自從有了焗爐後, 經常都會用它造食物,  但並不是每次都成功的, 我嘗試造紙包蛋糕, 但造出來的永遠都是脆面, 真摸不著頭腦。  

久別了, 重返這裏很像有點陌生, 不論如何這倒是我的日誌; 近來在網上 看見一些狗狗蛋糕的製作, 令我有點兒技癢, 所以前幾天買來一台焗爐, 做一個焗物學神, 第一次做狗狗蛋糕、第一次做麵包、第一次做晚餐, 哈...倒算可以入口, 還有進步的空間; 往後我會嘗試多些不同的焗物。 

今日係我同honey的相識週年紀念, 我地能夠相識係一個緣份, 諗返起我地第一次見面在同學的婚禮上, 不過我地並無任何的交談, 結果過咗好多年後真真正正認識,  大家先至走埋一齊, 哈....呢d咪就係...係你既嘢點走都走吾甩....吾係你既嘢點強求都係無用...註定既。

 雖然抽到份手提電話禮物, 但係我用緊w910i無理由降grade用s500i架, 賣又賣得吾高價錢, 費時失事, 在諗吾到點樣可以得到最大的利益之下, 送比奶奶啦! 橫掂奶奶成日話佢個電話壞壞地, 諗諗下都係時候做番個好媳婦, 都叫做新款吖, 奶奶字都吾識多個,  部電話咁多功能都係嘥料, 算啦! 送比佢不知幾開心, "新抱送架, 新款黎架" 老人家心態講出黎都有面子d啦! 哈...無幾可架, 出面行貨都要成$19xx, 哈...借花敬佛囉!

 今日返咗媽媽度, 村中舉行一年一度的年宵盆菜宴, 都有成50圍架, 我家都佔咗兩圍枱, 有免費餐食之餘又有得抽獎, 有超過40份奬品, 抽第四奬NDS的時候, 各個小朋友都好緊張, 知道抽吾中的甚至喊, 真係慘....., 到抽第二奬 手提電話的時候, 我一聽到中咗, 情不自禁彈起身舉高隻手Say Yeah 跟住當然係行出去攞奬啦! 哈....估吾到會抽到喎! 今年有運行, 開心!