活比娟娟, 畔捨還好, 他們有一間平房子, 不用住窰洞, 但係最需要父母支撐的時候卻失去了, 他們的生活亦開始轉變, 他們的水窖已可用了, 我們再到彩虹家, 她同爺爺住的, 爺爺竟可以把一條粟米分一星期食, 你話多可憐, 她返學亦經常被取笑, 她成績不差的, 希望可繼續進步, 今次我們亦幫她們搬新家, 爺爺是盲的哩! 當我們派禮物給她時, 其他死靚仔即刻搶, 我們帶咗很多粟米比爺爺, 啲靚仔又要食, 爺爺很仁慈地分給他們, 最怕係我們送比彩虹的禮物, 比啲靚仔搶晒, 真係唔好比我知道邊個恰佢, 如果唔係“死…死緊“, 其實今日我們兵分兩路, 有些人去了寧夏視察水窖進展, 因為當地風沙很大, 一開口就食沙, 所以我無去, 繼續留守甘肅探訪, 下一站雪艷, 一個很可愛很漂亮的小女孩, 她自小就被抱返來, 有一個慈祥臉的爸爸, 雖然不是親生, 但他都照顧得十分好, 這位爸爸細個被他的精神病父親打跛腳, 行動不便的他還要到山區攞水, 由於爸爸不想被女兒知道他這麼辛苦, 所以從來她都不知父親是點攞水的, 爸爸只對女兒說: 你努力讀書便可, 最感動的就是細時發高燒, 爸爸辛苦地孭女兒步行崎嶇不平又遠的路去看醫生, 這位模範爸爸真的偉大, 爸爸就算幾辛苦都好, 只想女兒過著平常人生活哩! 跟住下站小雪家, 這個家的位置很靚, 地方很大, 雖然都是窰洞, 但有著一個私人空間的感覺, 四邊都有山圍著, 很有安全感, 我們又去攞水了, 今次還比上次辛苦, 係崖壁的小路落山腳, 一下唔小心就一定跌死, 所以我們份外留神, 小心奕奕, 我們探過她們後便到華光村參觀化糞沼氣池, 防地震的屋子, 興建中的水窖等, 我們輪流爬梯落去這個只有掘咗兩米的水窖感受一下, 時間亦不早, 參觀完便返賓館沖涼, 再去食晚飯, 之後有一個分享會哩! 很多人都感動到哭了出來, 氣氛感人, 大家傾到差不多凌晨才返房休息, 第四天, 我們八點便起來, 行出去隔兩條街有個食街, 很多野食呀, 我買了肉夾膜加袋裝豆漿, 其實很多野都好新鮮好味, 不過我們這天另有行程, 因為是自由活動時間, 原先想去遠點的圓通寺, 可惜時間不足, 最終去了隔幾條街的柳湖公園, 未入去前只覺得是一般公園而已, 點知入到去有意外驚喜, 我們在大門口先看地圖, 這個是國家AAA級的旅遊景區, 最注目的是指示牌上寫著“柳影蕩碧波“, 英文係“Scenery Theme Of The Park“, 另外有“西坡“和“東坡“, 這個“柳影蕩波波“就是這公園的風景主題, 我們入到去, 看見有個很大的人工湖, 有水上單車, 又有鬼屋, 又有爬蟲類動物館, 水上單車都有三款, 家庭落後型, 四人麻雀型, 二人浪漫型, 我們向上看有單軌腳踏UFO, 我們四條友立即上去試下, 剛剛好一人踩一架, 我們逐一沿單軌踩出去, 可能日久失修, 嘩…...好嘈呀, 成個公園啲人既焦點都望住我地, 感覺像去了香港已絕跡的荔園一樣, 大家童真返晒黎, 玩完後, 再經過湖邊, 又發現一樣野叫做“水上步行“, 一個圓形的大透明波, 充氣後入去裡面, 像踩水一樣行, 睇落很易, 要行都有啲難度, 先要平衡好才可行, 我們都係入去過下癮姐, 好“焗”架, 玩完都差不多十一點, 係時候返去集合, 準備離開平涼市, 搭旅遊巴去西安機場, 大家在機場吃過飯後, Cara又要去四川視察了, 我們其他人就搭飛機返深圳機場準備返香港, 大家經過四日的旅程都有點累, 去到黃崗要分手了, 我同Adelaide從黃崗搭巴士回家, 他們就搭旅遊巴返九龍塘了!

期待已久的甘肅之旅終於來臨, 很希望快啲可以見到娟娟, 畔捨, 剛剛, 燕燕, 雪艷, 彩虹同學校一班小朋友, 很希望能體驗他們攞水的艱辛, 第一天, 即二十六號, 我很早便起來執拾行裝, 早上七點四十分便到達九龍塘火車站等候, 我是第一個到達的, 先找找架旅遊巴, 一條友便上咗車了, 之後其他人陸續上車, 等齊人終於開車喇, 我們先去上水接其他人, 再一起經黃崗過境, 由黃崗再去深圳機場要四十五分鐘, 我們在車上先介紹自己, 今次旅程有不同職業人仕, 老師都有三位, 學生又有, 小提琴博士, 退休伯伯, 媽咪仔仔囡囡等, 到達深圳機場後先登記攞Boarding Pass, 每人只可帶一件行李, 我還有一大袋文具呀, 原來啲細支野都唔帶得上飛機, 個支Fancl洗面粉, 沖涼膠的樽仔都要寄倉, 要買個廿蚊紙箱, 最慘係要棄嬰, 我支親愛的“雙飛人“, 因為係玻璃樽, 我就這樣棄置它係機場, 場面感人, 未夠鐘上機便去了KFC食個早餐再逛一會, 我們搭深圳航空, 這架是小型的內陸機, 上到去竟然有個大陸佬坐咗我個窗口位, 啲空姐質素唔差, 擔擔抬抬絕對無問題, 我們坐兩個鐘便到西安機場, 柯篤尿又要繼續上路, 跟住五小時多的旅遊巴車程去甘肅平涼, 途中又塞車, 個玻璃還被啲細路擲石頭打碎了, 幸好是雙層玻璃, 坐到天黑, 到達平涼賓館都成十點了, 我們先去食Dinner, 超肚餓呀, 個度啲餸有點唔啱食, 得個多但又好咸, 最好味算係出名的蘭州拉麵, 啲菜咸個王晶, 食完後便返房休息, 簡直是驚喜, 一開門就像一間五星級房, 設備齊全, 雖有免費Wifi上網, 當然有很多網站唔比上啦, 大陸就是這樣, 廁所本來可以接受, 但企缸沖涼度門關唔實的, 啲水就不斷滲出, 啲水忽冷忽熱, 一係冷到冰, 一係熱到PK, 凌晨一點便無熱水供應, 不過整體算係咁, 比我黎之前想像的還好, 第二日早上七點便起床, 先係酒店食早餐, 之後八點便出發, 我們分五架輕型貨Van, 先到崆峒區山區, 沿途崎嶇不平, “櫈“到囉友開花, 坐一個鐘啦, 先去探訪娟娟和畔捨, 了解過他們生活情況後便跟他們步行三十分鐘到山腳攞水, 他們住的山窟有倒塌危險, 功德會便起了間新屋比佢地, 距離佢地舊屋要步行五至八分鐘左右, 睇佢地攞水輕而易舉, 之前袁靚靚都探過佢地, 我們攞水後吃力地沿著斜斜的山坡慢慢返去佢地的新屋子, 啲水真的很重架, 步行中看著優美的山景, 天氣清涼, 去到新屋子, 附近一班小朋友便一齊跟我們一起走, 很多哥哥姐姐都大派禮物, 大家都很開心呀, 他們的水窖還在興建中, 很快有得用了, 我們再去探訪金鈴, 可憐的女孩子因三歲時眼睛發炎, 由於執她返來養的父母知識有限, 加上窮困得很, 無帶她看醫生, 導致眼角膜嚴重受損令她失明, 她的生活就此而轉變, 現在她已熟識屋企的環境, 她還親手煮手攪麵給我們吃, 還有布冧, 粟米, 瓜, 大大個曼頭等, 她現在繼續係特殊學校讀書, 靠她雙手學習摸字, 佢更多謝小方(方力申及袁阿姨(袁詠儀), 由於更改了行程, 我們明天才去剛剛燕燕家, 我們去到當地政府部門了解水窖情況, 講咗很耐, 在場位老師不停辯論攪到好晏, 我又好鬼肚餓, 時間不早之後很晏才到學校, 一至六年級的同學共二百五十多人, 當我們進入學校時, 他們列隊拍手歡迎, 我行第一個, 感覺就係好似朝偉行紅地氊咁, 正呀…...我同Kevin, Cara等就編到四年班, 同他們玩些小遊戲後便出操場比賽較量一下, 可惜我緊係要扮輸啦, 班友仔要我單獨唱國歌, 好彩最後都唔洗, 緊係派禮物最實際, 先要多謝我公司的Katherine小姐啦, 佢捐出比我帶去的文具還比我多, 當我派每一件文具比佢地時, 每人都要有代價, 就係叫我一聲“多謝帥哥”, 哈哈, 佢地真的叫得很認真架, 當然攪到我好開心啦, 之後到操場同當地老師較量, 這個拔河比賽其實未開始已經要認輸, 因為之前去過山區攞水, 步行很崎嶇不平的山泥路又無力又疲累, 最終梗係輸啦, 我們進行大合照再繼續派禮物: 新書包, 文具, 棋子等, 大家都很開心架, 我們道別後再去參觀一個新建水窖, 捐錢建的就是Gilbert小提琴博士, 佢即場進行開鎖儀式及濕吻個水窖, 太陽落山了, 我們今日便完成行程, 跟住返平涼的方圓古堡食晚飯, 有燒羊肉, 正呀, 食完便步行返賓館, 沿途的夜市都幾吸引, 狗屎垃圾都有得賣, 還有好味的肉夾膜, 還有葵子花(裡面是瓜子), 幾得意架, 一蚊兩個, 行完返去沖涼瞓覺了

連返四日工真的很累很辛苦, 趙啷啷真係無乜記性, 激死人, 今日終於放假了, 睡了五小時, 到晚上便同屎眼去書展, 今次是咁多屆買得最多書的一次, 共八本, 除了兩本靈異書籍, “不要在一個人的時候看的鬼故事“, 潘紹聰的“撞鬼.驅鬼“, 還有一本叫“The Minds of Billy Milligan“, 講述一個真實故事, 美國史上第一位犯下重罪, 結果卻獲判無罪的嫌犯, 因為他是一位多重人格分裂者, 因為在他體內存在有24種人格, 在性格上, 智商, 年齡, 國籍, 性別也各不相同, 事發於1977年, 在美國俄亥俄州涉及連續強暴和搶劫重罪的William S. Milligan…...這本吸引了我的興趣哩! 另外有一本由本地新聞攝影工作者聯同香港幾個有關機構合作出版的“Our Home, Shek Kip Mei, 這本書講了很多石硤尾的歷史, 加上很多珍貴的圖片, 清拆前向很多住戶留影, 從相片可看到他們的生活是十分貧困, 仲有一本叫“Sichuan Don‘t Cry“, 支援四川的我就一定要買, 裡面很多地震後的珍貴相片, 看了都不禁哭出來, 這本書由一位投入抗災的自願記者徐伏鋼所編輯的, 裡面所有相片都是他影的, 在今次書展發現了很多簡單由插圖所連成的圖文漫畫書籍, 我就買了馬仔作品: “我們的低能婚禮“, 而屎眼就買了“我的低能之道“一同二兩本, 佢話這些書最適合放係Toilet度柯屎解悶, 咁又係, 簡簡單單又唔傷神, 我還買了本大口仔的哲人訓, 裡面有100句金句, 全部都是啲已故偉人作家所編寫的, 加上大口仔的公仔, 都幾得意, 當然又放廁所啦, 另外最後一本一直想買的“香港行山王“, 因為香港實在太多山可行, 但之前無咁多Idea唔知去邊, 所以有了這本書就可以幫到我了, 我們入書展前先去灣仔地鐵站旁的“北X雞蛋仔”買餅食吓, 果然好好食, 同平時街邊個啲好唔同, 又脆又好味, 再過隔離舖位買朱古力珍珠奶茶, 正! 雖然是書展第一日, 但我們晚上七時半才進場, 人流多但十分暢通, 場內還看見很多名畫油畫, 買成千幾蚊, 但油畫內加插了卡通人物, 這樣的話就唔抵了, 糟蹋了幅畫, 哈哈! 我們睇完書展便乘天星小輪到尖沙咀再搭巴士去廟街, 實在太熱了, 去到廟街食潮州打冷, 跟住再去附近食甜品, 正呀!

這天早上, 同一班夜更同事放工後便乘火車到羅湖揼骨, 真的好耐無返大陸揼骨了, 去之前還打算在大堂櫃員機攞錢, 差不多排到我時竟然突然停機維修, 有無攪錯呀, 晨早溜溜維修, 最終攞唔到錢, 身上剩下二百蚊, 唯有問他們出住先啦, 累到大家等我真的唔好意思, 我們上車企到羅湖, 好彩今次去我四年前去過的新X姿, 就係車站天橋, 唔洗行咁遠, 一入去隨即沖番個涼, 刷吓把牙, 順便剃鬚, 點知把剃刀好Q利, 剃傷我下巴流血不止, 好彩最後止到血, 大陸啲刀鋒咁利架, 再焗焗“Song嗱“, 當堂Relax晒, 出到去肚子餓得很, 食啲嘢補充下先, 大家像十分Relax的樣子哦, 我們食完便排排坐, 我簡直試盡所有基本服務, 先黎修下甲, 再黎按下腳, 跟住修下腳磨下皮, 再黎修下眼眉啲雜毛, 係餐牌上有種服務叫“卵巢乜Q護理, 我好奇問啲服務員, 嘩…...她簡直問非所答: 佢好大聲話男人無卵巢, 其實我只係問, 點樣才叫卵巢護理, 按什麼部位的, 穴位嗎? 我夠知係女性才有啦! 還比她們當我係“毑“的基佬, 攪店後就上房揼骨, 不過今次唔係揼骨係用香薰油按摩:範圍包括全手全腳背腰胸肚頸肩, 還用泰國火山石熱力按摩, 簡直正過揼中式按摩, 真的舒服晒, 下次點都要選這個, 加上這位71XX楊小姐十分好人, 佢是廣西人但廣東話十分流利, 加上功夫了得, 下次一定再搵佢啦, 最後整多個泰式洗頭按摩, 不過一般啦, 跟住都成四點了, Relax完我們就去樂園路醫肚, 可惜失望而回, 選錯這間, 死蝦一碟, 賴尿蝦就Ok, 乳鴿都Ok, 一蚊蟮背就黎多咗碟, 個湯食完都未黎, 最後取消了, 一邊食一邊趕烏蠅趕蚊, 勁污嘈, 隻蚊還黏著啲“酸嘺頭”咬實唔放, 烏蠅就偷食再偷食, 侍應就On 9 9, 乳鴿都唔知係乜, 但白飯又知哦, Tiu La Sing!!!!!!!! 好彩最後結帳每人三十蚊, 如果唔係實小到佢趴街, No Service Bad Food Slow People, 頭幾味餸食完唔收碟, 個個見到照企係度發夢左望右望, 我唯有自己拿走啲碟, 我大力地放係隔離台, 佢地終於醒來了, 才慢慢地行過來收碟, Bad List Bad List, 最攪笑看見隔離台的人, 因為他們食唔晒便叫侍應裝起佢, 啲On 7 7侍應竟用一個大膠袋裝起一碟麵, 客人立即投訴, 真係激X死, Never Come Again!!! 由於有人要返工, 我都係時候返屋企照顧Bingo, 最後陰陽眼同我和嘉芙蓮一齊走先, 只有彭丹(趙啷啷)同佢另一半隧道輝行下東門才走, 而經典強同佢件阿靜就拍拖逛街再返樟木頭住所, 這天就是這樣消磨時間了, 我返到屋企都很累, 因為按摩瞓係床時, 個頭塞咗落個唔啱Size既Hole裡面, 喉嚨像割頸一樣, 加上急性鼻塞, 攪到瞓住揼都唔得, 所以回家沖完涼即瞓到第二天下午…........

我們十點半係東涌集合, 先食個大X樂早餐再一起同行, 還出了個猜字遊戲, 可惜她們諗咗好耐都猜唔到, 這個字係口字部, 分開可以好爽, 合起來可以很痛, 其實這猜字之前已係公司講過, 可惜她們未聽過姐, 我們排隊等候纜車時, 已經開始多人了, 但未至於太跨張, 我們一行三人打算自坐一車, 可惜被工作人員整多對懷疑偷情到Lantau的夫婦一起坐, 這樣可能係真架,  我們叫他們替我們影相, 他們一口答應, 但我們問他們, 我來幫你們影, 他們就有古怪又監介的表情說:我們唔…洗架嗱, 我即想, 唔通佢地大家都有家庭出黎偷情, 可能係真架, 哈哈, 這天陽光普照帶點熱, 到站便直接步行到心經間林繞一圈, 拍拍照, 景色多優美哩! 如要遠足還有很多路徑可以行架, 但今次沒有這個目的, 反正她們未必捱到, 因為實在太熱了, 我們之後從小徑返回巴士站, 乘搭21號巴士到大澳去, 到目的地後先坐觀光船, 廿蚊Ok啦, 遊覽大澳船屋, 有一間已有八十年歷史了, 因很久之前大澳這些棚屋大火, 整段棚屋都燒毀了, 之後再重建呢, 這船跟住掉頭往公海出發睇海豚, 今次看到近四, 五隻, 可惜牠們出沒太快, 相機不能捕捉到, 如果牠們能跳出海面還有機會影到, 但看到已心滿已足了, 這個二十五分鐘海上旅程很快完結, 上岸後我們沿太平街一路行, 盡量行畢這個大澳, 途中坐下食彊汁豆腐花, 涼粉, 碗仔翅, 大澳小食, 當我們行到尾時, 因潮退, 這些棚屋下沒有海水, 還見一老伯水上飄一樣企係啲泥到, 我們就落去拍照, 落到去原來這些泥像浮泥一樣, 我們沉得很快, 好彩我只是淹沒了鞋子, 但都死啦, 而家燕媽媽就淹沒了腳較高位置, 她還穿拖鞋, 我們立即大笑, 但帶點可憐的樣子, 我們扶她返上來, 第一時間到廁所洗鞋洗腳, 真係好笑又可悲, 坐一會讓鞋子乾了便起行, 其實邊乾得咁快, 邊行邊濕腳, 我們到巴士站乘巴士到梅窩碼頭搭船返中環, 跟住入沙田潮州打冷, 再去家燕媽媽家打機, 濕疹Tol打機果然有一手, 我們上次就到尖沙咀玩籃球Game, 不過今次玩WII, 勁正啦, 還有很多Game, 如Play Darts, Bowling等, 多啲人仲過癮啦, 她家有隻可愛西施Konie仔, 四歲, So Cutie, 窗外正下著大雨, 我們玩到十一時半便走了, 返到屋企都成凌晨一點了

今晚開始返夜間了, 昨晚看過荷蘭對意大利, 十分精彩, 希望荷蘭可以繼續打好啲入決賽啦, 而今屆無咗英格蘭, 唯有Support德國隊, 今次德國陣營完整, 很有機奪冠軍, 還想起跳Bunji的感覺, 心血來潮很想到唔同國家繼續挑戰Bunji, 如New Zealand更激, 係火車橋跳下, 澳洲都唔錯, 希望有機會啦, 今日的午餐就係公司送的鴻X糉, 鮑魚竹筒加懷舊家鄉糭, 食完都好“濟”, 經過上次行雷事件, 屋企缸魚死Q晒, 啲蛇仔魚跳晒出來, 好恐怖, 反正個缸咁細, 養隻寄居蟹還好, 都係去睇下先…...........