12月8日係我中學的四十周年校慶晚宴的日子, 雖然母校已經改左名同搬左, 但原址依然辦學同作為校友會地址

回想離開母校到而家都廿三年, 所我以我好珍惜今次的機會, 希望可以同d同學見下面.

講真, 去到會場都有少少驚, 因為怕無人識(我讀書果時好怕羞同內向). 點知….

一共三十三枱人, 校友有24枱, 我讀果年就有三枱(算最多人), 重要係個個都識, 有好多人係咁多年都無見過, 所以大家都好興奮同好開心, 成晚都無咩食野, 反而係影相同傾計. 又見番教過我的老師們, 雖然自己大過左, 但面對佢地, 又好似做番學生咁, 哈哈

完左, 重一大班人去飲野吹水, 講番兒時往事, 好耐無試過咁開心

原來班同學自己有聯絡, 但就搵吾到我 (鬼咩, 讀完中學, 搬左好多次, 果時d電話又吾可以跟住搬, 又未有Call機同手機, 所以失左聯絡). 我今次留低左電話, 叫佢地有Gathering就搵埋我

嘉偉, 垃圾, 朱公, 高森, 魏佬, Eddie, Joseph, 小雯, 淑霞, 亞邦, Tammy, Winnie, 志豪, 紀魂, Simon, 威廉….. 等等, 身體健康, All the best!!!!