我們的新地址，得閒黎坐坐 。

http://hk.myblog.yahoo.com/alice780904

各位朋友，記得留返個新blog add 比我呀。

婆婆…再見了！

妳的身後事，我們已為妳做好了，希望妳會滿意我們為妳的安排，亦希望妳已經得到重生，永遠快樂。

自從妳走後，上星期六是我第一次再與妳相見，雖然妳的樣貌已經轉變，但在我的心裡妳仍然是和藹可親，這一個親切面容，將會長留我心裡，永不磨滅。

婆婆，我知道妳好鍚我們，所以妳的遺照亦是我們一家與妳的全家福，每個來送別妳的親友們，看見妳的遺照都覺得妳好開心，所以各人都替妳安慰。

婆婆，雖然妳的福地與我之前所見的不同，但是當我看見妳的福地與公公的很接近，我知道呢一切定是妳的福氣及安排，只要妳喜歡，我都替妳開心。

婆婆，雖然妳已經離開了我們，我亦知道妳走的時候最放不低的是我家裡各人，不過妳可以放心，家裡各人我日後將會更加愛鍚。

婆婆，妳應該可以安心上路了，在靈堂上我同詠祈亦已經完成妳的心願，希望妳感受到我們的心意，妳可以安心詠祈家女各人對我亦疼愛有加，妳真的可以放心。

婆婆，好多謝妳留給我的手鏈，我會好好保留，將來我真的要出閣，我一定會帶上，因為這是妳留給我最好最靚的禮物，我相信妳在他方一定會送給我最大的祝福。

婆婆，比我再傷心多一個星期，一星期後我答應妳，我會好好過我的生活，妳放心，我不會再要妳為我擔心。

婆婆，我會永遠掛念妳。

婆婆…今日係大年初一，亦都係妳離開我地既第七日，雖然今日係妳既頭七，但係我地都唔可以帶野入屯門比妳食，因為為妳做事既喇磨佬話，今日係新一年，所以我地唔可以幫妳做D咩，所以我之前買比妳既野食，要留返21號先可以囉比妳食啦！不過…呀LEE會為妳準備妳生前鍾意既野食，等妳今晚返黎可以食飽先走，婆婆…希望妳今晚返黎有一餐飽飯食。

今年既新年對我黎講一D都唔高興，而且…我好唔開心添，講真到今日我都仲好唔捨得妳走，仍然係一諗起妳我就忍唔到，婆婆我知道妳唔會想見到我咁樣，不過…對唔住，我真係做唔到，我個心好痛…真係好痛。

婆婆…我以後都無得再同妳拜年啦！我記得以前每一年(雖然我地初一見唔到)我一定一早打個電話比妳，同妳拜左年先，不過…以後都無機會啦！不過點都好，我今年都祝妳係另一個地方幸福快樂，以後再無痛苦。婆婆…I MISS YOU SO MUCH。

婆婆走後的第七天，我特別掛念，特別痛苦。

婆婆…妳今日點呀！做過D咩野呢﹖我今日同呀丙去左柴灣幫妳睇下個地，唔知係唔係妳真係好想成日見到我地呢！妳依家暫定既位，可以直接望到我地屋企架，我去睇完之後都覺得好好，不過一日未Confirm，都唔知有無變掛，我當然希望唔會變啦！因為我都好想妳成日都見到我地。婆婆唔知妳鍾唔鍾意個位呢﹖

婆婆妳走左第三日啦！點解我都仲係見妳唔到既，唔通妳唔想見我﹖如果唔係點解妳唔比我見下妳既，婆婆我只係想見多妳一次，見下妳攬下妳同妳講一聲再見，點解妳連呢個機會都唔比我﹖

今晚舅父打比我，問我睇完妳個位覺得點…，之後佢問我慣唔慣無左妳既日子，我同佢講︰當然唔慣啦！而且我仲好想見到妳，不過…仲未有機會，舅父同我講，佢呢幾日坐係妳間房，望到妳既野，不過見唔到妳又聽唔到妳把聲，佢都好唔習慣。我同舅父講左好耐電話，舅父同我講左好多妳既野，舅父同我講妳真係我鍚我同呀丙，而且仲好擔心我地，我同舅父講，呢一個將會係我呢一世既憾事，婆婆雖然妳依家走左，但係我仍然每日都好掛住妳，今日會﹑聽日會將來每日都會。婆婆妳放心，唔需要再擔心我地，我地會好好照顧自己。婆婆我真係好掛住妳…。

婆婆走後的第三天，我喊左兩次，仍然好掛念妳。

婆婆今日係妳走後既第二日，妳既後事，我地都已經為妳打點得七七八八啦！妳既長眠之地亦決定係柴灣，以前我地同妳住得比較遠，不過…以後我地就最近妳啦！所以第時一有時間我一定會去探妳。係呢！妳鍾唔鍾意我幫妳搵個D相呀﹖我希望妳既最後一張相，妳會鍾意。

婆婆點解我晚晚訓前都不停叫住妳，希望夢入面可以再同妳見面，點解我都仲係見妳唔到既，我真係好想可以見到妳，望到妳各樣都安好，我已經滿足啦！一次…婆婆我求妳比我見多妳一次。

妳走後第二日，我仍然十分掛念。

婆婆妳點呀﹖係唔係已經返左屋企呢！妳應該唔會再有任何傷痛啦，係唔係成個人都鬆左呢﹖

婆婆妳走左一日啦！雖然我仲未係好接受妳走既事實，不過今日我好返小小啦！我今日都有食野，不過…我都係食左小小野落去之後都想嘔。不過…妳可以放心，我可能作病姐，我無事。雖然今日我都仲係好唔開心，一諗起妳就忍唔住，不過…我無比人見到架，所以我去多左廁所。

婆婆…尋晚我做左好多同妳有關係既野呀，第一樣…我整左妳教我整既蘿蔔糕，一路煮我都不停諗返妳講既野，所有野都好似尋日一樣，唔同既只係妳唔係我隔離，放心！我已經買好材料準備整一底比妳初一返黎食架啦！點會小左妳個份，我初一入黎既時候會囉好多野比妳…有妳最鍾意既椰子糖﹐花生糖，紅豆沙，鮑魚雞粥，當然仲有蘿蔔糕啦！如果妳仲有咩想食記得話我知。

妳走後的第一天，我對妳十分掛念。

婆婆~妳終於都可以出院啦！

雖然~呢一次出院我地唔會再見到妳抱到妳，

亦都唔可以再為妳做到D咩野，

不過…我唔會再要妳擔心我…

我永遠都記得妳同我講既野，

我會照顧屋企，我會照顧媽咪！

妳可以放心啦！

雖然…我地既誠諾未對現，

不過…妳信我，我一定會好好咁照顧屋企。

呢一個係我對妳既最後誠諾。

見到妳已經唔使再受苦，我好開心。

不過…我以後都無得再叫妳一聲"婆婆"啦，

頭先我除左喊咩都無同妳講，

我依家想講比妳知！

"婆婆"我下一世都要妳再做我婆婆，妳放心…我會乖，唔會要妳再擔心我，妳放心走。

婆婆，我好唔捨得妳，我真係好唔捨得妳。不過一切都已經太遲。因為妳已經離開左我。

婆婆佢已經活左半輩子，依家佢係醫院可能要走啦！點解係佢最後呢段路都要佢咁辛苦，點解唔可以比佢舒服多小小時間。

我好亂…尋晚當我聽到舅父同媽咪講，妳話︰"好辛苦，叫我地比妳去"。呢一句說話我聽到個心覺得好痛…真係好痛。強忍眼中淚水(我唔想比媽咪見到)返出廳無再說話，直至去沖涼，我終於可以發洩出黎，不過我都唔敢發出任何聲音，呢一刻我真係失控，坐係廁所只係諗返細個同妳既點滴，當然…係好開心啦！不過知道妳依家既情況，我真係好內疚，未有對妳盡過孝道，反而我既一切另妳擔心，婆婆妳想見到既，我諗要令妳失望啦！不過其他野，我一定會做得好好，唔會要妳為我擔心。

我知道，我依家無咩可以再為妳做，不過…我希望呢一刻妳就算辛苦都食小小野，唔好再講一D另大家傷心既野！

婆婆…我真係好想話比妳知，我永遠都咁錫妳架。