我們十點半係東涌集合, 先食個大X樂早餐再一起同行, 還出了個猜字遊戲, 可惜她們諗咗好耐都猜唔到, 這個字係口字部, 分開可以好爽, 合起來可以很痛, 其實這猜字之前已係公司講過, 可惜她們未聽過姐, 我們排隊等候纜車時, 已經開始多人了, 但未至於太跨張, 我們一行三人打算自坐一車, 可惜被工作人員整多對懷疑偷情到Lantau的夫婦一起坐, 這樣可能係真架,  我們叫他們替我們影相, 他們一口答應, 但我們問他們, 我來幫你們影, 他們就有古怪又監介的表情說:我們唔…洗架嗱, 我即想, 唔通佢地大家都有家庭出黎偷情, 可能係真架, 哈哈, 這天陽光普照帶點熱, 到站便直接步行到心經間林繞一圈, 拍拍照, 景色多優美哩! 如要遠足還有很多路徑可以行架, 但今次沒有這個目的, 反正她們未必捱到, 因為實在太熱了, 我們之後從小徑返回巴士站, 乘搭21號巴士到大澳去, 到目的地後先坐觀光船, 廿蚊Ok啦, 遊覽大澳船屋, 有一間已有八十年歷史了, 因很久之前大澳這些棚屋大火, 整段棚屋都燒毀了, 之後再重建呢, 這船跟住掉頭往公海出發睇海豚, 今次看到近四, 五隻, 可惜牠們出沒太快, 相機不能捕捉到, 如果牠們能跳出海面還有機會影到, 但看到已心滿已足了, 這個二十五分鐘海上旅程很快完結, 上岸後我們沿太平街一路行, 盡量行畢這個大澳, 途中坐下食彊汁豆腐花, 涼粉, 碗仔翅, 大澳小食, 當我們行到尾時, 因潮退, 這些棚屋下沒有海水, 還見一老伯水上飄一樣企係啲泥到, 我們就落去拍照, 落到去原來這些泥像浮泥一樣, 我們沉得很快, 好彩我只是淹沒了鞋子, 但都死啦, 而家燕媽媽就淹沒了腳較高位置, 她還穿拖鞋, 我們立即大笑, 但帶點可憐的樣子, 我們扶她返上來, 第一時間到廁所洗鞋洗腳, 真係好笑又可悲, 坐一會讓鞋子乾了便起行, 其實邊乾得咁快, 邊行邊濕腳, 我們到巴士站乘巴士到梅窩碼頭搭船返中環, 跟住入沙田潮州打冷, 再去家燕媽媽家打機, 濕疹Tol打機果然有一手, 我們上次就到尖沙咀玩籃球Game, 不過今次玩WII, 勁正啦, 還有很多Game, 如Play Darts, Bowling等, 多啲人仲過癮啦, 她家有隻可愛西施Konie仔, 四歲, So Cutie, 窗外正下著大雨, 我們玩到十一時半便走了, 返到屋企都成凌晨一點了

今晚開始返夜間了, 昨晚看過荷蘭對意大利, 十分精彩, 希望荷蘭可以繼續打好啲入決賽啦, 而今屆無咗英格蘭, 唯有Support德國隊, 今次德國陣營完整, 很有機奪冠軍, 還想起跳Bunji的感覺, 心血來潮很想到唔同國家繼續挑戰Bunji, 如New Zealand更激, 係火車橋跳下, 澳洲都唔錯, 希望有機會啦, 今日的午餐就係公司送的鴻X糉, 鮑魚竹筒加懷舊家鄉糭, 食完都好“濟”, 經過上次行雷事件, 屋企缸魚死Q晒, 啲蛇仔魚跳晒出來, 好恐怖, 反正個缸咁細, 養隻寄居蟹還好, 都係去睇下先…...........

第二朝的早上, 奇蹟出現了, 我Booked了十一點跳Bungy, 我九點半起床了, 昨晚臨瞓前不斷想著: 希望明天有奇蹟, 終於有轉機, 天色光了, 就像雨過天晴, 心裡突然開心起來, 之前的行程可照原定計劃, 我十點半出發去Macau Tower, 出發前致電查詢天氣是否適合跳Bungy, 簡直完全無問題, 我們乘高速升降機到61樓, 我簽過生死狀後, 便穿上裝備, 準備挑戰這個全球至高的笨豬跳, 破一破世界紀錄為香港爭光, 當我預備好踩上踏板, 心情仍然平靜, 但當我望一望下面隨即有點畏高的感覺, 五四三二一, 死就死, 這種衝下去的感覺很快, 很離心, 加上有點大風身體並不平衡, 落到去反彈這下更有離心力, 頭向下腳向上, 腦充血一樣, 一移動得太多, 個人就平衡得無咁好, 只好等待慢慢游繩落氣墊, 他們在氣墊旁為我打氣, 大嗌我的名字, 係61樓很多遊客更為我打氣, 中國韓國日本台灣香港人乜都齊, 可能係星期日旅行團特別多, 咁多Fans真係好, 突然變咗大明星一樣, 最終順利完成, 跟住我們到地堡街波爾圖食葡國餐, 麵包焗葡國雞, 污槽雞, 葡式燒鑪魚等, 我們一邊食, 一邊看我跳Bungy的DVD, 場面哄動, 哈哈…...食完去路環玩小型賽車, 還記得我96年黎過, 這度無乜點變, 天氣唔錯, 太陽猛烈, 我們一共十人全部落場, 很激呀, 都幾好玩, $180玩20分鐘真係快咗啲, 玩完就帶他們到官也街買手信及食三點鐘出爐豬扒包, 可能係星期日, 大排長龍, 但真係好好味, 今次手信唔買鳳凰卷了, 我們買了新野: 杏仁/紫菜/肉鬆泡芙波, 好好味的, 我們乘五點半最後一班由氹仔碼頭開出返香港的金光飛航, 返到香港都七點了, 解散後便各自回家! 雖然今次行程不多, 但總算十分難忘, 完成我們的重點項目已經很開心了! 我上次去澳門就遇啱Celin Dion開演唱會, 今次就李克勤, 真係“橋”嘞!

唉…...........突然Hang機, 打晒成段野唔識Save又要再打過, XYZ@#! 今次是我們球隊首次出Trip, 共有十一人, 出發前極度失望, 因為狂風雷暴又黑雨, 最擔心係跳唔到Bungy Jump, 玩唔到小型賽車, 但大家只有“希望在明天”的心態, 我們相約三時出發, 因為有啲人要返工, 對我來說當然係遲啦, 會減少了很多行程, 但無法啦, 這天氣真令人很想取消今次澳門之行, 我們上船後再重新整理行程, 今次是第一次乘搭金光飛航到氹仔碼頭, 這碼頭隣近威尼斯人酒店, 隔離便是氹仔機場, 我們懷著失望的心情繼續上路, 到達氹仔仍下著狂風雷雨, 我們蠢咗! 因為見到威尼斯人大巴就上了, 其實我們今次係住格蘭, 應該直接搭的士快啲, 我們到達威尼斯人, 穿過賭場便到的士站候車, 人潮湧湧, 又要排隊, 由於時間不早, 我們兵分兩路, 有些人去酒店Check In, 我們就先去新葡京的自助山攞位食Buffet, 還有點時間, 我們攞位後走了賭場一轉, 對賭博不大興趣的我只在旁觀看, 啲震震大粒骰都幾過癮, 玩法又簡單, 我們食Buffet時間係六至八, 人潮開始湧進來, 啲人未坐定就搶食了, 其實這度好處是不斷Refill食物, 唔怕無得食, 種類多又新鮮, 值得推薦, 好食!!! 又有部朱古力機可以整朱古力綿花糖, 幾得意架, 食完便乘的士返回威尼斯人逛街, 我們一路行, 幾件巨奶北姑跟住我們, 我們立即走回大隊, 以免受到騷擾, 我們先去這間所謂曼聯專門店, 點解我咁講, 係因為裡面除咗Nike曼聯球衣外, 其他貨品就像假貨一樣, 得個曼聯章, 啲款又唔店, 就像一間貿易公司攞咗曼聯Logo版權自己出Product, 店內我最欣賞的只有Bobby Charlton的Art Print和C.Ronaldo的親筆簽名Photo Print連相框, 我諗這是鎮店之寶吧, 所以想去真正的曼聯專門店便要去英國了, 可惜我不是曼聯Fans呢! 我們相約十一時係Lobby集合, 還有時間, 我們到處逛逛, 其實威尼斯人的外圍夜景很靚, 可惜落雨唯有係裡面影相算了, 我們入了Agnes B看看, 啲銀包平香港$100架, 但都只是看看罷了, 我們又去條大運河看看, 啲意大利人邊唱邊划船, 但路程太短加上只在室內, 我們當然唔會坐啦, 啲意大利船夫唱唱下古典歌忽然唱Pop歌, 睇佢個款唔係好專業咁哦, 我們夠鐘便乘的士返酒店睇波, 先去超市買啲零食再返酒店, 今晚第一場Euro 2008賽事係: 瑞士vs捷克, 跟住係葡萄牙vs土耳其, 我們坐定定一齊睇, 睇到下半場, 出面行過大雷, 電視機畫面忽然停咗, 我們十分失望, 立即打去服務台查詢, 唯有…...等, 係這時間只好玩啤牌麻雀消磨時間, 輸咗就做掌上壓, 當我們打算出去酒吧街睇波, 電視機突然正常運作, 可惜已完場, 而第二場開始中, 葡萄牙唱國歌了, 但我們零食耗盡, 只好落街搵野食, 但搵咗好耐, 啲食店全部關晒門, 好彩見到間7 Eleven, 我立即拿個叮叮飯, 因酒店無得叮, 我們只好叮好才返上去, 看完都接近五點了, 我們得三間房, 十一人分配好就屈蛇度過這晚了

香港世界宣明會 : [電話] 2394-2394
[捐款] 匯豐：018-554444-001
[捐款] 中銀：012-883-0-002666-2

香港紅十字會 : [電話] 2802-0021
[捐款] 匯豐：004-567-650155-016
[捐款] 中銀：012-806-0-000161-7

聯合國兒童基金會 : [電話] 2833-6139
[捐款] 匯豐：567-354014-005
[捐款] 中銀：012-875-1-081085-5

東華三院 : [電話] 1878333
[捐款] 匯豐：004-002-250553-016
[捐款] 中銀：012-875-0-027677-7

中國福音事工促進會 : [電話] 2394-9195
[捐款] 匯豐：005-237029-001
[捐款] 中銀：012-877-0-008055-8

樂施會 : [電話] 3120-5000
[捐款] 匯豐：001-537000-012
[捐款] 中銀：012-874-0010515-7

救世軍港澳軍區 : [電話] 2783-2333
[捐款] 匯豐 580-149649-001
[捐款] 東亞 015-515-10-50541-3
[捐款] 中銀 012-878-1-061887-6

先講昨晚係Moscow舉行的歐聯冠軍戰, 首次由兩隊英國球隊Man Utd vs Chelsea, 兩者鬥得難分難解, 臨完場Drogba & Lampard撞柱撞眉, 而Drogba因推人領紅牌出場, 最後都要打到加時再射十二碼分勝負, 頭一輪C.Ronaldo“姪步“施射被Cech救出, 由於Drogba出咗場, Chelsea‘s 隊長Terry便要擔負起這個重任射最後一球, 可惜“跣腳”射中柱, Van der Sar雖然捉錯路, 但都可令Man Utd番身機會, Man Utd再次入晒, 這個突然死亡實在害怕, Anelka唔入就玩完, 點知六合彩都無咁準, 佢射得唔夠角度, 被Van der Sar撲出, Man Utd就1999年再次贏得冠軍, 我當然失望啦, 捧咗咁多年既Chelsea攪成咁既下場…...唉! 今日放假就去咗大球場睇South China vs Man City & Juventus, 南華分兩隊出戰, 先由南華邀請隊 vs Man City, 南華邀得多名甲組外緩及部份南華球員組成, 結果贏三比一, Man City踢得很差勁, 我先前係泰國睇了他們 vs Thailand Premier All Star, 同樣輸三比一, 欠缺Richards, Dunne的後防主將就踢成這樣, 今日看到Martin Petrov的腳法及速度, 可惜與陣中球員不太配合, 加上多名後備球員表現一般, 輸波在所難免, 而重頭戲, 就由南華 vs Juventus, 廸天奴, 李海強, 麥仕維都係晒度, 而祖記欠缺多名主力: Buffon, Camoranesi, Iaquinta, Del Piero因入選國家隊踢歐國盃, Nedved因傷患, Grygera, Sissoko等, 有些人都覺得貨不對辦, 最終南華贏二比零, 半場時撞到師兄Santos(山度士), 就即刻捉佢影相啦, 今日攞到飛慳番$580, 我相信有很多人都係攞飛入黎, HaHa, 坐我們前面班意大利球迷就十分失望, 因為Juventus踢得麻麻, 剛係泰國買咗個細既裝飾魚缸, 明天放假要行去花園街睇下買乜魚先, 雞泡魚很可愛, 自小養魚時都買過, 細時就唔同, 屋企有個勁大魚缸, 現在得個細缸仔, 只可放幾條魚點綴一下, 累了….zzzzZZZ

We care the earthquake in Szechwan, China at 12.05.08

最新地震相關數據:
全 國 死 亡 人 數 40,075
受 傷 人 數 ： 247,645
失 蹤 人 數 ： 32,361
四 川 死 亡 人 數 ： 39,577
受 傷 人 數 ： 236,359
重 災 區 北 川 縣 死 亡 人 數 ： 8,605
受 傷 人 數 ： 9,693
餘 震 ： 逾 7,000 次 ； 6 級 以 上 4 次 ， 5 級 以 上 26 次
已 投 入 抗 震 救 災 資 金 ： 117.27 億 元
社 會 各 界 捐 贈 款 物 ： 139.25 億 元 人 民 幣 （ 當 中 捐 款 佔 125.16 億 元 ）
註 ： 數 據 截 止 20/5 ；
超過13萬 解放軍和武警參與地震救災工作

昨晚執拾到很夜才睡, 累得很, 早上便病起來, 鈕開電視得知一名生還者"陳堅"為了見妻子一面堅持到底, 可惜救出來最終都捱不住死了, 多悽慘的事, 係映秀鎮就救出一名捱咗179小時的生還者, 另外亦救出一名捱在176小時嚴重脫水的生還者, 他們生命的意志十分堅強, 在泰國還報導了很多汶川新聞, 壓扁的屍體多恐怖呀, 小朋友最可憐是失散家人, 二.二八低頭默哀全國響應, 連香港也不例外, 感覺很心酸...............................................